夏麵館 (始創中心)

營業中

休息中

今晚想食小籠包 所以去左夏麵館☺️ 太子分店嘅夏麵館面積都幾大 好多位置 坐得舒舒服服🥰泥到當然要食小籠包啦 我地仲叫左以下食物 小菜：1. 鮮肉小籠包 一籠4大粒 一口食哂滿滿嘅肉汁好正👅2. 松鼠桂魚 上海菜成日都會想食到嘅菜式🤩 魚肉好滑 炸落好香脆 淋上甜酸醬真係又開胃又好食😋3. 烏金蟹粉拌麵 墨魚汁拌麵上放上超大量蟹粉😍 睇落已經好吸引 加少少醋食味道更昇華🤤4. 生煎包 有3個生煎包都幾多肉汁架😋5. 炸銀絲卷 最鐘意點煉奶食 外脆內鬆軟🌟

前幾日行過夏麵館睇到有蟹粉宴，本來想上網訂，誰知道個活動已經完結，但係心中還念念不忘想食蟹粉。今日又行過始創中心，諗住食碗蟹粉麵過吓癮都好。下午茶餐到四點完結，我哋坐低時已經係三點，但係個餐廳幾乎係滿座。下午茶餐選擇中有烏金蟹粉拌麵，咁就梗係點佢啦！我哋兩個人，所以仲嗌咗一個鮮肉小籠包同埋一個紅油炒手，飲品就要咗酸梅湯。雖然係下午茶餐，但係碗烏金蟹粉拌麵一啲都冇欺場，份量充足而且勁好食。叫得做烏金一定係黑色，啲麵應該係用墨魚汁製成的，拌上金黃色的蟹粉，視覺上形成強烈的對比。墨魚汁面非常有咬口，撈埋啲蟹粉食滋味一流，鍾意食蟹粉的朋友，我強烈推薦呢個餐。紅油抄手同鮮肉小笼包每份有四件，抄手一向係我嘅至愛，尼度嘅抄手 好大粒，調味亦都非常之唔錯，係我鍾意嘅味道。至於個小籠包，湯汁清甜，但係我嫌佢啲皮厚咗啲，所以有少少失分。埋單時問咗句個蟹粉宴係唔係已經完結，結果被告知雖然網上活動巳經冇咗，其實佢哋仲會做到今個月尾，而且walk in都冇問題。咁我就一於喺月尾之前嚟食多一餐喇！

🦀️蟹粉拌麵 $78蟹羹同麵分開上 俾食客按自己喜好食可以將蟹羹不落麵度 又可以將麵滲落個羹度蟹羹質地濃稠大大碗 最重要係蟹肉份量都好多食到最後都仲有蟹肉 唯一係偏鹹咗少少上海麵麵條微煙韌掛汁一流 可惜底部水份留得比較多 會有少少影響質感🥟鮮肉小籠包 $38食上海嘢必點嘅小籠包！一籠四隻 皮唔算薄但就較煙韌有口感肉餡調味啱啱好保留到適量肉汁 唔會過鹹

前排係網上以72折買左夏麵館$100現金卷, 今日放工就同家人去左夏麵館太子分店食返餐。主打上海菜, 正價都唔太貴, 宜家再有72折, 真係抵上加抵!! 【鮮肉小籠包】HK$38小籠包厚薄適中, 含豐富鮮甜湯汁, 饀料鮮味多汁。【紅油抄手】HK$38個汁好夠辣, 饀料有肉香, 但嫌皮過厚, 薄返D會好得多。【酸辣湯麵】HK$52湯底酸辣味平均, 夠杰, 拉麵索左個湯汁令麵質更林, 材料豐富, 整體很有層次.【上海擔擔麵】HK$46湯底夠辣, 有淡淡花生醬味, 食落唔膩, 同樣拉麵索湯令麵質林得黎又入味。【豆沙鍋餅】HK$36嫌煎得未夠香口, 外層很粉, 未夠脆口, 但豆沙饀料很足, 甜甜地。【貓山王榴槤高力】HK$25口感軟熟, 一咬開已經散發陣陣榴槤飄香, 榴槤味甘甘地~【擂沙湯丸】HK$32黃豆粉平均包住湯丸, 咬開芝麻蓉湧出, 甜甜的, 芝麻味香濃。

