美心小品

營業中

休息中

郊咗成日遊，搭小巴出返來將軍澳，試下呢間未食過嘅餐廳先。舖頭唔太多人，環境清幽，而且照足法例，各座位保持適當距離，令人倍感安心，於是入去揀個靚靚梳化位，慢慢品嚐美食。食物簡介照樣睇相，不過值得一讚嘅係，隨碟附送嘅蒜蓉包，香味濃郁，趁熱食啱啱好。食飽之後，重可以小坐一陣，喺炎炎夏日之中，有一個安靜舒適嘅環境畀你享用美食，補充體力，真係夫復何求啊！最後都要講下，呢間餐廳行清新簡約風，好彩人唔太多，可以喺入面好好休息。不過當越來越多人入來，當然要退位讓賢，等大家享受同美心一齊嘅快樂時光啦

聽到美心 往往都會連鎖店式嘅美心MX但近日坑口開左間美心小品 食西餐嘅見評價都唔錯 就走左去試.鮮茄汁雞肉糙米飯 ($58)雖然冇寫係意大利飯 但食落幾似 一黎茄醬將飯癡埋一齊 二黎糙米本身都比白飯硬 質感就更似😋😋雞肉幾嫩 醃得幾入味蒜蓉包雖然有啲唔襯飯/意粉 (每款都有送😂😂)但都幾好食 法包咬落去裡面好軟熟.朱古力咖啡 (跟餐+$15)ok嘅 無咩comment 一杯mocha要有嘅味道都齊😂😂.忌廉蛋汁煙肉莎樂美腸意粉 ($58)只可以話有忌廉 唔可以話有蛋汁有蛋汁個醬應該會傑身一啲 但佢偏稀偏淡 意粉喺忌廉裡面煮得唔夠時間 但意粉韌度幾好salami唔係salami 似煙肉多啲😂🥓.辣薯條 (跟餐+$10)薯條即叫即炸 幾辣手下🔥望落原本以為唔夠調味 食落都ok 食到有辣味嘅 但味粉可以再均勻啲

自己對於美心既餐廳都無好感，但見佢裝飾幾靚，個menu d 野都好似幾好, 我份人又最中意就係比機會，睇下伏唔伏，係半自助形式，自己到門口比錢，咁當日我同我男朋友就叫左個意式牛肉豬肉腸意粉同鮮茄汁雞肉糙米飯，黎到個樣好吸引，經過仲見到佢地D意粉都係即炒，仲有意粉上面都會有個蒜蓉包，脆度同牛油都夠，但我覺得蒜味可以再多Ｄ，是關本人是重口味的。首先，講一講意式牛肉豬肉腸意粉，意粉既硬度岩岩好，D汁既傑度都岩岩好，可以每一條意粉都痴住D汁，汁個味同肉腸既味道都岩岩好，成件事好夾，唔係d咩高級既意粉，但係高質既。之後到個鮮茄油雞肉糙米飯，鮮茄汁既份量同埋個汁都係岩岩好，但雞肉好似有d鞋同埋唔係好夾到落個飯，如果你唔係好中意食偏硬既飯，都係揀番意粉，因為始終佢用既係糙米飯，我自己就覺得個硬度係可以接受。整體我覺得如果中意影相，呢個地方係個唔錯既選擇，因為佢地唔單止裝修做到好靚，仲配合埋燈光，影相真係點影都靚。下次再去我會試佢d Burger 同咖啡。