東京食堂 (已結業)

位於尖沙咀既呢間東京食堂，位置唔算太方便，但通常呢啲小店位置都會比較遠，不過個人認為只要好食，再遠都無乜所謂嘅～而店內既位置唔多，餐牌上既選擇都係以大路日本野為主，價錢亦唔算太貴，而今次就叫左一份鰻魚飯，同一份雞親子丼鰻魚飯（$88）首先佢鰻魚既份量都好大條，而鰻魚既魚身亦夠厚，唯獨係略嫌燒得未係太香脆，而食落亦有濃厚既鰻魚味，而味道亦較得剛好，而隨餐仲有跟麵豉湯同飯，而飯上面有灑左小小飯素，味道都算唔錯～親子丼（$54）雞肉既份量都好多，而調味亦都唔錯，但個人認為蛋既份量就唔多夠，唔能夠覆蓋到所有飯，而呢樣都係親子丼幾重要既事，蛋汁最好係比較多能夠撈到落啲飯到，但呢碗個人認為就唔多夠啦～總結呢間餐廳以味道同價錢取勝，性價比都唔差，係可以嚟食既一間餐廳👍🏻

去到旺角，好多人都去食韓國菜，今日掛住日本，所以就想搵間日本熟食試吓。上網簡單搜尋下，就見到依間餐廳，就去試吓。依間餐廳呢就係舊式住宅大廈嘅地面，你要經過一條比較短嘅走廊，就會見到間餐廳。餐廳入面座位只可以坐到大概8個人，外面就有兩張小枱，坐到四個人。雖然係舊式大廈嘅樓下但係環境都好乾淨。聽講佢鰻魚出名，所以今日就叫咗個鰻魚飯，佢個鰻魚醬汁好入味，鰻魚肉好豐富又肥美，值得一讚，只係略嫌呢飯上面唔夠紫菜，但係如果你加上鰻魚一齊食嘅話鰻魚醬油連埋啲飯食，都會好香口。鯖魚就煎得剛剛好，有時外面食嘅煎鯖魚呢就會好鹹，今次間餐廳嘅味道剛剛好，加上清香嘅檸檬味，好清新。如果大家想去旺角，又想食日本菜嘅話，不妨試吓依間東京食堂啦！

好掛住日本嘅鰻魚飯，同朋友出開尖咀，問下佢有冇得好食，佢就介紹lee間。位置唔太起眼，喺柯士甸大廈入面，唔係街邊地舖。行到入去，位唔多，最後揀坐戶外。見佢原條鰻魚跟餐都唔洗$120，價錢仲算OK，不過未食過，叫住半條試下先。跟餐有飯同味噌湯同嘢飲，半條鰻魚係分開上，唔係放定喺飯上面。第一時間試鰻魚，唔會燒到乾，食到有油份但係唔係好肥鰻魚汁唔係好甜，唔會蓋過鰻魚本身味噌湯唔會好濃，可以用嚟清一清再食芒果紅茶，茶味比較重去到尾，半條鰻魚送晒成碗白飯仲有一、兩舊可以就咁食。鰻魚控嘅可以叫成條慢慢歎！！小店嚟講，鰻魚真係整得好好食，重要唔貴，一定會再嚟食成條(唔係鰻魚控)