生原創(蛋包飯)

營業中

休息中

間蛋包飯開左好耐都冇入過去食，呢日行過見冇咩人就入左去...有好多款蛋包飯，最後叫左一個鰻魚蛋包飯，配咖哩汁，再加18蚊轉流心蛋，之後仲叫左個無骨芝士雞翼(3隻)。等左10分鐘就上左個蛋包飯，服務員用刀輕輕𠝹開個蛋包飯，d蛋漿流曬出嚟，好正 仲係上面加左d紫菜粉。個鰻魚飯都好多，夠兩個女仔食 D咖哩汁好香濃，細細粒既鰻魚，加埋d飯同蛋一齊食，好正同埋個蛋整得岩岩好，勁滑口對於超愛食芝士既人嚟講，呢個無骨芝士雞翼好鬼正  炸得岩岩好，脆卜卜，咬落去入面溶左既芝士，仲可以拉長 

一年一度情人節諗左好耐去邊到食好，想試下新野，所以今次揀左Omerice試下。人數：2人等候時間：0分鐘 (因為一日前已經打左電話訂位)點選的食物：鰻魚蛋包飯(流心蛋、茄汁)，明太子蛋卷，無骨芝士雞翼。食物款式唔算太多，有蛋包飯，鍋物，串燒，刺身等。但沒有壽司鰻魚蛋包飯：推薦既鰻魚蛋包飯有d令人失望，雖然蛋做得好好外面乾物入面有少計蛋汁，但係鰻魚粒極少，味道太淡。本人平時都食得好淡下，但係呢個飯真係冇乜鰻魚味同咸甜味。明太子蛋卷：呢個蛋卷有2種食法，鍾意食濃味既可以直接食，鍾意食淡淡地既話可以加d白蘿蔔茸再食，味道唔錯，明太子既味道好鮮，但係如果你本身唔係好接受到有少少腥味既話，唔係咁建議試呢個無骨芝士雞翼：芝士好軟唔會太濃芝士味反而冇乜雞味，唔會炸得太燶，十分適合小朋友食。