林香檸手打檸檬茶 (豉油街)

營業中

休息中

而家手打🍋店開到成行成市 間間都好似差唔多咁 見到呢間成間黃色做主調 仲要標榜100%手打香水檸檬茶就買嚟試下❣️鴨屎香檸檬茶 $32採用自家香水檸檬果園特選嘅香水檸檬 檸檬果味濃郁 酸度適中 而且香味獨特💓難怪門口嗰度寫住「一口上癮，人間清醒」絕對唔係誇張❣️原諒檸檬茶 $32加入泰國香茅葉mix & match 配搭檸檬果肉果汁 經過精細拉絲工藝"2️⃣倒3️⃣拉"嘅完美融合 而且仲要即叫即整 每杯新鮮製造 認真當住你面100%純錘🔨打出嚟 怪唔之得mix得咁均勻❣️黃皮特調檸檬茶 $36搶先飲左呢杯新產品 基本招牌檸檬茶底 加左夏天盛果:黃皮同陳皮 成杯即刻變得冇咁單調經過多番調配 每杯茶冰有獨特嘅黃金比例 落單嗰時店員都唔建議少冰或者走冰 想試吓創新特別嘅你呢杯絕對唔好錯過

呢排開始潮流香水檸檬茶🍋熱愛手搖飲品既我一定買嚟飲啦！✨招牌手打檸檬茶（$28）果然係招牌款式，紅茶檸檬比例完美😚甜度酸度都把握得好精準，飲落去帶有一種香味絕對勝過茶餐廳既凍檸茶。✨鴨屎香檸檬茶（$32）鴨屎香檸檬茶都係大熱好受歡迎🔥佢比招牌手打檸檬茶既香味更加濃郁，香味更上一層樓！✨青瓜檸檬茶（$32）消暑飲青瓜🥒簡直一流，青瓜味重過茶底味，好清新！可以話係夏日必點🥵推薦！店鋪裝修好靚，好容易就可以影到靚靚相，方便打卡！

近日行過豉油街都見到呢間好搶眼嘅100%手打香水檸檬茶專門店🍋，等我都試吓係咪真係令人「一口上癮 ，人間清醒 」 先😆～青瓜檸檬茶🥒🍋（$32）入口非常清新解渴，原來青瓜加上檸檬係超夾👍🏻鴨屎香檸檬茶🍋（$32）鴨屎香=烏龍茶，茶底好香☕️，加埋香水檸檬🍋味道更清爽～招牌手打檸檬茶🍋（$28）擁有自家香水檸檬果園果然唔同啲，檸檬果味特別香濃、酸度適中、仲有獨特香味，同平日飲嘅係完全唔同級別，每一啖都令人即時醒神😋原先想order走冰，但店員話佢哋茶同冰嘅份量黃金比例，所以唔建議走冰或少冰🧊，果然黃金比例一定最好飲🤤買完就知點解成日都有人龍🔥，因為每杯檸檬茶都係新鮮即製，100%由店員純錘打出檸檬果肉同果汁 😲，之後再透過「兩倒三拉」嘅手法，令香水檸檬果飲、果汁同茶完美融合，所以要俾少少時間～