鳥羽名古屋料理 (已結業)

今晚大王突然話想食好野，咁佢又提過想食鰻魚三食，所以就黎左呢度。叫左幾樣野：1. 鰻魚飯（$288）： 個鰻魚燒得唔錯，但個湯太甜，同鰻魚飯有啲格格不入。2. 腐皮溫泉蛋：賣相唔算好，估唔到咁好食腐皮燒到外脆內軟，入面既係半熟蛋，超夾！3. 牛油雜菇：無乜特別。但好地地一個牛油雜菇加左黑椒，太濃+搶哂啲味....4. 親子丼： 分量都大，雞肉好多好滑，可以一試。總結：如果係為左鰻魚飯而嚟既話可以免了。如果再來，應該只會試串燒同腐皮蛋

上Openrice搵左好耐先搵到一間接近日本原味既鰻魚飯日本餐廳，即刻訂檯衝住鰻魚飯而來！喺樓下搵左一陣先搵到電梯上黎，一入黎氣氛唔錯，一邊係吧檯一邊牆係用唔同清酒 & 日本酒擺設而成，佈局幾靚幾日本Feel。黎之前做定功課知道係名古屋料理，而名古屋料理最出名當然係手羽先（燒雞翼），日本男人去居酒屋傾計梗係要食下串燒同雞雞翼送啤酒啦！首先叫左一個二人前六款刺身大約$399。呢個刺身拼盤幾得，有帆立貝、三文魚厚切、油甘魚、甜蝦、海膽同唔個咩魚。魚片偏厚切而且夠新鮮夠魚味，而油甘魚既油脂夠重，餘韻好正。海膽係好細粒唔算好甜不過都夠新鮮。再叫左味噌雞串同明太子雞串，老實講雞串係免治雞肉無特別唔係燒得香口，係食上面既味噌醬同明太子醬，我個人覺得味噌醬略濃鹹，無咩特色。當然要叫埋呢度馳名既手羽先，即係雞翼，幾乎每檯都叫，我地叫左5隻$88。賣相不錯可惜咬落好乾毫無肉汁，裡面既肉乾到縮起曬又硬，好似係雞翼乾咁......原來餐廳名物係咁既...可能係我地唔識欣賞喺Openrice食評中得知腐皮溫泉蛋有好高評價，甚至話有驚喜，我地一於試下點解咁正。賣相好吸引，見到溫泉蛋流心又有蔥花，放入口，第一就食

朝聖之店鰻魚飯可以算是我的浪漫，也是我的童年回想小時候，鰻魚飯其實同吉烈豬扒飯一樣價錢，但現在要食到真的鰻魚飯都比較難。雖然要等十幾廿分鐘，但因為係即燒，所以真的好新鮮，值得的。這間鰻魚飯是三食的，原味咩都唔加、加蔥 紫菜 wassabi、加湯成湯飯。湯飯係有少少驚喜的， 唯一敗筆係本身個餐已有麵豉湯，再加上湯飯的話便會好多水落肚了其實好食的鰻魚飯來講，主要都係要肥美的鰻魚，碳燒，珍珠米，但整個鰻魚飯的靈魂卻是佐醬，每一間名店都會有屬於他的佐醬。

名古屋最出名的美食有好多, 之前去過名古屋食過名古屋名物燒雞翼, 打開OPENRICE見到原來香港都有得食, 就打去BOOK位試下,因為BOOK左枱, 加上係平日, 所以去到就即刻有得坐, 而且好似冇乜人, 唔知係唔係因為位置不太易搵, 如果唔係知道有而間野, 都唔會有WALK-IN客。我地兩個人叫左四樣野。胡麻刺身沙津刺身同菜都好新鮮, 佢個芝麻沙津醬好似有少少柚子味, 酸酸地, 幾開胃, 好食。名古屋手羽先唐揚 (燒雞翼):叫左9隻 (4隻甜味, 5隻中辛) (我們都係本身唔食辣的人)中辛同甜味的分別係, 中辛會有好香的胡椒, 野味好食好多。所以有D後悔叫左甜味...味噌豬扒比起專門做日式吉列豬扒的餐廳, 算係普普通通, 未算得上係非常好食, 不過都OK。本身個味噌豬扒冇SET跟, 所以冇飯同椰菜絲。其實主要而味菜係個名古屋特產紅色味噌醬, 係普通日本餐廳食唔到, 甜甜地, 日式的甜醬咁幾好味。名古屋鰻魚飯本身我地都唔係好鍾意食鰻魚飯, 不過係名古屋名物, 點都叫左一個試下。我係名古屋食過, 比較之下覺得當地的好食好多。而間的所謂名古屋鰻魚飯, 除左D鰻魚比出面食到的軟身, 味道食