日月堂

營業中

休息中

第一次食日月堂，我哋11:50去到見開咗門，店員話可以入去坐但12點先可以落單。嗌咗幾樣嘢食，1. Lunch set 鹽酥雞滷肉飯，連小食同冬瓜茶，我哋仲加配左花枝丸，花枝丸都係有鹽酥雞粉，滷肉飯有台灣嘅味道，而且滷肉都相對比其他嘅舖頭多，半肥瘦真係好好味，鹽酥雞唔會炸到好乾，唔夠味可以自己加鹽酥雞粉，但我覺得唔加都OK夠味，佢送個小食就實在普通啦，冬瓜茶就比較甜，下次可能加錢試吓其他。 2. 麻辣鴨血，味道OK，但食到最後啲花椒味變得有啲苦，有兩條菜墊係底，所以望落去都幾多3. 梅子地瓜條，呢個必食，非常好食，梅子粉我覺得可以再多啲，不過有樽梅子粉係枱，自己可以任加，熱辣辣上枱，外脆內軟4. 因為冬瓜茶太細杯嘅關係，我哋再嗌多杯珍珠奶茶，好大杯，平時飲開正常甜嘅我，因為驚好似冬瓜茶咁甜，所以今次嗌咗少甜，估唔到少甜都咁好飲比起哈豆，我就覺得日月堂好食好多！ 食到好飽但價錢唔貴，呢間可以再encore。

今次晏晝嚟到位於觀塘工廈都算幾出名嘅日月堂🇹🇼平日好似經常爆滿 但由於我今次係晏晝2:00嚟同埋夜晚6:00嚟 所以都無乜人😹😹佢地lunch set有刈包食都幾特別 但我今日比較想食鹽酥雞(˶‾᷄ ⁻̫ ‾᷅˵) 我實在太想食蛋餅 於是我夜晚又過咗嚟食 擺埋係下面一次過post啦٩(◦`꒳´◦)۶鹽酥雞滷肉飯 ($65) ☞ 𝟳.𝟱/𝟭𝟬滷肉飯好食!! 只能有好食嘅滷肉真係會秒速清哂啲飯🥺女仔嚟講已經好夠 飯嘅份量唔算多 但鹽酥雞真係超多舊 lunch set嚟講真係幾抵食❗️鹽酥雞口感酥脆 調味適中 枱面亦設鹽酥粉俾客人自行調味～最近食太多野肥咗勁多 難得的起心肝唔飲珍珠奶茶 點知佢隨餐附送杯冬瓜茶係極甜 應該落咗好多黑糖 走甜失敗🥺起司肉鬆蛋餅 ($40) ☞ 𝟵/𝟭𝟬呢個係必點❗️餅皮都算薄而且香脆 仲有好香嘅蛋味 餡料都幾足料 滿滿嘅芝士有些少拉絲效果 配上肉鬆 兩者配合得好好🥺上面仲會淋上甜甜地嘅醬汁 一個人輕鬆食哂成個(⁎⁍̴̛ᴗ⁍̴̛⁎)❣️食物質素都算唔錯 性價比幾高 食完好想去台灣🥺但唔知係咪因為唔夠人 覺得店員服務麻麻地🥲推薦指數：🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 4/

估唔到工業大廈都有出色嘅台灣食品。個地址呢其實係有少少難搵嘅，我都係要出咗觀塘B出口跟住行咗好大段路程先至搵到。環境尚算乾淨整潔，餐廳內部有播放偶像S.H.E嘅歌。整體嘅感覺懷舊，好似回到青春期。我就點咗一個鹽酥雞滷肉飯，呢度菜式附送一個小菜，而飲品要加錢。鹽酥雞啱啱炸出嚟無論係味道定係熱度都啱啱好。小菜係青瓜加蕃薯條淋上沙律汁，所以食落去感覺好開胃。滷肉飯味道適中唔會話太鹹，整體份量非常充足。我係有少少食唔晒。我點咗一杯香芋珍珠奶茶，建議珍珠奶茶都係去返出面買嚟飲會比較好，價錢方面性價比比較高但係唔算特別好飲。由於飲品係塑膠製成所以可以拎出舖頭飲。香芋味道10分濃郁，珍珠唔算彈牙，應該擺放過一段時間。愛玉比珍珠奶茶出色好多，甚至附送一個鮮檸檬俾你榨檸檬汁。整體感覺鮮甜彈牙，非常健康亦都消滯。整體消費不足$200，冇收+1，算係一個比較有特色嘅餐廳。

