臥龍正宗成都麻辣火鍋 (已結業)

中意辣既我又出動，一早book左19:30食飯，可惜遲左6分鐘，又miss左個call,店員就以為我地唔黎，所以等左15分鐘。😂😂😂不過無礙我地既心情，兩個人可以坐張六人枱實在是太好了。今次都係叫左駌鴦鍋，因為怕食菜索哂啲油。兩個人的確有啲尷尬，因為點叫都係唔抵，所以就決定唔睇價錢，揀自己中意既食。叫左手切牛拼盤$308，好好食，牛胸腹絕對係必食。仲有鬼馬油炸鬼，舊蝦膠新鮮油炸鬼又脆，連就咁食都好好食。好彩丸餃都有得叫半份，牛黃丸韮菜餃食得出係好新鮮。再追加午餐肉、鵪鶉蛋、皇帝菜、鵝腸。全部都係必食，食完就知點解呢個價。價錢從來不是問題，問題係值唔值呢個價錢！😏😏

從未食過主打麻辣既火鍋店，自問愛火鍋愛辣的我實在十分慚愧，原因係揾到班陪你食辣既人並唔係容易。呢度環境服務質素都好好，可以放心。湯底:因有人食唔太辣叫左鴛鴦，本來都有啲失望，因為唔係全麻辣。但原來只係中間一個圓圈仔係清湯，亦因爲有左佢，先可以休息一下唔洗成口都辣。橙色既麻雀係辣椒膏，佢其實係油，平時食到一半會無辣味，唔知係咪因爲佢，由頭辣到落尾。牛牛，價值$288，白色嗰啲係肥肥，記得食埋佢，因為麻辣肥肥好爽口的。仲有好多好食無影相，因為掛住食。留意!!!必食推介一尺長鵝腸、豬潤(啱啱好熟就無得輸)、魚皮、嚮鈴、冰豆腐、苕粉(即係薯粉應該)。仲有，千祈唔好空肚食咁辣，最好飲杯奶先食。我一定會再食。

本身都鍾意食辣 一直搜羅香港好味辣野見同事介紹呢間就同屋企人過黎試下過往接觸麻辣火鍋反而是在外國讀書的時候由於中國學生多 在外國經營川菜餐廳深受留學生歡迎亦不難在同學家中吃到同學從家鄉帶來既私伙火鍋湯包返香港後就無再食過麻辣火鍋嚕 經openrice訂位 留言講左有小朋友 但可惜去到都無bb凳 失望入到去已經聞到好大陣騷味 餐廳設計古色古香 有卡位 有圓檯環境安靜 有塊玻璃會見到有位師傅係入面切牛肉同包餃子 保證即叫即整坐低之後就立即叫左個鴛鴦鍋 因為唔辣果邊可以比小朋友食個鍋一上黎 個個就爭住影相啦 📱📱📱個鍋的確好霸氣 必影！橙色果啲係辣油辣果邊特登唔倒湯住 比大家影相先好特別 有花過心思 除左可以比客人睇到自己點既湯底有d咩料仲代表左佢地D材料新鮮 辣油唔會翻用 值得一贊👍🏻至於火鍋醬料 無得自助 幫你調好曬味 朋友想加麻油都要比錢買一小罐之後陸續上菜啦 響鈴千祈唔好浸落辣湯底 成個都係辣油 曬左一個😩湯底好味夠辣（特登叫左加辣） 但就太油 唔關我叫佢加辣事 佢加辣只係加左辣椒同花椒ja👎🏻冬瓜切得太薄啦 無口感 👎🏻牛肉一碟要$288 要左一碟黃牛頸脊同肉眼邊各半 兩隻都唔好

識我都知我無辣不歡，咩辣都想試，尤其四川麻辣。所以一聽到銅鑼灣開左間正宗成都麻辣火鍋，就迫不及待同朋友一齊來試試佢。呢間臥龍正宗成都麻辣火鍋開係洛克道，好易揾，都方便放工可以即刻去。上到去，見到裝修已經覺得間鋪唔簡單！店鋪行中國風，古色古香，給人高貴典雅既感覺。裡面有分半開放的包廂同大廳，坐係包廂入面就好似穿越回到古代一樣，不過我地去到既時候太多人，只可以坐廳T_T。之前食海底撈有圍裙，呢度都有！男士就係超人圖案，女士就係美少女戰士，好盞鬼！呢度既鍋底得兩款選擇：臥龍特色滋補鍋/正宗成都麻辣鍋（＄138）當然，都可以兩溝變鴛鴦鍋（＄148）！選擇少係因為主打正宗成都口味，貴精不貴多。鴛鴦鍋（＄148）出去食成日擔心唔知d火鍋湯底用咩材料，呢度就唔洗驚，全部show曬俾客人睇！個鍋端上來既時候，我哇左出來，一來個鍋好大仲有兩個龍頭係兩邊（超有氣勢），二來麻辣鍋既配料非常多，單係花椒都有三款，聞上去非常香！店員會係我地面前加湯，然後就慢慢煮滿滿既麻辣香料。值得留意既係其實佢中間個滋補鍋都好香（雖然會俾麻辣鍋味道蓋過哈哈）唔食得辣都絕對ok。本地手切黃牛頸脊（細）（＄188）打邊爐點可以冇牛