愛民海鮮酒家

營業中

休息中

訂咗七點鐘抬， 早咗到六點三入座， 可能時間嘗早冇乜人。我哋一行六人坐左張10人枱， 非常鬆動，食得舒適👍 出去魚缸揀完海鮮後，剛坐底無耐就端上一盤熱騰騰嘅海鮮白菜湯，這個湯是送贈送的，但係出奇地鮮甜😍😍我哋點咗5樣海鮮。。。 上湯芝士焗龍蝦， 蒜蓉蒸蟶子，清蒸蒜蓉扇貝， 鹽焗花螺， 砵酒焗蠔， 油鹽水菜心，咕嚕肉共七味餸。 上菜速度很快, 現蒸嘅全部都熱度十足😉飯後有一段小插曲， 展現了店員服務好又細心👍 事緣係吃到尾聲嘅時候媽咪被龍蝦嘅骨哽親😥 媽咪去咗廁所扣喉，但不成功， 舊骨唔上唔落之際，店員立刻攞出一盤切好嘅橙， 建議媽咪試下把橙吞下去， 結果舊骨真係吞咗落去，無再痴住喉嚨， 抵讚👍👍👍總括嚟講, 食得出海鮮新鮮, 冇被換過。 食物cp值高，實而不華，唔會劏客咁劏，下次會再幫襯👌

屋企人有朋友住流浮山，可以預先幫手揀海鮮，所以每幾個月就會去流浮山食海鮮。而每次都會去愛民，因為平靚正，服務好，但環境比較逼，漁村酒家feel。今次一行六人，同學聚會。 本灣奄仔蟹：主角登場！今次就係為佢而嚟。鹽焗，多膏，蟹肉鮮嫩，正！我哋每個都食到停唔到口。象拔蚌刺身：口感鮮嫩、爽脆，唔錯！象拔蚌泡飯：將象拔蚌個膽煮泡飯，好鮮甜，一定要落胡椒粉先好食。鹽焗花螺：新鮮，咸香入味。炆魚：外脆內香，炆得恰到好處。椒鹽瀨尿蝦：好大隻，好多肉，好香口，好鮮甜，色香味俱全，正呀！蒜蓉粉絲蒸扇貝：味道正常，口感都算嫩滑，冇乜特別驚喜。上次母親節嚟食，人多廚師水準keep唔到，今次平日嚟keep到水準，碟碟都好精彩，下次識揀時間了。