身為一個吃貨咩都會去試下👅而上海菜.四川菜.我都好喜歡今日就去左一間好多人都推介既餐廳夏麵館.聽就聽得多.但真係未試過!.食物方面:⚪️上海醬鴨味道比較濃郁入味.肉質都好嫩滑分量唔算太多.作為涼菜都唔錯😛⚪️蟹粉豆腐煲好香蟹粉味.而且非常足料豆腐好滑.配合蟹粉好夾成煲都可以見到好多蟹肉同蟹膏😊⚪️蟹粉拌麵蟹粉係另上的.一個拌麵跟一碗蟹粉相對上無蟹粉豆腐煲好味🤔拌麵係冇味嘅靠蟹粉嘅味道所以整體都比較淡.蟹粉味唔算好出而且一碗蟹粉唔足夠撈成碗麵.不過不失⚪️鮮肉鍋貼大大隻鍋貼.餡料好足但係略嫌皮厚.煎得唔夠脆但唔算好乾都可以的😌⚪️鮮肉小籠包熱辣辣嘅小籠包充滿湯汁.一咬就流哂出黎.肉味好鮮甜😚整體方面:因為見到有得食蟹粉.本身都好鍾意食所以叫咗兩樣蟹粉嘅菜式蟹粉豆腐煲絕對有驚喜好濃郁😋而且配合豆腐非常夾小籠包都係必食之選建議麵食揀返上海粗炒或者擔擔麵應該會更好食想食上海野都係一個幾好嘅選擇👍🏻

每次去始創中心都經過1樓夏麵館，皆因次次都先吃飯才行商店，總是沒有機會吃  ;  但今天例外，先吃晚飯才 shopping，因為我想去這間餐廳好耐，今日終於可以品嚐一下這𥚃的美食啦 ~餐廳裝修別緻，藍藍色的佈置，有點似海洋的感覺，而地方幾寬闊，沒有擠迫感，舒適寫意。我們在晚市來到，餐牌上有多款上海小食、特色蟹粉菜式、飩湯、小菜、炒飯/年糕、涼菜、煨麵/湯麵、點心、甜點、飲品等，很不錯。我點了自選涼菜五小碟 $115，有四喜烤夫、雞絲粉皮、鎮江水晶肉、美味海蜇、糖醋小排。烤夫是我喜歡的食物，細細粒，方便易食，而且口感一層層，是不錯的小食。爽口軟滑的雞絲粉皮，麻醬香濃，好吃。似啫喱的鎮江水晶肉，鹹鹹香香的肉味，肉質爽滑，很好味。已用醬汁調過味的海蜇，只是少少鹹，好入味，幾特別。甜甜的糖醋小排，好香蜜糖味，有咬口，肉味濃厚，美味。回鍋肉粗炒    $64加入豆瓣醤炒的，少少辣，惹味香濃，材料有回鍋肉、豆乾、椰菜、青椒、麵條等，爽口濃味，有獲氣，而且份量不少，都幾大碟，好吃。上海擔擔麵    $46好大碗的擔擔麵，比一般餐廳大一倍，厲害。濃濃的花生味湯底，幼身麵條，滑嘟嘟，散發啖啖麵粉香，加上

