喫茶ちょうぼ

營業中

休息中

今次嚟到尖沙咀分店，位置都好方便，電梯一上就見到呢間和式裝潢嘅餐廳，環境好舒服，可能時間比較早，未到晚餐時間人流都比較少。睇完menu呢次就決定唔揀蛋包飯，揀左鰻魚玉子蓋飯<$108>加左$25升級套餐，包一份前菜同飲品，一條長長嘅鰻魚下面放住一件厚厚嘅玉子，買相非常吸晴，玉子好重蛋味，不過略嫌飯粒比較濕潤，但整體都好好食，另外佢前菜應該係會換款，之前有食過蕃茄仔，而今次就係青瓜，飲品方面揀左夏日海洋梳打，不過味道一般有啲甜，下次會叫返牛乳系列。

每次收工經過都排哂隊 今次終於試到😂好好彩等左10分鐘就入得 仲坐到卡位卡位真係好靚 餐廳環境好復古 坐得好舒服🎐同埋本Menu好靚 整得好用心 餐具都好精美整體性價比高 人均只係百元多 食物質素正常.🍱 鰻魚玉子蓋飯 ($98)鰻魚大條 燒得油香剛好 淡淡燒烤香 食落無骨鬆軟玉子好驚喜 係非常厚身 充滿蛋香 米飯係日本珍珠米 特製醬汁淋上面仲加入蔥粒|紫菜|番紅花 所有食材完美結合全部撈埋一齊食好開心 口感好豐富.🦀炸軟殼蟹扁意粉 ($98)賣相超吸睛 大大碟 軟殼蟹夠大隻 炸得酥脆 但切開一半發現 腮部沒去除😥唔係太敢食唔肯定軟殼蟹會唔會連腮炸 所以切走咗就算而意粉好彈牙 軟硬剛好 蕃茄蓉醬汁開胃.🐔炸七味雞軟骨 ($69)炸得唔算乾身 無酥脆感 比較油膩特製醬汁味道淡 唔算太出色 勝在份量多.🍮日式布甸 ($38)好迷人嘅布甸😍為咗佢而嚟！太正啦！布甸好濃郁牛奶香 口感細膩 焦糖唔會太甜面層加上鮮奶油及車厘子點綴 增加視覺吸引力