老街 (西洋菜南街)

營業中

休息中

嚟到旺角想食台灣嘢，就嚟咗呢間老街試吓。店面唔算太大，坐嘅時候覺得有少少迫，不過還可以接受。🤨🤨紅燒牛肉麵（$62）🐄湯底幾香牛肉味，不過牛肉偏韌，面嘅質地唔錯，好有咬口，不過份量可以再多少少就好啦鹽酥雞肉操飯🍛（$56)鹽酥雞炸得不錯，上菜時嘅溫度亦係熱辣辣，不過個人覺得賣相可以更好。另外肉操味道偏淡，所以覺得不過不失。食物嘅質素還可以接受，但係週末嘅午市去到呢間餐廳，發現佢哋人手不足，一開始門面剩係得一位店員幫手，點餐亦要等一段時間店員先至可以幫到我哋。因為餐廳唔大，走廊非常集，店員上菜嘅時候可以見到有啲困難😖😖，所以喺我哋用餐嘅時候，亦有一位店員倒瀉其他客人嘅飲品。所以個人覺得服務質素可以提升，餐廳嘅環境亦可以更好。

鐵路雞扒滷肉飯 $58煎過既雞扒表皮略脆 但可能因為厚肉 食落只有照燒汁既味 唔夠入味 亦唔夠juicy 滷肉呈半肥瘦 令啲飯充滿油脂香 滷肉同飯既比例剛好 仲有啲粟米紅蘿蔔作解膩🤓.鹽酥雞滷肉飯 $50鹽酥雞有七粒 炸得酥脆 炸皮薄而且有鎖住肉汁 唔會乾鞋😋至於半隻既滷蛋既全熟蛋黃就唔太討好 如果轉做溏心蛋會更吸引🍳.百香果QQ綠茶 跟餐(+$12)無嗌少甜 味道自然唔會死甜 有椰果又有珍珠可以咬 不過唔比匙羹食有啲唔方便囉😂淨係用飲管好快飲哂啲茶淨低好多椰果珍珠

記得以前呢度係日料餐廳，點知今日行過見到轉左台灣小店，睇落唔錯，平平地。餐廳行懷舊風，牆上全部係舊台灣嘅風景民俗，幾得意。主打滷肉飯同牛肉麵，都有新竹米粉、撈麵，同埋台灣小食走唔甩。【鹽酥雞滷肉飯】推介！滷肉汁好入味，撈飯好正。鹽酥雞炸得外脆內軟，小小胡椒味，細細件易入口。炸過嘅雞皮又唔會太肥，送飯或當小食都好。【蒜香豬軟骨便當】好多飯豬軟骨都算入味，份量足，配有滷蛋、粟米粒同榨菜。如果啲汁可以再濃啲就更好。【魚酥皮蛋豆腐】又係好大份。魚酥舖滿豆腐，皮蛋軟糯，豆腐同肉鬆一同進食，清甜爽口一人一杯嘢飲，珍珠奶茶+$12，熱檸水+$8，埋單兩人$154，超飽，好抵食的台灣小店