小糖鈕 (已結業)

同廿多年無見的舊朋友食飯,  跟他介紹來了「小糖鈕」這間上樓黃店,  6:00P.M. 左右到,  一入門口,  感覺似帶點歐陸色彩,  牆壁上掛滿簡約又豐富色彩的油畫,  再加上漆了鈕子的碟子裝飾,  貫徹了店名的意思, 燈色是圓點粒燈套, 散發温馨的橘色, 很柔和。 聽朋友講, 這裡沒有酒牌, 但食客可自己帶酒來飲, 不收取開瓶費。 講番食物, 我們 order 鰻魚炒飯 及 羊架 share , 前者甜甜地又夠熱,  有鰻魚味。羊架肉很鲜嫩又香口,  完全沒有「騷」味,  約 5 成熟左右, 伴碟的雜菜也很香口。 服務員放了樽裝水給我們任飲,  傾了四粒鐘, 食客不多, 不用120 mins 限時, 真舒服。

小糖鈕，每次我去， 都會比驚喜我， 今次除了藝術品多左之外， 係甜品同主菜方面都好有心思。 我的推介1. 要試下「乾冰特飲」未試過飲由乾冰整既特飲， 就要試試， 呃like 最好2. 芝士薯條配咖哩汁（辣得有價值🔥）芝士薯條好多地方都有， 但如果配埋自家整（紐約唐人街風味及印度咖哩mix）， 就不得了。 超好食3. 鰻魚炒飯如果有咖哩汁餘下， 就一定要叫尼個飯， 好食到一個點甜品真係唔駛講， 就算幾飽都要試， 因為只睇外觀都超靚， 如果係生日，老闆的寫的生日牌， D字係超靚

真心估唔到係尖沙咀呢個商業大廈入邊會有間咁有人情味嘅餐廳，一邊擺放左好多小朋友或嘅話，色彩繽紛好溫暖嘅感覺。至於食物，咸式幾出色，先叫咗個前菜，脆米芝士棒棒雞，感覺就係長條型嘅麥樂雞，入面有雞軟骨，上邊有芝士脆米，口感非常好而且份量唔會太多如果唔係就會前菜都食飽咗我。主菜叫左鰻魚炒飯，超級入味而且好大份，嗰日咁岩有啲唔舒服所以兩個人只係嗌咗一個主菜，估唔到嚟到一個炒飯已經可以食飽左兩個人，而且鰻魚食得出好新鮮雖然切咗粒但係都好好味。講到甜品，呢度嘅大廚本身係甜品出身嘅，所以有好多好高水準而且酒店級嘅甜品可以喺呢度食到。因為唔舒服所以只可以嗌啲比較溫和嘅甜品，呢個糖鈕鐵板點心。其實係椰汁糯米飯珍珠雞，芒果脆酥同埋西米脆餅，口感非常特別，脆脆地入邊有原隻原粒芒果，非常真材實料，唔會太甜所以啱晒我呢啲病人食，賣相都非常用心，真係用過荷葉呢包住啲糯米，影相一流。