夏麵館-滬式滋味有時食得西餐多都想轉下口味食返餐中菜，黎到始創中心被夏麵館既門面吸引住，可能岩岩裝修完，全店都好摩登。一坐低服務員就奉上一壼熱茶🐻雞絲粉皮 $52粉皮晶瑩通透，爽口彈牙，配上青瓜絲同雞絲，再加上香濃既芝麻醬，開胃之餘亦係消暑佳品。🐻XO醬炒年糕 $68未上枱已經聞到香味，用上大量XO醬、生抽同辣醬炒年糕，每一塊年糕同配料都沾滿醬，入口微辣，年糕煙韌，但不失惹味。🐻鮮肉小籠包 $38小籠包皮薄肉嫩多汁，筷子輕輕一夾都冇穿，食之前點埋醋同加兩條薑絲，口感即時大增，食既時候真係要小心，因為真係好多汁。🐻醃篤鮮 $75上海第一名湯，用上冬笋、腩肉、咸肉同百頁結慢火熬，乳白色既湯頭，入口非常鮮味，百頁結豆味濃郁，同時亦好索味，冬笋非常爽脆，看似簡單既湯，其實係一道繁複既功夫湯。🐻豆沙鍋餅 $36即叫即炸既豆沙鍋餅，薄薄既餅皮，熱辣辣又脆口，內裡滿滿豆沙蓉，味道唔會太甜，絕對係一個唔錯既飯後甜點。

好耐無食過中菜，今日途徑太子附近見到有上海菜已經好想食，小籠包、窩貼、生煎包諗起都開心。夏麵館有別於其他分店，入內全走摩登的設計，地方相當寛敞舒服又有卡位雅座。餐廳設有餐紙給客人單點，由小食、小菜、點心、飯粉麵、甜品等，應有盡有。特別一些手工菜或限定系列，例如蟹粉系列、貓山王高力豆沙，深信總會有一班棒場客。麻醬拌麵 $36估不到拌麵的份量那麼多，麵條幼身與麻醬互相輝映，麻香四溢並帶有口感。2-4人單點也可以，相當抵食。鮮肉小籠包 $38上海菜又點少得「小籠包」，4小粒熱騰騰皮薄餡靚，輕輕咬一口湯汁豐盈，肉味濃郁連同薑絲及醋同吃，更見滋味。大千蝦球粉絲 $118驚喜的莫過於平凡的食物更見不平凡，本屬普通之物-粉絲，爆香蝦仁連同酸辣汁炒至乾身並利用鐵窩奉上保持其溫度。上桌相當吸晴，大大粒蝦仁與粉絲入味又惹味。炸銀絲卷跟煉奶 $26好耐無見過炸銀絲卷，平常上海菜通常只有炸饅頭但其實銀絲卷更見美味。銀絲卷即叫即炸，香脆的外層與內裡的鬆軟呈絲狀，連同煉奶同吃非常好吃。

今日ot 到9:00 ，唔知食咩好，同事帶路黎食夏麵館，位於太子始創中心一樓，地方好就腳，我哋9:30入座，都仲有幾檯食客。間餐廳好大，裝修簡約，好舒服，我們兩個人座了一張卡位，非常大舒適，卡位之間還有一層玻璃間隔，私隱度好高。睇吓有咩食先，餐廳用點心紙的形式，一張是套餐，另一張是散叫，另外枱面還有一個新菜式推介牌，嘩，正呀貓山王高力，一定要試下。自選涼菜五小碟$115一共有八款涼菜俾你選擇，我們點了蒜蓉四季豆，雞絲粉皮，涼拌小木耳，鎮江水晶肉，糖醋小排五款雞絲粉皮超正，麻醬好香，粉皮非常爽滑，麻醬分量多，把粉皮完全撈埋一齊食，啖啖都好香口。鎮江水晶肉，食落好重啫喱口感，肉質鹹香，好清新。糖醋小排骨，值得推薦，糖醋味噌做到剛剛好，不會太甜，也不會偏酸，排骨非常入味，細細舊，但是啖啖肉，略嫌肉質偏乾，但是味道一流👍排骨擔擔麵$65一上枱時，真的覺得份量驚人，好大碗，上海麵底，比較煙韌，擔擔面做得不錯，小小辣，好惹味，豬扒是用麵粉包住炸的，但是表層不會太厚，肉汁都鎖住，外脆內軟。酸辣湯一碗$30非常足料的酸辣湯，好開胃，他的酸辣程度也是我喜歡的。鮮肉小籠包$38小籠包好抵食， $38有四粒

