阿堂魚湯 (已結業)

之前係港島食過一間鯛魚湯專門店，感覺不錯。見到屋企附近開左呢間，又係專賣鯛魚湯，一於試下佢！本人好鍾意食魚，就叫左個鯛魚湯飯。女友相反地唔鍾意食魚所以叫左吉列豬扒烏冬，然後我地再叫一個魚腐小食。主餐牌個鯛魚片煮得岩岩好，咬落唔鞋，好有魚味，個湯濃度偏淡，但都okay，D飯都煮得唔錯，加埋D配菜幾好。呢個份量真心大！不過個豬扒一般，皮唔太脆，肉比較乾，個烏冬係贊岐烏冬，還好。呢個魚腐好抵食，估唔到仲有沙津，賣相很好。好結實，有咬口。

朋友話食過呢度嘅魚湯烏冬唔錯，我當然要試吓啦! 見到好多以主打魚湯嘅食品，決定樣樣都叫啲。廣島生蠔魚湯烏冬 - 一嚟到就飲吓啲魚湯先，飲落好鮮甜，好順喉，飲得出無味精，真係無得輸! 生蠔飽滿肥美，配埋彈牙嘅烏冬，正! 鱈魚魚腐 - 即叫即炸，熱辣辣，鱈腐有少少彈牙，有好濃嘅魚味，配埋日式芝麻醬嘅沙律菜，好味! 魚湯花膠魚肚蘿蔔鍋 - 會用火翻熱同興住，keep 住個溫度，花膠彈牙煙韌，魚肚唔腥，仲索晒啲魚湯，好鮮味，蘿蔔無渣，好清甜，我哋最後連魚湯都清埋。鹽燒鯖魚 - 鯖魚好肥美，魚皮燒到香香脆脆，加埋檸檬汁，魚鮮味更突出。炸紫薯餅 - 紫薯餅甜甜哋，但又好綿滑，吉列皮炸得好鬆脆，配埋沙律菜，好好味! 估唔到魚湯好飲之外，炸嘢都咁有驚喜。吉列炸豬扒 - 大大塊豬扒，炸得香脆，配埋沙律醬，食落無咁油膩，好滿足。日式汽水 - 2款都好特別，檸檬蜂蜜嗰款無汽，加入咗1%果汁，少甜; 橙汁嗰款就係梳打，都係少甜。甜品 - 分別有泡芙同蕨餅，作為呢餐嘅終結剛剛好。店員親切有禮，見到應該有唔少熟客幫襯; 下次想嚟試埋其他魚湯系列。另外，我哋食食吓就全間餐廳都 full 晒，假日7pm 前嚟就唔駛等

朋友推介鮮魚湯美食,廢話少講食左先講...睇下有幾美味入到去坐低睇食咩,魚湯系列係膽,睇下拖咩其他野食跟住叫左廣島生蠔魚湯烏冬,鱈魚魚腐,鯖魚,魚湯花膠魚肚蘿蔔鍋,吉列炸豬扒,炸紫薯餅,同日本汽水廣島生蠔魚湯烏冬--試下先,魚湯就好鮮味,蠔都好肥美...個湯係好正,結果我飲晒...我自己對味精就好敏感既一飲到味精好快就眼訓,不過今次飲晒都冇出現眼訓,即係無味精啦,咁下次我都會照飲晒佢鱈魚魚腐--外脆內暖滑,仲要好香魚味,口感加味道都一流鯖魚--煎到好香口之外又唔會過左火位,加點檸檬汁好食魚湯花膠魚肚蘿蔔鍋--68蚊咁多料真係抵玩,魚肚花膠都冇渣流灘好食,蘿蔔甜同無渣..食神學齋蘿蔔一夾就散有渣係失敗,咁今餐個蘿蔔係大成功吉列炸豬扒--豬扒炸起黎個漿唔算厚,唔會一味死多粉,豬夠味入味又唔會林到無晒咬口,仲有好乾身,而入味肉汁都保留到.炸紫薯餅--炸物可以話這店做得好出色,同樣外脆內暖,超香紫薯味,超正日本汽水埋尾個朋友話差少少甜品先美滿,咁只好滿足下佢都好好食,凍凍地咁,又夠香口另外有樣野幾好既係所有配菜都係沙律菜,我最愛就係沙律菜一口氣食晒佢,正