蔦 (已結業)

Coupon到期日，海港城好似淪陷左咁，好多餐廳未夠五點已經打晒蛇餅！呢間平時行過聞到好香，想試好耐，見不足十個人輪候緊就排下啦。點知六點幾已經無晒小食，飯類（淨返白飯），豚骨湯同照燒雞...誇張！結果可以選擇的只有三款湯底（醬油，鹽味及味噌），叉燒數量（一片或四片）同要唔要蛋。計返價錢，即係個叉燒拉麵係$98，加隻蛋加$15，加多三片叉燒加$36。價錢貴過一般拉麵店，唔知係因為米芝蓮一星拉麵定因為海港城舖租貴，但我都係睇價錢同食物質素既CP值。醬油味玉叉燒拉麵 $149鹽味味玉拉麵 $113賣相正正常常，湯底幾清，有洋蔥粒同蔥絲。未撈匀飲左啖湯，兩個湯飲唔出咩分別，反而鹽味湯底越嗒只有薄荷葉（？）味。大片叉燒好瘦但唔柴皮，不過切得好薄，最後要讚下隻蛋流心同麵質彈牙，不過都唔係好獨特。宜家做全單八折，另收加一，呢個價錢呢個食物質素我會選擇去其他拉麵店食，之前做買一送一就差唔多。另外可能太忙，服務態度對比其他日式拉麵店就差一大截，根本無服務可言。客人入店無店員理會，等左陣要開聲然後店員（望住收銀機）都無望過個客，只係指住另一個門口話果度排。落單時店員硬銷加飲品，但全程無幫客人加水。另外聽

其實都聽聞「蔦」好耐, 皆因佢係全球首間日本拉麵店有米芝蓮一星的榮譽。但係奈何自己一直都未有機會去東京旅行朝聖, 唯有食住香港的蔦頂住當先。 尖沙咀的蔦係海港城港威中心, 果日同朋友去完九龍公園玩行過黎都只係5分鐘, 醫肚真係勁方便, 餐廳唔係好大, 但我最喜歡的地方是食客可以「觀看」師傅整個製作的過程, 由生麵煮成熟麵, 再加不同的配料/醬油調味落碗麵到, 至送到你黎面前都可以全部「收睇」。 今日和朋友黎, 叫左兩款拉麵, 分別係味噌味玉拉麵同鹽味味玉拉麵1.    湯底味噌拉麵的味噌來自德島縣，湯底再加上自家製的辣醬作點綴，惹味得黎又唔會太辣, 有多層次的味覺享受。至於鹽味拉麵的湯底, 以雞及新鮮海蜆、魚乾等熬足9小時而成, 湯色清澈, 非常清新, 輕而不淡, 入口帶獨特的海鮮香甜味道。 2.  麵條蔦的麵條混合了麵粉同蕎麥粉，每日係餐廳入面手工新鮮製話，有一陣蕎麥香氣, 而直身麵唔算十分厚身, 可能是因為這個原因, 感覺未算十分掛湯。 3.  溏心蛋是驚喜之作, 入味爆汁 4.  炙燒豚角丼另外我們還叫了炙燒豚角丼, 豚肉粒油脂豐盈, 大小適中, 經過炙燒後更覺香口惹味,  蔦拉

這間蔦頭頂頂著米芝蓮的光環，腳踏在海港城旁邊，基於這兩個因素，大致是沒得輸。店鋪位於海港城旁邊，進入店鋪前還須多走幾步階梯，多有氣勢！進入店鋪，裝潢令人眼前一亮，用餐空間寬敞舒適，有一排圍著開放式廚房的吧台，另有單人座位面向街景，以拉麵店來說，的確不錯。這裡的主打是雞湯湯底，以雞骨、蜆、昆布和魚乾熬煮了九小時，標榜無味精，純手工，即叫即做。⭐️麥茶$15茶味甘醇濃郁，很順口。⭐️味噌拉麵$98我喜歡濃味湯底，所以選擇了味噌拉麵，湯頭有淡淡的雞湯和蘑菇味，原因是湯底下了牛肝菌蘑菇油，令湯底更添風味。豚肉由於是機切的關係，口感和味道差了一個層次，有點美中不足。⭐️鹽味味玉拉麵$113鹽味湯頭清澈一片，清淡不膩。加了糖心蛋後，使湯底的味道更完整。這裡的麵條不夠爽口，吃下去不見特別，整體來說中規中矩。⭐️燒烤梅花丼$35這裡的豚肉和拉麵的豚肉如出一徹，吃起來肉味不夠香，不過加入拉麵湯底後，的確很好吃，湯底應記一功。⭐️茶漬飯$20品嘗拉麵後將拉麵湯底加入飯、海苔及柴魚中攪拌，增加口感，同時能再一次細細品嚐湯底的鮮美，的確不錯。▪️這裏的用餐環境舒適，不像一般吃得那麼拉麵店匆忙。餐碗外白內紅，跟招牌很搭，品

