桂花小幸 (元朗廣場)

營業中

休息中

元朗除咗雞地、Yoho果邊多美食之外，其實元朗廣場呢邊都有好多好野食㗎！今次就來到呢間台灣菜餐廳 — 桂花小幸，餐廳主打多款台灣名物，裝修設計結合咗文青風格同埋自然元素，仲有少量嘅綠色植物襯托住，令人感覺悠閑放鬆～鹽酥雞扒滷肉飯💰HK$64鹽酥雞扒外層酥脆，內裡嘅雞扒保持嫩滑多汁！而滷肉就充滿住豐富肉香，用來撈飯，味道一流～滷水蛋💰+HK$8雞蛋吸收咗滷水嗰種濃郁嘅香氣，變得非常入味～麻辣牛腩雞翼台灣麵💰HK$82牛腩肉質緊實細緻！雞翼嫩滑入味，而且容易去骨！湯底揀咗麻辣牛肉湯、小辣！台灣麵口感煙韌，亦能夠充分吸收湯底嘅味道，每一啖都充滿咗麻辣嘅風味！呢個套餐仲有埋酸酸辣辣嘅涼拌木耳同埋辣油，如果覺得唔夠辣仲可以再加添～椒鹽花枝丸(5粒)💰HK$45香脆嘅外層同內裡軟腍嘅花枝丸形成咗一種鮮明嘅對比，增加咗整體口感嘅豐富性～仙草凍奶茶💰HK$28凍奶茶味道醇厚，配搭冰涼嫩滑嘅仙草，整體嘅感覺清爽而不失濃郁～芝士奶蓋阿華田💰HK$32芝士奶蓋帶有芝士嘅鹹香同埋雲呢拿嘅香味！芝士奶蓋同阿華田呢個組合估唔到個味道都幾夾～餐廳唔單止環境舒適，食物又大件夾抵食，唔該得長期都全場滿座～

最近太忙，忙到很久沒有外出吃晚飯！所以最近也很少更新，久違的一頓外出飯，就來了二次探訪的桂花小幸，相信元朗的朋友一定聽過甚至來過，因為他的排名很高呢~而我認為他最厲害的地方是出餐很快，剛下單不久食物便上枱，適合香港人的吃飯模式！環境餐廳在元朗廣場，如果平常只逛形點很少走入這邊便未必光顧過，餐廳有設計一番，門口更有打卡位~~餐牌款式眾多，有晚市套餐包原盅燉湯，來到台式餐廳，我當然飲「肥仔水」便選擇單點😆 煲仔 塔香 三杯雞定食 $73定食配上湯浸時菜及白飯，三杯雞份量不少，雞件十分上色，肉質正常，很重醬油味，佐飯一流！另外加$6要滷肉，肉末較少。 麻辣牛三寶麵 $79牛三寶有牛筋、牛腩及牛肚，記得上一次原味紅燒牛肉麵，所以今次試試麻辣口味。不能吃辣的不用擔心，因為只是加了數片辣椒，並不辣，牛三寶份量也很足夠，喜歡它的牛腩頗為淋身，麵條彈牙，湯底清甜。 鹽酥雞排 $42原本想吃鹽酥雞扒滷肉飯，但又想試三杯雞，何不點鹽酥雞扒小吃？$42的份量有一整塊，我覺得很划算，炸粉略厚一點，薄些更好，加點話梅粉的話會更香口！ 鐵觀音珍珠鮮奶茶 $34 我認為這裏的飲品相對上較菜品遜色一點，味道都偏淡些，

星期日冇計十分full場，所以要等位，大概等了十多分鐘，終於安排入坐。店內有很多精緻小裝飾，很有台式小店風味。餐廳很方便，採用手機掃QR落單，十分方便。落單後不用5分鐘已經送餐，可以很快用膳。今日自選了「紅燒半筋半腩牛肉台灣麵」，筋淋、腩香、麵QQ、牛肉湯底濃。朋友自選「鹽酥雞扒台灣麵養生潡牛肉湯底」，雞扒脆香大件，麵亦很QQ，養生湯香濃，最愛那當歸藥材味。今日假日心情，所以追加了「鹵水蛋」（$8）及追加「鹵水豆腐」（$10），鹵水又香又入味。結果忍不住.再加了「椒鹽花枝丸」，熱脆彈牙。另外再追加了「台灣烤香腸」，好味到不得了。 餐配飲品選了「夏日水漾鮮果茶」，可選少冰微甜，新鮮水果清甜解喝。朋友配的飲品是「凍黑糖珍珠奶茶」選了少冰半甜，朋友話茶香珍珠Q，帶黑糖香味。飲品會用外賣杯，方便我們帶走慢慢喝。其實仲可以優惠價格追加，可加配紫菜湯、拍青瓜、貓耳朶等等。注意假日關係，店員會提醒我們夠鐘交枱。另外，店舖隔離有Tea mikoo counter，可選購外賣台式飲料，非常方便。