喜記蟹將軍 (iSQUARE國際廣場) (已搬遷) 新店位置

媽咪好鍾意食呢間店嘅炒蟹架，侍應會幫手剥蟹蚶，換碟次數又多，趁住有特價我又黎食個4-6人龍蟹宴，全包盛惠一千蚊都唔洗，包羅萬有嘅菜式，超級抵食！先黎個鮮淮山酸薑，健康開胃～椒鹽波士頓龍蝦同避風塘炒辣蟹，勁香口！份量唔少，連龍蝦軟殼，經過椒鹽炸過之後，都變得好食好脆，殼肉之間嘅肉汁...媽呀！好食到暈呀！經過以往經驗，今次炒辣蟹揀嘅辣度係微辣，少辣多香脆嘅避風塘炸蒜，埋住嘅蟹肉，超級惹味！秘製豉椒炒蜆，甜甜辣辣，d肉仲好大粒，個個都食到Lam Lam 脷！掛住食蟹忙到差d唔記得食燒汁野菌牛柳粒，又腍又惹味！仲有香甜嘅金銀蛋莧菜、入味滷水鵝（例牌），蟹油炒麵。繼續keep住家庭聚餐list頭幾位。