桂花小幸 (將軍澳廣場)

營業中

休息中

好耐無食台灣嘢，腦內即時湧現出”桂花小幸”這四個字於是即刻到將軍澳廣場去搵食。星期六下午2:30到，等左5分鐘可以入座，剛好有食客食完，可以坐到卡位，真幸運1. 椒鹽花枝丸3粒($28) ，花枝丸既即叫即炸，熱辣辣上枱，外皮脆口，內裡彈牙2. 煎餃子4隻($32) ，一咬落去爆汁，小心燙親口，內裡好足料，誠意推介3. 鹽酥雞扒滷肉飯($64) 追加涼伴黑醋茄子($16)。炸雞扒充滿台灣味道，外皮炸得香脆，內裏雞肉Juicy。滷肉飯碎肉超多，滷肉汁十分惹味。黑醋茄子每次必點菜式，味道酸酸地，食完十分開胃。4. 腱心牛肉麵(養生湯)($72)。湯底超甜，牛肉入口即溶，份量亦多，唔使去台灣都食到咁高水準嘅牛肉麵真係難得5. 左: 芝士奶蓋桂花烏龍茶($27)，右:柚子QQ山茶花($21)。兩杯飲品都十分滿意。整體來講，餐廳環境舒適，食物價錢優惠，食物水準亦高，以平價嘅價錢，喺香港都可以食出台灣嘅味道，相信只可以喺”桂花小幸”先可以搵到。

🌸桂花小幸 (將軍澳廣場) 🌸📍將軍澳唐德街1號將軍澳廣場1樓133-135號舖天氣好遊車河周圍去，唔經唔覺就兜咗去將軍澳一帶，平時少去呢一區，發現原來周邊好多商場，仲要一個連接住另一個，配套優越！我哋特登過咗午飯時間先至去搵食，見到有台式小食就想試，因為都幾掛住鹽酥雞🤭 。話就話係過咗午飯時間，但呢間餐廳到左2 點都仲相當full ! 桂花小幸係一間典型台風cafe，窗邊有好多小金句，牆身亦都掛滿各式各樣嘅精緻手作仔做點綴！餐廳好識善用手機落單程式📲，如果有電子錢包，可以直接用手機結帳添💳，非常方便有效率！👍🏻👍🏻👍🏻👍🏻非常肚餓嘅我地order 左兩個套餐，加配3份小食，同埋2 杯台式特飲🌸👩‍🍳 三盛牛肉麵 配紅燒湯 $75紅燒牛肉麵配料分別有牛展、牛腩、牛筋、蘿蔔，湯頭格外鮮甜，麵條軟硬度適中！牛展同牛腩都相當入味，質感亦質感軟淋。份量亦都算多，食極都仲有！呢個質素同價錢性價比高過一般大型台式連鎖餐廳！👩‍🍳 鹽酥雞扒滷肉飯 $59鹽酥雞酥脆多汁，份量亦都唔吝嗇，大大一塊，未食飯都已經開始有少少飽足感😂滷肉肥瘦適中，醬汁亦唔會過鹹，撈飯一流！👩‍🍳 套餐追加2 份小食+ $25

黎到間餐廳勁多人排隊要拎籌優惠價加小食配菜好抵，好容易叫到成枱都係野食，好滿足鮮茄牛筋腩麵：蕃茄味道好出好新鮮，牛筋腩夠煙韌，有咬口，麵都好吸湯底味道鹽酥雞扒滷肉飯：雞扒大大塊，有10塊咁多 ，每一塊都香脆可口，滷肉飯肥豬肉適中，真係有台灣風味，仲有加送上湯時菜同原盅燉湯，菜湯係娃娃菜，燉湯係紅蘿蔔同椰子，兩個都非常清甜小食揀左滷水豆腐、涼拌貓耳朵、紫菜魚丸湯、手拍小黃瓜推薦小黃瓜同紫菜魚丸湯芝士奶蓋阿華田（半糖）：芝士味道夠濃仙氣火龍果茶（少糖）：飲得出係新鮮水果