《#Taiwanese_taltal | #KwunTong_taltal 》🇭🇰 日月堂 𝕊𝕦𝕟 𝕄𝕠𝕠𝕟 ℂ𝕙𝕦𝕣𝕔𝕙 @ 𝕂𝕨𝕦𝕟 𝕋𝕠𝕟𝕘呢排成日出觀塘上堂，一早save咗一堆要試嘅餐廳🍴其中一間係工廠大廈上面嘅呢間台灣野。好在時間尚早，餐廳半full條街又唔多車。入到去，環境較暗，牆上好多台灣裝飾。客人可以scan QR code落單/待應幫你落。❥ 鹽酥雞滷肉飯 $𝟔𝟓一碗滷肉飯+一碗鹽酥雞+一小碟配菜。雖然看似好少，但食落好快飽🤰🏻滷肉飯面頭鋪滿滷肉同菜，滷肉份量好多，完全唔吝嗇😛咁先可以啖啖肉滷+飯。特別要講吓個鹽酥雞❗其實本身個鹽酥雞已經好夠味，但枱面仲有支調味粉比重口味客人落😂❥ 虎咬豬(刈包) 配 蕃薯條 $𝟔𝟎單係食個蕃薯條已然夠哂🍠勁大份嘅蕃薯條，每條都被甘梅粉包裹住，食落酸酸地而且較重口味，不過就啱哂我口味😋而且放耐咗都好脆，好熱氣呀😛至於個刈包都好出色，豬肉唔會太肥又夠多汁，食到勁飽！❥ 肉鬆起司捲餅 $𝟒𝟎每次食台灣野都要叫蛋餅，但呢到蛋餅差少少😣較乾同燶身，咬落去陣燶味有D勁，不過就好足料，肉鬆塞滿哂。面頭淋上燒汁同辣醬。如果可以客人自己點辣醬會比較好

當日餐廳播音樂有啲太嘈太大聲，傾計都唔太聽到朋友講野，但同咗店員講佢地都好快手較細聲返了午餐 鹽酥雞滷肉飯配凍冬瓜茶 ($65)配菜雖然大約有一口大小，但食晒成碗飯同雞係超級飽，份量絕不馬虎! 加上滷肉香濃，份量亦足夠餸飯，鹽酥雞外脆內juicy，好好食但免費跟餐冬瓜茶太甜，麻麻地小食 梅子地瓜條 ($36) 玉米起司蛋捲餅 ($38)食物質素令人滿意! 地瓜條甜甜地好啱用嚟炸，蛋餅亦好有台灣的味道，滿意~

今天來到觀塘逛一下特色市集，再在駱駝漆三期走完全棟🧱走到腳也累了，只見每間食肆都人頭湧湧，所以就另外找了附近的良心小店。同樣位於工業區，亦有不少選擇，最近見台灣疫情反覆，未知何時可以去旅行，唯有在港多吃台灣菜一解相思之苦💛 .餐廳內部裝修是工業風路線🪨粗獷的灰黑色配上木檯椅，牆上的裝飾有台灣風景照，令人有想出走都市的衝動。午餐菜單由湯麵、乾麵、飯類到刈包也有，還能升級上台式手搖飲品🧋 .🍗鹽酥雞滷肉飯 午餐$65炸雞肉質仍嫩，帶有點汁，調味不會太鹹。滷肉肥肉較多，心生罪惡感。前菜雖然份量不多，但竟然有3種，有地瓜、青瓜和四季豆🥒試味後有點欲罷不能想吃更多。 .甜不辣 加配$18共有4件，每件都相當厚實，有魚味🐟咬口頗彈牙，下面的沾醬甜中帶點微辣更惹味😋

