幸福單品咖啡

營業中

休息中

久違嘅「幸福單品」，一直好想試哩度出名嘅爆餡幸福三文治🥪 小店位置略隱蔽，所以相對幽靜，不過客人亦係絡繹不絕，平日都滿座！🍴老闆娘一人身兼多職，一邊沖咖啡，一邊烘三文治🥪 閒時同客人互相交談，小店更有人情味👍🏻《 真·幸福三文治🥪 》 $60 4.5 / 5食呢份三文治嘅時候真係充滿幸福感！😋 雖然只係用咗兩塊麵包，但豐富多層嘅餡料令三文治望落豐滿👍🏻 麵包用上麥包更健康，配料有芝士、餐肉、炒蛋、生菜同吞拿魚，生菜清新解走餐肉同吞拿魚嘅油膩😋《 鹹牛肉蛋三文治🥪 》 $40 4 / 5港式經典口味鹹牛肉炒蛋，冇《 真幸福 》咁厚，但依然好大份🤤 表面香脆，包邊則保留少少軟嘅口感，未會太乾身😎 餡料鹹香重，不過唔夠厚相對普通～《 焦糖奶茶 》 $35 4.5 / 5用茶膽結成冰粒，越溶越濃茶香，好正😍 奶茶香醇，唯獨唔算好飲得出係焦糖，不過以奶茶來講已經好出色！《 𝘔𝘰𝘤𝘩𝘢 》 $45 4 / 5好特別地以虹吸式嘅方法沖泡成咖啡，咖啡豆香更突出，飲落有層次👍🏻整體係有心機嘅小店，尤其係鍾意飲咖啡嘅朋友，呢度淨係咖啡豆都幾十種☕️ 位置雖狹窄，但氣氛頗𝘊𝘩𝘪𝘭𝘭👍🏻————————

想食三文治呢種三文治好耐啦！淨係見到相已經肚餓，襯禁堂食令未生效，拿拿臨趕黎食左先  呢間小店鋪位唔大，主打三文治同單品咖啡，三文治款式同咖啡豆都有好多品種，淨係豆都已經有兩板menu，真係有排先試得哂！　🥪鹹牛肉蛋三文治真係每一份三文治都好豐富好大份，一份有四件，望到烘到金黃色的多士，金黃色的炒蛋，加上鹹牛油同黑椒粒，未擺落口已經覺得幸福！賣相一流的三文治，食落肚更加不得了！味道豐富，飽足感十足！如果好似平時咁飲奶啡，應該就會飽到食唔哂　🥪BLT三文治BLT就係bacon， lettuce + tomato，食材新鮮，蕃茄加上生菜，食落感覺好fresh，配黑椒粒調味令到成個味道更加特出！☕咖啡（坦桑尼亞）平時真係少飲齋啡，因為特別豆通常都比較貴 唔捨得試手沖，虹吸更加係完全未試過，所以對於豆的風味唔太認識。今次真係第一次飲哂成杯啡！成個menu甘多種豆揀邊種好呢，我就揀左帶點果味的坦桑尼亞，一於試試佢。味道真係好fruity，一d苦的感覺都冇，好易入口，尾段帶橘子的風味，如果唔係平時手沖甘貴，都真係想試多幾種haha

周末起身想飲杯靚咖啡都會過來，但每次都要等位，因為除了品質有保證外，店的氣氛都是悠悠閑的，店主倆公婆又很親切，完全不催番檯。咖啡品種太多，初來時會叫店主介紹，他們會慢慢問你的喜好再介紹，態度很好、很親切要了「耶加雪菲」和「雲南」兩口味咖啡，第一種有果甜味，第二種很順喉，兩種都是這兒的皇牌先來一份「煙肉牛油果青瓜三文治」，煙肉脆脆香香，配合埋牛油果的軟香，再加青瓜的新鮮爽口真是一絕，好吃到不得了，一會兒已見碟底了相對「鹹牛肉蛋三文治」就失色了，其實係唔差的，但珠玉在前，比較下才差了一點點三文治份量是超大的，質素與性價比是超高的，一般女孩吃不完都要打包呢。但因為地方不大想在這發呆就請去Starbuck吧，體諒吓小本經營吧！