雲貴川風味 (西洋菜南街) (已結業)

麻辣腩肉小麻辣米線($32)+可樂($7)腩肉有五片，有d腍身d，有d就硬d。腩肉有嚼口，同我預期個款腩肉唔同，但都係好食。麻辣湯底呈橙紅色，食落比佢望落去淡味左少少，湯底層次略嫌唔夠豐富同唔夠惹味(純個人口味)，小辣似微辣(下次可以試下中辣?)。米線比較粗身，但索唔到麻辣湯味，屬於後勁較強既麻辣。米線份量正常。(個人口味: 3.5/5)雞肉酸辣米線($32)”友人”話之前試過麻辣雞肉，覺得麻辣雞肉比較好食，更惹味；唔辣既雞肉就似白烚雞肉，較乾身，比較實。酸既程度唔高(下次可以試下寫多酸菜/多酸汁?)。(個人口味: 3.6/5)鴛鴦烤雞翼($26)就咁睇唔係好分得出邊2隻係炸醬雞翼邊2隻係麻辣雞翼。炸醬雞翼既味道似南乳味。麻辣雞翼充滿孜然同麻辣粉。” 友人”對尼間既雞翼評價唔錯，我就覺得一般。(個人口味: 3+3.9/10) 炸醬雞翼(個人口味: 2.5+4/10) 麻辣雞翼註：星期一至五2點至6點下午茶送豆漿；熱飲凍飲加$3

身邊有啲朋友好鐘意食米線，而我地就唔係特別喜好，但偶然lunch唔想食碗飯落肚，都會搵麵或者米線食。太子呢邊都有好多米線店，個人就傾向較重口味嘅，所以好多時都會食雲貴川，一來味道唔錯，二來姐姐啲招呼幾好。餐廳係一般米線店格局，唔會話特別闊落架喇，逼逼地食個快飯，加上人流不斷，偶然都要等位，我地亦都唔好意思話食好耐或者打躉。主要供應米線、薯粉，另有小食，價錢合理。點單富彈性，辣度、酸度、芽菜、韭菜、芫茜等走乜走乜，多乜多乜，連米線都可以揀爽啲、淋啲、淡啲等，一律由客人自行畫紙仔選擇，唔怕同呀姐講會麻煩。米線分小鍋、清湯、酸辣、麻辣、涼拌，定價 $22/25，可以加3蚊轉薯粉，湯底有鮮肉碎、酸菜、芽菜、韭菜。配糔料方面都係大路野，定價 $5/6/7/9。小食方面有青瓜、口水雞、土豆絲、雞翼等，呢啲一向都係米線店較賺錢嘅一環，因此定價稍高。酸辣米線+辣腩肉+豬腸+魚肉春卷 $48 (小辣)男朋友食開呢款，辣度剛好，微微酸味，米線食落滑身，軟硬適中，相對薯粉，建議食番米線。辣腩肉切得薄身，已入味豬腸用上大腸位置，夠腍身魚肉春卷較為失望，食落硬身，裡頭唔係好夠熱。平時都通常會點響鈴，呢度都幾細心