週末其中一個節目，就是要去支持一下良心小店。今日就去到觀塘工廈區的「日月堂」，知道日月堂的台式料理非常有名，我們逛街之餘亦可支持一下。日月堂的裝潢除了有工廈感外，還配搭返其台式料理的風味，牆身油了一幅傳統老街的風貌，還加上推薦菜式的名牌，很有地道風味。另外，日月堂還有本土良心的裝飾，比起金碧輝煌的裝修更加實際。餐廳主要都是台灣食品，滷肉飯、拌麵、鹽酥雞、蛋餅及台式飲品，這些都是必食的。🌙 1. 鹽酥雞滷肉飯這碗滷肉飯，用的食材絕不單寡，裡面還加上炸蕃薯條及青瓜，食材雖簡單但亦看得出日月堂的心思。加上，鹽酥雞亦是新鮮炸起，雞皮熱辣辣炸得爽脆，咬落還食到肉汁，足以證明雞肉是剛炸起。🌙 2. 牛肉蔥油拌麵台灣拌麵都是非常有名，自己在家很難煮得惹味，必須要有好的配料及調味料。首先，日月堂的台式牛肉煮得非常稔軟，再加上足夠的蔥油，牛肉和麵底因而吸收了其香氣。而拌麵的麵底亦做得不錯，非常彈牙，確實是家中煮不到的味道。🌙 3. 炸鹽酥雞單食鹽酥雞滷肉飯，是絕對不能應付我倆對於鹽酥雞的愛好程度。所以另點一份鹽酥雞小吃是少不免的，鹽酥雞小吃的味道比起剛才的還要強，完整地食得出其鹹香滋味。🌙 4. 起司粟

💛黃店💛台灣風味, 秘制湯底, 味道出眾, 滋味無窮。紅燒牛肉麵 $75份量都幾多, 而且牛肉都畀咗唔少, 而且麵嘅質地適中, 不過湯底偏鹹, 如果淡返少少會更好。午餐包埋前菜, 不過凍咗, 如果翻熱返會比較好呢。鹽酥雞滷肉飯 $65同平時台式嘅滷肉飯差唔多, 除咗飯放咗滷肉之外, 都會有兩塊酸蘿蔔, 而鹽酥雞食落同平時餐廳都係差唔多, 味道都唔錯。玉米起司蛋捲餅 $38味道唔錯, 食落好煙韌, 而且好足料。麻辣鴨血 $48味道還可以, 不過如果再辣多少少, 就更加香口。黑糖珍珠鮮奶 $32味道偏甜, 如果落少啲糖會更好。香芋奶茶 $24味道發揮正常水平。

好想食台灣野，一於search 下同同事去試下！我哋叫咗兩個午餐主食飲品加一個小食！1）鹽酥雞滷肉飯熱辣辣炸得咸香酥脆嘅雞件，有成6-7塊，配上半肥瘦嘅滷肉飯，油香味美，仲有非常入味嘅滷蛋，不得不讚配有清的娃娃菜2）清燉牛肉麵賣相一流，湯頭完全唔油膩，好濃郁的牛肉原味，每塊牛展筋肉分明，稔滑肉味香濃，蘿蔔超入味，係好喜出望外的牛肉麵！3）玉米起司蛋捲餅我好鍾意食台灣蛋餅配不同涵料！依度的蛋餅外皮蛋味香濃，包住流心拉絲芝士同粟米，絕對拍得住台灣夜市4）黑糖珍珠奶茶同百香果綠茶，大大杯好抵飲！依間餐廳絕對會encore !

同男朋友搵到間好食台灣菜，雖然離觀塘地鐵站有少少遠，估唔到幾好食，服務幾好，尋回台灣味 🇹🇼 現場座位唔太多，星期日嚟食都幾乎坐滿午餐menu 紅燒牛肉麵🤩🤩 $75超級推介！男朋友超愛😍😍 湯底濃郁，有少少辣，夠晒惹味！牛𦟌肉好厚身，都鬆化，唔會好難咬。麵條好食，彈牙，配埋湯底煮得剛剛好；另外麵條方面 +$5 可以轉新竹米粉、冬粉、刀削麵。鹽酥雞滷肉飯 $65不過不失，滷肉半肥半瘦，又唔會太多肥肉，而且滷肉份量同飯小食就加咗一份宜蘭花枝丸（3 粒）+$18 ；好味呀，夠晒彈牙～ 食食吓突然想起淡水老街嘅感覺😂😂🥢點咗個「玉米起司蛋捲餅」$38 因為太掛住台灣嘅蛋餅😂😂 份量都好足，而且即叫即整，因為上枱個陣係熱辣辣架😍😍 裡面都好足料，但蛋餅比較厚，無咁鬆化，咬得好耐😂🥢跟餐送冷熱冬瓜茶