茶茶台式料理 (已結業)

行完街經過呢間台式料理火鍋餐廳，見到佢入邊人山人海，餐牌都好吸引，就入咗去。我哋嗌左一個佢嘅招牌香香鍋，加另一個麻辣鍋，仲加咗一份鹽酥雞扒😋香香鍋嘅臭豆腐勁香好味，但我覺得麻辣鍋更加出色👍🏻加咗麻辣味嘅公仔麵勁爽！但最出色嘅一定係佢份鹽酥雞扒🤤又香又脆！而且雞肉做到好嫩滑！抵讚👍🏻除咗嘢食我哋仲嗌左兩杯嘢飲，不過我真係覺得佢啲嘢飲麻麻哋所以就唔多介紹啦～總結呢間野好抵食價錢好合理公道而且服務員嘅態度唔錯👍🏻值得一試

作為一間位於香港的台灣菜餐廳，「茶茶台式料理」無論是台式鹹味食品，抑或是甜味手調台式飲品，都幾乎完全滿足我最喜歡的台灣食品要求，有牛肉麵、鹽酥雞，還有我最喜歡的手調蜜桃茶飲品。而且「茶茶台式料理」的實際位置，距離港鐵站不算非常遙遠。我從旺角港鐵站近着「銀行中心」的「E」出口出來，沿着「西洋菜南街」向前走，走到「豉油街」路口再轉左，很快就去到「茶茶台式料理」店舖的門口位置。就憑我昔日，在旺角鬧市裡面累積不少足跡記錄，還有我對旺角裡面很多的店舖、食店跟娛樂設施仍然留下深刻印象，令我很快順利找到「茶茶台式料理」的店舖門口。「茶茶台式料理」之所以這麽容易辨認到和找得到，最大的原因是「茶茶台式料理」門口的招牌，以外表閃閃發光，疑似光管的材料砌成，名副其實是在店門門前向食客，清楚表明食店實際名稱的「光管招牌」。加上「茶茶台式料理」店舖裝修設計感覺很有現代的感覺，店舖正門位置的門口，全面採用玻璃窗砌成，營造出無遮無掩近乎開放式店面，食客可以透過食店玻璃門面，看清楚裡面有沒有檯櫈剩下，才決定幫不幫襯也不遲。至於「茶茶台式料理」裡面的台灣菜套餐餐牌，餐牌裡面包含的主菜食材，完全包含了牛肉、豬肉、雞肉三種

多小食多料台式鍋上月和朋友逛旺角，看戲，之後再附近食晚餐。看到這間台式餐廳像是不錯，剛好有位子，便去了食。我們叫了一個沙茶牛肉鍋，其他是小食，鹽酥雞扒，金牌烤羊肉串，惹味燒牛舌，蒜蓉燒茄子，鮮車厘茄煙肉卷，同埋一杯野飲檸檬紅玉。沙茶牛肉鍋這個王的配料很多，有牛肉，牛丸，台灣貢丸，鵪鶉蛋，蜆，蔬菜配料等等。基本上成個鍋也飽了五成！沙茶湯底有少少辣，肉類同蔬菜都入味，比普通火鍋好食。小食上我最喜歡鹽酥雞扒，金牌烤羊肉串和惹味燒牛舌。雞扒外皮炸得鬆脆但肉汁也保存，不會乾。金牌烤羊肉串，肉好食，嫩，加那調味粉更香。牛舌朋友就很厚切，又有很多蒜蓉在表面，牛舌燒得不乾又有肉汁。