難得約齊人食飯，簡左黎食夏麵館，每樣叫左小小一齊share食😋小籠包2款都叫左蟹粉小籠包（4隻）$70，鮮肉小籠包（4隻）$38外皮不會過厚，所以由外面都看得到包內充滿湯汁。 一定要非常小心，不然美味的湯汁全都跑出來的話便後悔莫及嚕。稍稍涼了一下，就一口把小籠包吃掉！濃濃的湯汁在口中爆發，豬肉的鮮味非常突出，喜肉者一定滿意萬分。 而蟹粉小籠包的蟹粉香跟鮮肉味搭配得天衣無縫，鮮味十足。 松鼠桂魚$198好久沒在香港吃過達標的松鼠魚。 松鼠魚首先必要炸得外表香脆，而肉質必須保持嫩滑；醬汁要夠味夠琱，能夠掛上魚身，甜甜酸酸更可以帶出魚香。 夏面館的松鼠魚實在是內外兼備， 色香味俱全。外表上的脆漿很薄， 吃下去不會覺得油膩。 沾上醬汁更是開胃。 濃湯滑津白$58濃湯香滑， 津白爽脆

🎐熊妹最鐘意周圍揾著數💡，團購當然係一個好好的途徑。呢排俾熊妹發現《夏麵館》竟然都有推出團購優惠，可以以72折購買$100現金卷💵，熊妹一直都想試下《夏麵館》，因為係中菜入面熊妹最喜歡的上海菜，仲要最近係太子始創中心開左分店，近水樓台，仲唔fit哂熊妹3️⃣個願望？📌著數野緊係拉埋好姊妹奧莉花師奶同野口同學一齊開心分享喇。🥰📌餐廳都幾大，好多枱，7半黎到都好多人，好彩仲有廖廖數張4人吉枱，醒目的熊妹一早就要求安排左bb櫈俾我們親愛的娜娜👧🏻。📌經典招牌上海菜款款齊備，涼菜、砂鍋餛飩雞，炒年糕，包點，粗炒，菜飯，擔擔麵，酸辣湯，高力豆沙等等應有盡有，果然係正宗上海菜館，頓時令熊妹勾起新年時帶阿豬媽到上海遊歷的種種回憶。鮮肉小籠包，$38📌食上海菜點少得經典上海小籠包呢？皮薄多汁，熱辣辣蒸起真係要小心翼翼咁咬，以免湯汁爆出來燙傷唇舌👄。肉饀都好鮮味，唔會好油，點上紅醋的上海食法，酸酸地，好味！不過計返十蚊一件好似貴了一點。🤔自選涼菜（五小碟），$115📌上海菜的涼伴前菜絕對係上海菜的代表。有蒜香四季豆，涼伴小木耳，四喜烤夫，雞絲粉皮，鎮江水晶肉，虎皮素鴨，美味海蜇，糖醋小排，真係花多眼亂，熊妹

好耐冇見既大忙仁 終於約我食飯了。呢次想食點簡單點，上海菜確係唔錯既選擇。香港地上海菜館真不少，今次約到黎太子 逛著逛著 原來始創中心入面係有間勝價比不錯既連鎖上海菜館呢。ll作為上海涼菜，雞絲🐥粉皮不能少。配上青瓜🥒夠清新 加埋麻醬真係為滑滑粉皮增添香濃味。ll作為一個糯米控，煙韌既年糕🥘 我真係好鐘意食架。加上XO醬 鮮味`濃味`辣味，真係令成個主菜好惹味。一不小心 快全盤都給我幹掉呢😋🍴 真的好煙韌好好味。ll另一款主食 拌麵，上海麵🍜不需過冷河 把芝麻醬香 全都吸收晒其中。芝麻醬真係配什麼都咁美味呢。ll大大粒雲吞 配以秘製辣油🌶，餡料足 大大粒，食多幾粒都冇問題呀 好滿足。ll上海菜好耐冇見既大忙仁 終於約我食飯了。呢次想食點簡單點，上海菜確係唔錯既選擇。香港地上海菜館真不少，今次約到黎太子 逛著逛著 原來始創中心入面係有間勝價比不錯既連鎖上海菜館呢。ll最後點選甜品作結，今次點既係鍋餅。薄薄既餅皮 配以豆沙蓉 綿密又不太甜呢。

