老馮茶居 (荃灣千色匯II)

星期五下14:20 左右黎到，一個人自己飲茶。大概八九成滿座，拎左第一張籌，等左3mins就有位 。點心價錢落係2x-3x一個。 點餐紙寫住即點即蒸👍🏻坐低叫左鐵觀音，有茶味，唔會好粗。Ok la，利申：唔係好識品。點心，出爐即上，新鮮熱辣，鵪鶉蛋燒賣，足料。猪肉餡，皮薄有蝦。建議鵪鶉蛋一齊食，有蛋香。👍🏻牛拍葉，野味，調味適中。汁唔會太杰。牛柏葉切得夠細，夠入味。但食完少口乾，有味精。叉燒腸粉，叉燒分量合理，夠滑，入口都唔會糊。但可以層次分明啲，腸粉皮再薄啲。服務ok，服務員有禮貌，會主動冲茶。好過茶餐廳好多最後埋單，竟然免茶位，免加一。3籠點心$79。性價比好高👍🏻會返嚟再食。