話說琴晚調低左女朋友,自己去咗新寶戲院睇黑超特警組,睇完都已經九點幾啦,發覺有啲肚餓,諗住周圍行吓睇吓有啲咩食, 行行吓發現到呢間台式料理，就入咗去坐啦，一入到去發現樓底好高, 冇侷促嘅感覺，鋪面用上白色，好簡約.咁 侍應姐姐安排左坐裏邊，座位同座位之間都好寬敞，跟住我自己睇咗餐牌,就叫做鹽酥雞扒，台式小食拼盤,同埋滷肉飯，另外叫咗一杯爆檸四季春，大約10分鐘到，啲嘢食就到咗啦.首先講講鹽酥雞扒啦，佢用成塊嘅雞扒去做，整好之後呢就碎上，方便食用，雞扒外脆內軟,好有囗感，小食拼盤就有三樣可以食得到嘅，咁包括台灣腸、雞翼同埋花枝丸，台灣腸就好香口，花枝丸就配上泰式雞醬，配搭得非常之好，而雞翼就好有肉汁，啱晒我呢啲唔鍾意食香口野嘅人，而台南滷肉飯就比其他嘅台式餐廳大碗嘅，啱晒男士去食用啊，因為一定夠飽.以佢嘅飲品呢都非常之多嘅選擇，咁我就揀咗水果茶系列，揀咗爆檸四季春，咁諗落去啦就有少少酸酸嘅感覺.成個晚餐大約洗咗$150，需要加一，但鋪頭嘅姐姐都好好嘅服務，就好似你喺台灣當地咁樣😍，食物有水準，價錢亦都好公道，我下次都會帶埋女朋友嚟食.

之前已經同朋友黎過同一個鋪位食一人一鍋!! 🥘 覺得幾好食又抵, 所以今日lunch就再媽媽再黎~ 發現店名已經改左做 “茶茶”.. 但裝修同之前都一樣.. 野食又同之前差唔多.. 所以 就照入黎喇~ 環境係小清新～casual 舒服感 Lunchtime原來係無鍋食架~ 但有好多其他款既麵類, 飯類同小食 勁肚餓既我地, 一人揀左一款主食再加左幾款小食~ 我地一人叫左一個熱湯~~ 可配: 飯/米線/手作麵/公仔麵 馬來沙茶牛肉熱湯配飯 $48 🐮 媽媽叫的~ 原來D料都幾多下, 除左牛肉, 仲有好多木耳, 菜, 金菇, 同其他菇菌 個人覺得叫熱湯襯白飯 真係好match ! 下次再黎我都會揀配飯~🍚 不過呢一個沙茶味就稍為偏淡, 如果可以好似火鍋個沙茶湯底咁濃會更加好味 宮廷藥膳豚肉熱湯配手作麵 $48 呢一碗反而幾有驚喜, 藥膳味夠香, 就咁飲個湯都得🥄 豚肉份量適中, 但係對我黎講就偏多肥肉 配料比起沙茶牛肉更多呢, 呢碗多埋蟲草花同炸蒜片, 即時惹味左好多 : > 手作麵係店家自家製的, 果然係好有彈性, 麵質偏硬身~ 幾好味 Lunch +$1

今日約左人係油麻地拎野~搞掂之後就同老公係條街搵食，見到呢間台式料理個logo幾得意，門口貼哂menu，覺得都幾岩食於是就入去試試~入到黎見到好多檯都叫鍋食，咁我地就叫左一個鍋、一個飯再加d串燒喇~沙茶牛肉鍋好多配料滿滿一鍋送上檯!有鵪鶉蛋、牛肉、牛丸、炸薯仔、金菇、豆腐等等~本身入面既食材已經熟左，然後係湯底度一路滾一路令食材索d湯底既味~因為食材係熟既關係，等食既時間就少左好多，岩哂心急的我~湯底好香沙茶味，愈滾得耐個湯底愈濃，我地d菜留番最後食~吸盡湯底既精華~超入味!另外仲有d醬料俾大家選擇，仲可以落蒜蓉同吃~更加香!鹽酥雞扒滷肉飯鹽酥雞扒係台灣出名既炸物~食台灣野梗要試下佢啦!呢間餐廳整既鹽酥雞扒都幾大塊，炸到金黃色但唔會令人覺得有油膩感，咬落去好酥脆，雞肉未至於嫩滑但就一d都唔鞋口，切開一件件容易食~而滷肉亦滷得入味，唔會過咸，配飯食一流!燒物我地叫左燒菇、燒牛舌、串燒雞肉、串燒羊肉、炸大腸串、串燒金菇煙肉卷~冬菇同牛舌用左蒜蓉一齊燒，一上到檯係超級香，所有串燒都落左孜然粉同少少辣粉去燒，所以全部都好夠味好香，好快就食完一串又一串~爭d唔記得講鹽酥雞扒滷肉飯係跟餐~而加20

