茶餐廳2.0 (已結業)

唔知大家對茶餐廳既印象係點既呢？係咪不外乎平靚正？ 宜家估唔到茶餐廳都有進化版 唔止平靚正咁簡單 仲坐得好舒服 仲有甜品食😍今次我地就去左黃大仙分店 餐廳外表睇落同平時既西餐廳無乜分別 但係價錢就貼地d 仲有好多選擇🤩 由西餐 鐵板 到中菜 小炒 海鮮樣樣齊全😌 我地就試左鮮鮑魚石窩雞煲同香煎特級T骨排🤤 價錢唔貴但係一d都唔失禮 鮮鮑魚石窩雞煲有成3隻鮑魚 仲有唔少雞件 醬汁鹹香入味 好好送飯👍🏻 香煎特級T骨排由於係是日晚餐 所以就唔係鐵板上 不過就包左餐湯同餐飲 T骨排非常大塊 用黑椒調過味 食落好惹味 揀左薯菜既薯角仲好香脆😋餐飲方面我地就揀左新推出桃膠系列既百香果四季春桃膠 由於跟餐 特飲會-$10添😉 都幾有驚喜 有茶味又唔會好甜👅重頭戲當然係個甜品啦 我地就揀左雪糕鮮果雞蛋仔 即叫即整所以大概要等10分鐘左右😊 雞蛋仔比外面既細粒d 所以每啖加埋雪糕同生果食就岩岩好👍🏻 生果係火龍果 士多啤梨同藍莓 唧埋士多啤梨醬 酸酸甜甜唔會食到好膩🤩 下次要日頭再泥食 順便睇埋個獅子山先🌟

今日約朋友係黃大仙個頭食晚飯，咁係openrice見到呢間好似ok就去左食，佢有室內同室外既位，見到室外位可以直接影到獅子山，幾正，不過我朋友想坐室內就入左去坐。我地首先叫左鮮鮑魚石窩雞煲，呢個煲整得非常入味又濃郁，鮑魚好有咬口，都算幾大隻，雞對比出面某d雞煲唔算好嫩滑，但感覺都唔會太差，勝在入味。澳洲西冷牛扒(100oz)叫左五成熟，入面仲會紅紅地，外面睇落雖然有少少lone，但無影響佢既味道，厚實飽滿有嚼勁，意粉都唔錯，唔會軟淋淋。見佢加錢有酥皮湯就加左個試下，淨係湯既話係偏淡少少，不過我就比較喜歡連埋酥皮一齊食，個味道就會適中。我朋友成日無食野，食完一個餐仲覺得肚餓，見佢啲野食幾好食，咁就再叫左個咖喱海鮮，佢個咖喱都算辣，不過辣得黎又好好食，啲海鮮好新鮮又入味，啲蝦係爽口彈牙，全部都至少有兩舊或以上，真係足料又足味，仲有少許沙律菜跟。店面都幾大，食物又高質，仲要近地鐵同巴士站，真係會食過翻尋味，值得推介！睇完個menu會樣樣都想食。

一般人對茶餐廳的印象，大都是港式、快餐、方便、選擇多甚或頹食，雖然都算是港式飲食文化的一種，但始終感覺有點流於市井地道，而近年經過潮流的改造，在某些品牌銳意改革之下，將傳統茶餐廳包裝起來，但在食物菜式上始終還是沒有太大的改變。上星期筆者來到黃大仙跟一班朋友聚舊，由其中一位吃貨引路去到位於現崇山地下的一間新開的「茶餐廳」，可能你會問為何要括住茶餐廳三字，其實因為筆者真心覺得這店實在遠遠優勝於一般的茶記，所以特意突出了這稱謂。小店佔地頗廣闊，除了室內的寬敞雅座外，室外還有倘大的半露天的優雅茶座，滿有歐洲小鎮Cafe的氣息，單看裝潢還以為是高級西式餐廳……細閲餐牌後更是乖乖不得了，菜式覆蓋甚廣，由矜貴的A4和牛、安格斯斧頭扒和龍蝦湯泡飯到創意的雞蛋仔pizza、濃香巴基斯坦咖喱和地道茶餐廳美食如三文冶、炒粉麵或咖啡茶均有供應，讓人眼花繚亂，而身為吃貨的筆者當然手起刀落，盡點心水靚菜。先來一道涼菜，龍騰瓜籃，擺盤甚為精美，簡單的以溫室翠玉瓜刨成絲條，再織成球狀，配上自家調製的酸辣醬汁，清新爽脆中帶惹味。雞蛋仔Pizza，自家創作的雞蛋仔Pizza蠻有新意的，以港式街頭小食雞蛋仔作為餅底，口感鬆