唐記包點 (堅拿道西)

營業中

休息中

早幾日同個同事因為要趕project齊齊係舖頭OT我地做到9:00幾突然肚餓即刻諗食咩呢個時間一定要揀快靚正最好係可以一件件一放入口就繼續做野突然諗到唐記包點👍🏻👍🏻點心一向幾好味啱曬呢刻嘅我地因為夜咗選擇少咗冇我平時最鍾意食嘅金錢肚今日我地就揀咗燒賣燒賣大大粒唔會有一粒粒嘅肥豬肉但都好香仲有呢個足料原粒鵪鶉蛋燒賣都係個好好嘅選擇雞扎係同事揀嘅估唔到平時唔食雞扎嘅我都覺得好好味又足料囉我地仲叫咗鮮竹卷啲汁配埋好好味足料啖啖餡👍🏻👍🏻唐記仲出咗飲品同事飲奶茶我飲豆漿同事話支奶茶幾出色而我支豆漿都好滑唔會太甜👍🏻

銅鑼灣堅拿道唐記，就在鵝頸橋天橋底， -放工 等巴士 見肚餓， 初頭諗住淨係買個包， 諗諗下不如買埋飯返屋企食，飯都唔使煮， 如是者就買咗兩個飯 加埋啲點心，咁就餵飽左3個人。-不得不提的是銅鑼灣唐記有 蒸飯加點心 套餐賣， 兩樣加埋一齊都只係36蚊，抵食。-章魚肉餅飯章魚肉餅大大件， 章魚加馬蹄撈晒落豬肉餅裏面， 口感一流，勁爽。- 白飯夠大碗， 最重要係仲有椰菜附送， 唔怕冇纖維。-燒賣燒賣係豬肉燒賣，大大粒， 肥肉同瘦肉比例均勻， 不會太肥。-另外一個套餐叫了雞蛋牛肉飯和 鮮竹卷牛肉是山竹牛肉， 滿足了夜媽媽仲想飲茶的我， 雞蛋煎得燶邊，簡簡單單著實不錯。-鮮竹卷有三大件， 裏面材料紮實，有豬肉有木耳有蘿蔔，抵食夾大件。---另外仲叫了三個凍包 打算第二天做早餐，叉燒包不會太多肥肉，糯米卷材料豐富， 糯米有臘肉的鹹香 ，- 香菇雞包有木耳有雞，是愛肉人士必點之選， 三個包材料豐富，只係6蚊個， 著實抵食。最後見天橋底等巴士熱到成身大汗，就買了支黑芝麻豆漿，解暑之餘又充滿豆香味，濃郁之選，不錯。