最近朋友轉了新地點上班，所以人比較累，故我們都選擇工作地方的中間點太子吃飯。我想吃得清淡些，夏麵館的點心，湯麵，湯羹最適合不過。雞絲粉皮絕對是一道開胃的涼菜，晶瑩的粉皮淋上濃濃的花生醬，芝麻，再與青瓜，絲涼拌，滑溜順口的粉皮瞬間變得香濃帶爽脆，讓人吃過不停。濃湯滑津白以雞湯，金華火腿經過慢火細燉營造出濃郁香純的濃湯，津白則提供蔬菜的鮮甜，兩者合二為一，形成銷魂難忘的好味道。鮮肉小籠包皮薄一夾即破，肉餡非常鮮美，飽滿細緻，毫不油膩，每咬一下小籠包都會不經意的從我無法預料的地方流出湯汁，湯匙都接不住湯汁。菜肉餛飩麵一看便知份量十足，菜肉餛飩餃皮厚薄度剛好，新鮮豬肉餡料散發著甘香，白菜增添鮮美風味。滿有彈性的麵條與清甜的湯頭結合，將菜肉餛飩麵細膩詮釋。三鮮豆腐羹我超級推薦大家品嚐，羹，講求的就是湯頭鮮度，滋味濃厚，可是豆腐本身滋味輕輕淡淡，所以就要靠其他食材來幫忙，這湯羹運用雞肉，蝦仁，火腿熬煮成湯羹，成了動人美味的湯品。高力豆沙令人驚艷萬分，外酥內軟彈的蛋白層以砂糖點綴，內裡包覆綿密的紅豆沙，濃濃豆香吃來甜而不膩，是晚最強甜品無誤。

是日行經始創中心，發現開左間新既連鎖餐廳，之前係荷里活廣場經過都想試架啦，既然而家佢送到上門，無理由唔俾面架~入到去睇到餐牌好多選擇呀~前菜、粉麵、點心、甜品樣樣都有~基於我地得兩個人，最後試左「嫩雞煨麵」、「鮮肉小籠包」同「排骨菜飯」。排骨菜飯: 個排骨炸得有D過火左，冇咩肉汁，但份量就夠既。菜飯係普通一個屋企碗既大細 (唔記得影相)鮮肉小籠包: 小籠包個皮最緊要，要做到皮薄而又唔穿仲要鎖得住小籠包入面既肉汁係好高境界。估唔到一個$38既小籠包竟然可以做到呢個效果!!佢既餡好大粒，入面好多汁，咬開個尖尖頭，啜晒佢熱辣辣既肉汁，正到痺呀!!呢個小籠包我俾10個like~最後到小妹最中意食既上海菜嫩雞煨麵: 好大個煨麵呀!!佢一黎到就霸左半張檯，我地見到果陣都呆左，仲要係$55咁抵。唔好見佢咁大碗以為全部係麵，佢成碗入面夾雜住好多雞粒同菜粒，加埋濃郁既果隻嫩雞煨麵獨有既湯味，又係另一番享受~~~總括來講，呢間夏麵館既嫩雞煨麵同小籠包真心，新裝修，地方又大，價錢仲要咁親民，小妹日後又多一個飯堂啦~

最近日韓西都食到厭，係時候食返中式，上海菜就係一個唔錯既選擇，呢間餐館間隔幾好，位於旺角黎講今日既人流真係唔算多，可以輕輕鬆鬆食餐飯，同4個朋友7點半黎食都唔洗等位，叫左幾碟餸，上菜速度都幾快，先黎個花鵰醉雞，酒味好濃，不過雞唔夠多肉，同唔夠滑，雞骨居多，個味係幾好。食到一半先記得影之後到回鍋肉粗炒，火候控制得幾好，有鑊氣，食落幾香，有好多高麗菜，好大塊。生煎菜肉包都幾正，底部煎到脆脆地，好香口，唔油脷。最正係呢個鮮肉小籠包，外皮軟簿，湯汁好好味，肉餡都幾新鮮，唔會有雪藏味，值得一試