丼瀛 (已結業)

係觀塘行完街，就過嚟中海日升中心搵野食，今次食日本野🇯🇵～⭐️三文魚腩三塊刺身都係厚切，而且好肥美😋⭐️原條海鰻壽司海鰻好大條，完全可以包住個壽司飯😂，海鰻有少少🤏🏻微烤，配埋啲汁，唔錯⭐️丼瀛特選丼一送上嚟，被嚇親😲，因為啲飯&刺身係用大玻璃杯？碗？裝住，勁靚😍丼飯有三文魚、劍魚腩各2塊，牡丹蝦、帆立貝各1隻，海膽1格、三文魚籽、玉子刺身全部都又厚身又彈牙，係完全可以每啖飯都配到刺身一齊食最正係海膽唔係苦，好鮮甜🥰超級推介👍🏻⭐️鵝肝和牛炒飯鵝肝、和牛處理得唔錯，入口即溶，調味剛剛好，唔錯

🐽環境觀塘除咗APM裕民坊，原本中海日升中心都有好多餐廳，見依間環境闊落，餐牌選擇多就試一試。🍴食物[👍🏻廚師推介原條象拔蚌 $398]係日本象拔蚌，充滿海水的味道，加上鮮甜、口感爽脆。仲包埋一鍋鮮甜魚湯，內有娃娃菜、姬菇、金菇、豆腐、象拔蚌膽，加$20有埋烏冬，可以當一個主食，抵食！[👍🏻鵝肝和牛炒飯 $168]和牛原汁原味入口即溶，配菜紅蘿蔔蔥切得好碎，木魚絲下就係塊大鵝肝，香氣逼人，用料十足，夠2-3人食用。[👌🏻大蔥黑豚肉 $28]配上照燒汁加芝麻，黑豚肉肥瘦均勻，配搭大蔥解膩。[👌🏻唐揚炸雞 $48]薄薄的一層炸粉，包住充滿肉汁嘅炸雞，酥脆嘅口感，再點埋沙律醬，正！[👌🏻碎蔥吞拿魚腩海膽卷(4件) $78]鮮甜細滑海膽下，加上脂香吞拿魚腩碎，配埋青瓜卷，十分美味。💁🏻服務店員親切，仲主動介動介紹餐牌美食，店內仲有即日新鮮食材餐牌，服務一流。

丼瀛地點在觀塘工廈附近, 平時收工後周圍食店都無乜生意,係得佢仲咁旺場~所以去試下先!入到去係一種好貼地既日本餐廳,價位唔貴, 岩晒收工同朋友來食飯傾計,唔怪得有咁多捧場客!茶碗蒸 $38好滑溜~牛油果金龍卷 $68中間是炸蝦+青瓜, 上面舖了牛油果配沙律醬一件一口~什錦天婦羅 $78有3隻天婦羅蝦+4件天婦羅蔬菜上檯好熱, 即叫即炸, 唔錯唔錯燒日本花魚 $68呢個好推介燒得好香口, 魚肉厚身juicy!鵝肝和牛炒飯 $168炒得好有鑊氣, 貼近港人口味內裡有唔少和牛粒, 幾好~