入麵 (已結業)

🌟係入麵食台灣野🇹🇼今日又入石門食野 今次就去左食台灣野🇹🇼去到果時咁啱係佢地嘅下午茶時間🤪叫左個鹽酥雞球 撈麵😆佢地嘅雞炸得好夠脆 有4-5舊雞粒😍食落唔會覺得好熱氣或者好油🙈個雞亦唔會好乾身 幾好食🤭個麵就揀左麻香醬撈麵麵嘅質地有少少硬 但佢比嘅醬都夠撈成個麵👍🏻除此之外配料都相當之多🤩有舖係面嘅柴魚乾同粟米 就咁食呢個麵都唔會太dry 🌽.🍇荔枝白玉 🥤野飲可似喊少甜 都唔會太甜😉.💰$46回頭率💫： 🌕🌕🌕🌕🌘

尼間黃店主打唔同辣味/日台式口味既食物，素食者亦適合，夠貼心。入座前要量體溫，仲會有消毒搓手液。lunch set價錢大約$55-60，可以揀1款主食，1款撈麵/湯麵，1杯台式飲品。叫左主食回味醬骨架set($60)，鹽酥雞球set($56)。回味醬骨架有3大件，侍應貼心地提供膠手套及盛骨碗，方便食。醬骨架煮得夠入味，肉嫩唔乾。伴碟仲有糖心蛋、榨菜、青瓜、紅蘿蔔。日式撈麵好大份，男仔食可能都覺得好多。面頭灑上柴魚乾、粟米，攪拌日式醬汁一齊食。麵身屬硬，個人覺得口感更好，因為如果麵條煮得太軟，就會撈唔起，變成一patpat，所以餐廳煮麵時間控制得好。鹽酥雞球有起碼7件，炸得夠脆，食落唔會覺我好熱氣，而且肉滑仲有d肉汁。伴碟仲有薯角、青瓜、紅蘿蔔，有心思唔會單調。將麻香醬拌勻之後，成碟麵都好香麻醬味，再加d粟米點綴。跟餐飲品揀左珍珠奶茶、冬瓜茶，正正常常唔會過甜，難得珍珠奶茶唔駛加錢。整體，抵食既lunch set，而且睇menu會眼花，因為真係好多選擇，咩都想試。

又來到石門搵食，見到呢間店名好特別嘅入麵，主打手工麵條，而且都幾多支持客，就吸引左我入去入麵喇呢度嘅午市套餐價錢經濟，亦有多種配搭，特別在有專為素食人士而設嘅菜式，食素嘅朋友黎就唔會淨係得蔬菜可以選擇，十分體貼。今次我就選擇左入麵堆介嘅鹽酥雞球+蕃茄湯麵+熱珍珠奶茶。 首先上菜嘅鹽酥雞球，新鮮即炸，咬落皮唔會好乾，炸皮薄，雞球鮮嫩多汁，大大舊食落啖啖肉番茄湯麵，份量頗大碗，湯底除咗蕃茄粒仲有粟米粒，只可惜麵質偏淋，見到啲麵已經痴到成塊麵餅，好難夾起。麵質無咬口好易斷，湯底亦比較清無咩蕃茄味，整體黎講唔吸引，始終餐廳主打麵條但食落反而有啲失望 餐飲冷熱同價，哩杯熱珍珠奶茶用外賣杯，方便飲唔晒都可以拎走，奶茶幾滑溜，珍珠亦好彈牙