喺將軍澳廣場呢個地方竟然係 商場嘅有一間專賣台灣嘢食嘅餐廳角落處處都有一個個年青嘅面孔 你食嘢嘅都係幾有活力嘅年青人咁個地方乾淨親切的店員都好服侍 點完餐之後 我欣賞了附近嘅裝修好快啲嘢食就嚟㗎 點咗個59蚊嘅鹽酥雞扒滷肉飯加八蚊我就有一個凍嘅 桂圓杞子菊花冰茶個嘢飲我覺得都幾養生個飯婆好抵魯肉飯真係幾好味好容易入口雞扒大件炸得酥脆食到飽飽另外我加咗15蚊要咗兩個小食就係 蘿蔔牛肉湯我本身以為係湯嚟嘅但係其實係浸住執嘅蘿蔔蘿包煮得好甜好入味亦都好多舊感覺好抵食好夠飽 另外我朋友就點咗個桂花雞翼食都真係幾特別因為點嘅係甜甜嘅桂花糖漿感覺清心 26蚊有三隻好夠熱呀好抵食 另外朋友點嗰個雜果水果茶感覺都好清新健康好大杯 二十幾蚊一啲都唔貴 坐得幾舒服裏面嘅田園風㗎有木嘅枱凳同埋一啲豪屋企感覺嘅掛畫裝飾咁樣感覺佢好似返咗屋企可以攞本書慢慢坐喺度先嚟 消磨 一個冬日下午

友人介紹話桂花小幸好食，就去試下，試完之後會翻食之選。鹽酥雞扒滷肉飯，滷肉好油潤軟熟撈飯食一流，雞扒厚肉嫩滑淡淡肉，個脆皮都正。三小碟，茄子有少少辣，好厚好冧好有汁，青瓜咁款就有少少酸爽口開胃，木耳少少酸辣，爽口好味。叫左熱奶茶，簡直系珍珠奶茶無左珍珠既味道，普通奶茶黎講距系幾奶下。紅燒腱心牛肉麵個湯有少少辣，其他水準正常。麻辣滷水牛肚麵，牛肚爽口，麻辣汁系精華。酥炸排骨麵，我個人覺得雞扒軟熟啲。

桂花小幸將軍澳唐德街1號將軍澳廣場1樓133-135號舖經常中午同夜晚都要排隊既台式小店，位處於將軍澳廣場好方便，通常行完街就會過黎幫襯今日我lunch time黎到當然都要等位啦，不過大約5分鐘到店員就安排我地入座啦呢到係先揀好想要既食物，之後再係近門口既counter落單同比錢既雞扒炸得好香脆， 滷肉汁好惹味仲有台式3小碟都好出色好有誠意食落好有台灣既風味

難得去到將軍澳，當然要去下好出名既文青台式料理店--桂花小幸。大概8pm去到，門口仲有唔少等緊位既客人唔算等得太耐，都ok既入到去會覺得裝修唔錯，燈光令人覺得好舒服，係文青聚會既好地方~我地點左牛肉麵、魯肉飯、三杯雞、雞翼三盛牛肉麵(紅燒湯) $68呢間店其中一個招牌菜~三盛係指腱心牛肉、牛腩同埋牛丸。湯底有四款選擇:養生清燉、紅燒、蕃茄、麻辣牛肉湯，我地今次試左紅燒湯，湯底清甜，唔會搶左牛味之餘又夠香!腱心牛肉、牛腩都好夠味，至於個麵底軟硬度剛好👍鹽酥雞扒滷肉飯 $58滷肉飯較為健康， 瘦肉嘅比例比較多， 口感因而欠豐富， 另外鹹味亦不足， 令到整個滷肉飯較為遜色， 如果可以加上肥瘦適中嘅豬肉會更加好。鹽酥雞都有同樣既問題，就係咸味唔夠，另外如果可以更加熱就好啦 !煲仔塔香三杯雞 $48又係招牌菜呀～雞既味道濃郁~亦都好嫩滑，如果中意食正宗台式三杯雞既朋友可以一試!桂花雞翼(3隻) $23金黃色同鋪滿桂花糖既炸雞翼，加上桂花糖漿。入口外脆內嫩，桂花既甜味更加帶出雞翼既鮮味，呢道菜絕對會令你對桂花同雞翼呢個配搭另眼相看。水晶抹茶拿鐵$28唔同既飲品店會有唔同既奶同抹茶既比例，所以個人覺

