Su Casa (已搬遷) 新店位置

沙田石門真係開左好多餐廳。今次同朋友去完馬鞍山剪頭髮，就過左黎食Dinner。係石門食晚飯的好處就係少人，基本上所有餐廳都唔洗排隊。今日介紹的餐廳就係係馬鐵站行5分鐘到就到，無論住係附近，定住新界的我，都非常方便。餐廳跟餐的飲品除了奶茶咖啡外，仲有菠蘿有機菠蘿奇亞籽綠茶都係免費的餐飲。(我見餐廳內個個都飲呢個，我當然唔執書試埋一份)。呢杯果茶的味道香甜又富有奇亞籽的咬口，仲有冷暖選擇，真心不錯。餐餐有個細細的蠔吧，所以除了有生蠔就享用外，佢們的蠔湯亦係招牌菜之一。呢個蠔湯鮮而唔腥，入口會感到滿滿的鮮味，我「蠔」不猶豫地飲曬成碗了。紐西蘭肉眼排燒得香口，雖然係肉眼，但肉味都濃郁。牛排雖然唔大，郤非常厚身。相比下，我會想要好似咁的厚牛排，多過大塊的薄牛排，因為肉汁才可以鎖得更好。我們的牛排要了Medium五成熟，切開血水唔多，肉質Pink Pink剛剛好。牛排旁的薯菜，係薯粒上灑上七味粉，令整體更惹味。黃金軟殻蟹的份量都幾大，而且都幾厚肉。炸粉我覺得厚左少少，同埋鹹蛋黃碎舖面，食的時候大部分都跌晒落黎，如果同牛油炒一炒應該可以更香。鴨肝野菌扁意粉係我的就Best Pick！意粉汁唔係白汁罐

今日同老婆去左石門搵食，京瑞一二期都有好多食肆，到最後揀左呢間西餐廳。老婆獨愛既雲石枱面，而且座位都幾舒服。菠蘿有機奇亞籽綠茶，清甜夠哂解暑，又有健康既奇亞籽。招牌蠔湯，整溶哂啲蠔肉，賣相似蘑菇湯，飲落有超濃既蠔味。脆炸黃金軟殼蟹，熱辣辣既軟殼蟹好香，再有層香脆既炸皮，極邪惡！炭燒紐西蘭肉眼，5成熟既肉夠哂腍同好夠肉味，完全唔洗點醬都好好味。鴨肝野菌扁意粉，啲白汁完全上哂喺意粉到，每啖都有濃濃既白汁。朱古力心太軟配雪糕，即焗所以好熱，入面朱古力醬冒住白煙咁流出黎。

今日朋友突然話入黎沙田同我食午飯，他們提議去石門，因為屋企有小巴可以直達石門，所以應承了，他們要我介紹食店，我想起有位朋友曾經介紹過呢間的食物唔錯，故我就膽粗粗介紹這間食店，可以試下係咪真係咁好食先！男同事一坐低就叫了個啤酒飲先，跟著我的鴨肝野菌扁意粉，鴨肝有好幾塊，都算大塊，鴨肝比鵝肝冇咁肥膩，意粉味道都幾好食既，加埋野菌都好惹味。另外一位同事就叫了一個脆炸海鱸魚薯條配青芥辣蛋黃，炸鱸魚雖然炸得幾香，但入面魚肉有點腥，好似唔係好新鮮，點埋芥辣蛋黃醬都好少少，薯條炸得好香口，唔乾，旁邊有點沙律菜，沙律菜算幾新鮮。但衰在爐魚係最大敗筆。同事叫了一杯有機天堂博士茶，佢唔係一般紅茶，有淡淡薄荷味，飲落好fresh，仲有點提醒作用，我仲點了一杯凍果茶，入面有一點生果，有少少甜，都幾好飲。其實呢度啲野都有點貴，我地三個人食lunch都要五百幾蚊 ，質素都是普通，可能我地食唔正佢拿手的菜色卦，希望下次會好一點。