今日好友約我來尖沙咀這間號稱〈世界第一碗米芝蓮一星拉麵〉的〈蔦〉拉麵吃晚餐。雖然有車呔人的保證，但上openrice見到咁多負評都驚驚地。但好友又拍曬心口保證話自己食過，覺得好好食，叫我信佢！就唯有硬住頭皮來試一試啦。入到店內都係一般拉麵店常見嘅開放式廚房，成個製作過程都喺你面前搞掂，保證衛生同真材實料。〈灸燒骰子肉〉師傅在我們面前把無骨的半肥瘦豬肉粒用火槍烤得香噴噴，香脆的豬肉粒表面有微微的灸燒香味，但內裏的肉質卻依然保持有肉汁。有驚喜哦！伴隨著惹味又香口的洋蔥醬一起吃，超正的。〈燒烤梅花肉〉切成薄片的梅花肉即使燒烤過後依然是非常嫩滑，有點像吃凍莎娜美火腿的感覺，伴隨著牛油醬一起吃又是另一番的滋味。〈醬油叉燒拉麵〉接著就是最重要的拉麵部分，先選湯底。有醬油，鹽味和味噌三款口味。三款口味各自on top配上不同的特色醬料。分別是松露醬，橄欖醬和牛肝菌蘑菇油。愛好松露醬的我當然第一時間選擇〈醬油〉口味。我選的叉燒拉麵有四大片叉燒的哦。醬油口味的湯底色澤比較濃，有淡淡的醬油咸香，配上松露醬更加馥郁芳香。〈鹽味味玉拉麵〉好友是大胃王，所以他揀的味玉拉麵除了有叉燒外還有大大粒味玉，即是流心蛋

貴為全球第一間米芝蓮一星拉麵店，定必有其個人之處。亦因為擁著這個光環，「蔦」立時成為拉麵界的焦點，當然大眾對它的期望也會放到極高。人常道「傳統往往是創新的包袱」，但如果能夠在兩者之間取得平衡，突破傳統的框架，並注入新的元素，都是值得鼓勵的。今次是我首次來到這家拉麵店，我懷著平常心去嘗試這碗拉麵，希望用開放的態度，慢慢品嚐一下這碗星級拉麵的獨有的「風魅」！麥茶 （$15）麥茶有冷或熱兩種選擇，可無限添加。麥茶味道很濃，並帶有淡淡的麥香。鹽味味玉拉麵 （$113)👍👍👍👍拉麵放到面前，我先喝一口湯，湯底的確有別於一般濃而厚的日式傳統湯底。眼前所見的是清澈透淨的湯底，對於傳統日式拉麵的捧場客，可能會覺得完全不是他們杯茶。但當我喝完這口湯後，感覺的確與別不同，清透的湯底卻擁有層次豐富的味道。湯底是每天用上九小時熬製，選用鮮雞、鮮海蜆及高級魚乾熬製而成的獨特高湯，並結合西方元素，加入橄欖醬、松露油和薄荷葉，感覺有種地中海的口味。拉麵有义燒一片、味玉蛋、筍乾、日本大蔥、橄欖醬和薄荷葉。醬油味玉拉麵（$113）👍👍👍👍👍醬油味拉麵是拉麵店的 signatures.  湯底用了嚴選的食材加九小時熬製而