今日系將軍澳廣場行街買衫和買鞋，行完去搵地方食晚飯，見到有間台灣菜又幾多人食價錢又唔貴就試下啦！點左個晚市套餐配埋原盅燉湯，三拼牛肉飯定食（腱心牛肉，牛腩，牛丸）再加$6小食和加$8飲品再加珍珠。三拼牛肉飯定食有原盅燉湯，湯好鮮甜又足料，上湯娃娃菜又夠淋，牛丸彈牙，牛腩又夠淋和腱心牛肉又入味。涼拌貓耳朵酸酸辣辣幾開胃又爽口。滷水豆腐又滷到幾香。鹽酥雞滷肉飯，雞扒炸到好香口，雞肉又嫩滑，滷肉又不會太肥又入味。滷水牛肚又幾夠味又不會太韌。

我自己一直對台灣菜都情有獨鍾，見今日得閒就嚟到屋企附近嘅「桂花小幸」試下。我上網睇佢地晚市都幾多人，所以我就選擇咗係中午去啦。一入到餐廳未食野已經先興奮，因為佢地播緊周杰倫d歌，我聽到唔願走，明明自己都有cd 哈哈！佢地係採取自助點餐方式，啫係你要搵咗位，揀好食物，再出櫃台比錢點餐，之後會有員工送餐，所以免收加一。其實餐廳環境好靚，幾有情調，有d似coffee shop，令人好放鬆，冷氣亦都好夠，但因為中午都唔係話少人，但叫有位唔洗等，我廢事影到其他食客啦，如果大家有興趣可以去試下！由於我真係好肚餓，所以我叫咗好多食物啊！👍🏿203 鹽酥雞扒滷肉飯 $58上到嚟香噴噴，我期望滷肉飯會有滿滿的滷肉，但現實我覺得少咗d，汁都唔係好夠，不過飯嘅份量好多，拎嚟餸飯真係幾好食。再者，個雞扒就真係幾細塊，而且都切都唔係好整齊，但又唔會話好油，所以我覺得還好。下次可以試下麵食。👍🏿上湯浸時菜 +$6我自己好鐘意食菜，所以如果可以都會盡量加返個菜食。時菜用咗娃娃菜，都無咩特別，係低鹽低油健康之選，同時中和返滷肉飯個油膩感。👍🏿302 桂花雞翼 $23(3隻)眼看雞翼平平無奇，其實有驚喜。佢同雞扒一樣都

工作太忙，連台灣都快閃唔到!!好掛住台灣既野食呀！上網 search,見到呢間桂花小幸係將軍澳，又近公司，所以同同事去左食lunch😋見到門口有好多人，以為要排好耐!!點知好快就有位啦…可能d人係等外賣!入到餐廳 個環境好似去左台灣咁，背景音樂播住經典金曲(那些年...)好有台灣風格。坐底左，睇完 menu 就要出門口俾錢啦！記得睇自己枱號係幾多!俾完錢，就可以返埋位等，職員會送餐黎你個位。我地叫左個酥炸排骨滷肉飯，鹽酥雞排滷肉飯!食完再加一杯茉香珍珠奶綠😋正酥炸排骨滷肉飯:肉質比較乾身，但d滷d飯好香唔膩鹽酥雞排滷肉飯:肉質比較滑，皮好脆