Food Combo (已結業)

上星期日至第一次幫襯過，至知道佢因租約問題而結束屯門店，臨別秋波今日再食多次，特式拼盤可滿足哂所有，內容包括牛扒、半隻春雞、燒豬筋骨、蝦、南瓜薯餅、薯條、薯蓉、烤粟米、烤番茄、原隻烤蒜頭，蝦比較細隻，肉質ok，牛扒一般，最好味係豬筋骨同春雞，豬筋骨醬汁特別，係蘋果加肉桂，微酸好解膩，肉夠淋，春雞連胸肉都好嫩。新鮮菠蘿火腿薄餅芝士焗至剛溶又唔會燶，配上新鮮菠蘿好清新。鳳梨冰可解解拼盤嘅肉膩感，可惜只能食埋今次，如果要幫襯就要專登出去葵芳嗰邊喇。

記得以前於VCITY返兼職的時候，已經有這間小店。地點非常便利，就正正位於新墟街市那邊，物價比商場便宜得多。黑松露蘑菇扁意粉 - $82頗濃郁的黑松露飄香，有很多肉厚的雜菇切片，底部有不少醬汁，還有不少多水的車厘茄增添爽口感。Combo小食拼盤 - $108兩隻炸雞翼塗滿酸甜的檸檬醬，還有一粒粒的黑白芝麻；南瓜薯餅炸得金黃香脆，裡面的軟糯的南瓜蓉好綿密；黑醋沙律有兩隻去殼去腸的鮮大蝦，肉厚又彈牙，還有數條鮮甜的芒果肉；幼滑細膩的薯蓉簡單配以淡雅的蘑菇好清新；簡單以鹽調味的粗薯條好脆香。鳳梨冰 - $22台灣鳳梨甜度特別高，酸度又適中，入口特別有夏日的清新感，還有兩三片脆口的鳳梨肉呢～

Combo小食拼盤有 芒果大蝦沙律、薯餅、雞翼、蘑菇薯蓉、薯條等，沙律清甜開胃，雞翼薯條香脆可口，薯餅是紫薯餡，外脆內軟。冰凍的菠蘿冰，除了甜甜的菠蘿汁還可吃到菠蘿果肉，非常適合夏天消暑卡邦尼長通粉配溫泉蛋 醬汁既creamy又惹味，配上溫泉蛋更滑溜，長通粉煙韌有咬口，戳破溫泉蛋令每條長通粉都沾滿蛋漿，口感豐富。滿分的卡邦尼長通粉😋西班牙龍蝦海鮮飯 賣相吸睛，除了半邊龍蝦以外還有墨魚、青口、大蝦，飯粒吸收了海鮮精華份外惹味。一人份量也很多，另設有兩人份量。

今日經過屯門V-city附近，見到有間裝修好新既餐廳，入面好舒適，野食又唔貴，員工介紹食物好清楚，態度好好👍🏻👍🏻，於是入嚟食晚餐😋🌟 蘋果肉桂燒烤醬烤豬肋骨 （$168）豬肋骨即叫即整，上面搽左燒烤醬之外，仲放上蘋果玉桂醬響面，令到豬肋骨食落唔會太咸，仲有酸酸甜甜嘅味道😋😋豬肋骨肉質鮮嫩，份量多，薯條即叫即炸，香脆可口😋😋🌟 黑松露蘑菇扁意粉 （$82）意粉即叫即整，黑松露濃郁，香味撲鼻，蘑菇俾黑松露帶出香味，令蘑菇味更加濃郁，意粉爽口彈牙，調味岩岩好，必點😋😋🌟 鳳梨冰 （$22）用左台灣鳳梨，比起用菠蘿🍍更加香甜，仲有切粒鳳梨加上有薄荷葉，飲落好清新，亦都唔會太甜，而且價錢唔貴，必點😋😋