第一次吃台式的臭臭鍋已經是很久之前的事，雖然我第一次吃臭臭鍋是在香港吃的，並不是在台灣吃的，但感覺香港的臭臭鍋其實還不錯，好像比台灣的還要好吃，可能是合我的口味吧。茶茶台式料理主打熱鍋，記起之前也曾光顧這間食店，種類好像沒有以前的多，價錢也相對昂貴了，物價通漲十分厲害。台式料理來說，臭臭鍋當然是招牌菜，也可選擇其餘數款美味的熱鍋。另外還有各款小食和串燒可供選擇。男朋友點了一個招牌臭臭鍋，湯底還果然真夠臭，隔咗一段距離已嗅到臭味，材料有牛肉、臭豆腐、貢丸、蜆肉和金菇等等，蜆肉更可轉成豚肉。我自己點了沙茶牛肉鍋，其實不論是味道或是材料，都跟招牌臭臭鍋十分相似，當然多了沙茶的味道會是另一種享受，就像我們在家中吃火鍋會沾的沙茶醬。忘記了加多少錢就可以配牛肉片，大概是三十多元，看樣子應該不是肥牛，但牛味香濃，軟軟的，也是不錯的，對於嗜牛的人來說也可以加錢去多吃一些。鹽酥雞扒也是台灣菜中熱門的菜式，表面很脆卜卜，香口，裡面的雞肉也嫩滑，但略嫌油膩，吃的時候有不少油份滲出來。台式小食拼盤有小香腸、雞翼和花枝丸各兩件，個人認為這個真是這裡一定要點的，首先說說小香腸，尾部是脆脆的，然後能做到乾身但又有點

今日小弟同女友人加埋兩位朋友黎左呢間餐廳開大餐月頭出左糧係爽既要大吃一餐減下壓本身小弟已經好鍾情奶蓋飲品，我對小火鍋都好熱愛的說.. 今次我地4個人每人叫左既鍋分別有藥善豚肉鍋x2，巴蜀烤魚鍋同埋咖哩奶蓋鍋。四個鍋既湯底都好獨特，我個奶蓋咖哩先正濃味得黎有奶香好creamy ..我地叫左勁多小食有鹽酥雞扒，台式夜市小香腸，酥炸花枝墨魚丸，蒙古羊肉串，燒雞肉串，燒雞翼，厚燒牛舌，蒜香燒茄子，鐵板炒韭菜，燒翠肉瓜同埋燒冬菇.. 全部都好正，叫到好似食放題咁..野飲我地都叫左芝士莓莓，芝士綠妍同芝士紅玉.. d飲品都好唔錯拍得住大陸d奶蓋茶.. 整體黎講成餐我超滿意大滿足的說. 因為咁樣食法每人都只係300蚊左右.. 講真邊度搵，完全滿足晒我對食既價錢同品質既要求..

香港台灣餐廳好多，但黎黎去去都係果幾味，好少會有啲特色地道菜，誤打誤撞俾我發現新寶戲院附近就有一間其實最初係俾門口飲品既水牌吸引到，係同某知名飲料同名既芝芝莓莓呀估唔到無令我失望，奶蓋厚滑，入口滿滿芝士既鹹香，底下既草莓沙冰一啲都唔死甜八號意思原來係四種茶混合而成，有金鳳、四季春、紅茶、綠茶，層次豐富，味道甘香而不澀、奶蓋同樣軟滑出色。睇埋野食餐牌決定今日既午餐就喺度解決！台灣有名既臭臭鍋，故名思義，湯底加左台灣臭豆腐，獨有既香味令平凡既火鍋料增加左風味配料非常豐富，肥牛、豆腐、貢丸、鴨血、木耳、金菇、蜆、椰菜乜都有，足料飽肚。裡面仲加左米血糕，口感軟糯，帶米粒既質感，加喺火鍋度食幾新奇。魚鍋用左鯇魚，少骨又厚肉又夠滑，配上巴蜀風味既香辣湯底食落惹味又唔腥餐牌上仲有唔同既川味燒同小食選擇。去台灣必食既香腸，口感紮實，條條都漲卜卜，肥瘦比例三七，嫩而不油鹽酥雞扒外皮薄脆，內裡鮮嫩多汁，無諗過呢個價錢有咁大塊食串燒必食既蒜香茄子🍆睇相就知蒜蓉超足料，鋪到成個面都係，香口得黎又夠嫩身除左今日點呢幾樣仲有好多不同鍋物同串燒，樣樣都想試呀下次一定叫多幾個朋友黎share食可以嗌多幾樣！