之前Openrice search到有間西式野睇落ok就去試試先，雖然鋪面睇落細細間，但入面坐位都舒服嘅，整體食完覺得晚餐cp值都唔錯啦😙🔸蘋果肉桂燒烤醬焗豬肋骨 (HK$168)焗豬肋骨都好大份，2-3人share食都可以呀。最特別嘅係豬肋骨上淋左蘋果肉桂醬，仲有一粒粒嘅蘋果果肉，襯埋燒汁味嘅豬肋骨意想不到地match呀。薯條都好熱辣辣，豬肋骨肉嘅份量都適中，唔會就咁得骨，肉質就略硬左少少，不過都好入味呢🍎🔸黑松露蘑菇扁意粉 (HK$82)較為湯狀嘅黑松露意粉，扁意粉軟硬適中，食落嘅黑松露味同蘑菇味都好平衡到，無話邊隻味蓋過左。不過如果係黑松露fans嘅話可能就會嫌唔夠濃郁黑松露味啦，另外仲有蘑菇同埋細番茄仔，食到後期都唔會覺得好膩呢🍝🔸鳳梨冰 (優惠價HK$22)飲品就揀左呢杯最新特飲，大大杯都幾清甜，連陰管都有菠蘿圖案好有夏日氣息呀。飲個陣都品嚐到啲果肉，好refreshing呢🍍

黑松露蘑菇扁意粉 • HKD$82黑松露味就唔算太突出，不過咁樣反而更食到菇嘅香味～而且好欣賞入面有起碼五種菇👍🏽扁意粉都煮得啱啱好，好彈牙😋Combo小食拼盤 • HKD$108呢個可以試晒4款食物～大蝦芒果沙律依舊好味😋芒果大大舊，甜得黎有果香👍🏽蘑菇薯蓉好滑，而且嗰汁超好食🤤雞翼、炸紫薯餅同薯條都正常發揮～兩個人食都幾飽，多到食唔晒😂鳳梨冰 • HKD$22原價HKD$35，而家做緊優惠價～飲落超解渴☺️鳳梨好甜，配上梳打就多左種好清爽嘅感覺👍🏽另外，餐廳都幾乾淨，而且服務都幾好👍🏽

餐廳環境裝修行簡約風，白色、木、雲石為主，比人一種乾淨舒適感覺☺️坐落冇耐店員就放低熱水比客人洗餐具，好小見西餐會咁做，衛生意識不錯👍🏻客人都食得安心啲。-🤍蘋果肉桂燒烤醬焗豬肋骨$168🤍蕃茄大蝦扁意粉$52🤍鳳梨冰$22 -🤍蘋果肉桂燒烤醬焗豬肋骨

之前經過Food combo都好想入去品嘗吓，咁啱同朋友聚舊，一於入去懲罰吓佢先！餐廳入面裝修夠簡約，細細哋坐得又幾舒服！🍝黑松露蘑菇扁意粉呢碟扁意粉煮得非常好食👍🏻帶有淡淡幽香嘅蘑菇香味，加上扁意粉煮到軟硬適中！雖然食入口無乜黑松露香味，但勝在意粉油份十足，令到口感更香滑！我相信呢啲應該係橄欖油，食落亦唔覺得油膩，正😋🍎蘋果玉桂燒烤醬焗豬肋骨豬肋骨焗到時間啱啱好，咬入口肉質夠嫩，而且夠juicy😚美味😋豬肋骨底下鋪滿大量香脆薯條，炸得都唔錯💯整碟豬肋骨我最欣賞係蘋果玉桂醬，味道香甜，而且可以一解豬肋骨嘅油膩感（其實無乜油膩😂）感覺十分清新😌🇺🇸美國安格斯西冷（9安士）配荷蘭汁🇳🇱呢塊西冷扒都算幾大塊，我哋order 咗5成熟，切開的確係5成熟，入口夠哂軟腍，又唔羶！Very good👍🏻 而且仲有好幾款薯菜伴碟，有薯蓉、焗蒜頭粒同埋蕃薯條，好豐富呀🤩啱哂低醣飲食人仕之選！只可惜其中一條蕃薯條壞咗，加上蒜頭粒焗得唔夠透，令到呢個扒有啲失色！荷蘭汁可點可唔點，因為本身牛扒調得夠哂味，而且荷蘭汁味道有啲似沙律醬，有啲同牛扒無咁配😅🦞西班牙龍蝦海鮮飯（1人份)呢個海鮮飯賣相好靚仔呀😍我哋第一