臺坊 (加拿分道) (已結業)

 唔知大家有無發覺，係尖沙咀區想食台灣嘢既選擇其實唔係好多，呢間係後福街同加拿芬道交界既「臺坊」，係我午餐叫外賣既選擇之一。點解每次都叫外賣拎走既原因係舖面可以堂食的位置其實唔多，有時你想堂食都未必有位俾你坐。但嘢食既質素我覺係唔錯的，食物種類亦都多。今次我叫咗個「鹽酥雞肉燥飯」同埋「麻辣海蜇雞柳」，肉燥既味道唔太濃唔會食完有味精既口渴感，味道同我係台灣街頭食既肉燥飯有7-80%相似，所以我覺得都算對版，雞肉鹽酥雞香口得嚟唔會炸到好散，整體嚟講我覺得都合格「麻辣海蜇雞柳」麻辣唔太辣但爽口開胃，份量正常，味道合格，如果我尖沙咀返工突然想食台灣嘢我都會再試佢哋其他既嘢食！

自己一個閒逛喺尖沙嘴街頭，諗緊食咩好之濟就見到臺坊呢間鋪頭，入到去先揀好餐點，再出去收銀落單，比完錢就可以返埋位等嘢食~🤤鹽酥雞肉燥飯（$60）🍗用紙兜裝住一上枱會覺得份量唔太多，好彩原來都食得飽，勁熱辣辣，炸雞有五粒，有汁唔會乾曬身，都幾夠脆，調味香🤤可惜部分位置有少少鞋口難咬😢呢個飯話明係肉燥飯，所以啲肉燥食上去唔係平時食台式餐廳魯肉嗰陣香料味，比較似家常菜，不過都幾好食，甜甜地，想要更加多等我唔洗省住食，不過又明嘅…好多鋪頭都比好少，至少呢間夠撈全個飯😋白飯方面，煮得幾好，粒粒分明有咬口，唔會爛曬變一大pat飯咁珍珠奶茶（跟餐+$8）🧋熱飲少甜一上枱就感覺到佢真係勁勁勁熱，要打開蓋慢慢食完個飯先易入口少少，感覺佢應該係煮到滾曬，殺菌真係一流，飲落有茶香，奶味一般，甜度唔算太甜，珍珠幾好咬，咬入去有甜香，以堂食跟餐嘅珍珠奶茶嚟講水準幾唔錯🤩環境方面，鋪面比較細，好彩今日自己食，求其有個空位就坐得，對住牆食都幾好，可以唔洗望人咁尷尬，不過枱面有少少細，我諗呢間鋪頭都係預人食快餐或者叫外賣，見到都有好多打工仔叫外賣，不過餐廳位置細，佢哋企曬喺餐廳入面等都對堂食嘅人嚟講有少少壓力😵‍💫（

細細間 咁啱有位就入左去坐落單個個唔知係咪新員工，落單有少少慢，後面有條隊我原本係叫炸豬扒嫁，但佢比左鹽酥雞我，我聽到佢話雞所以食左🥲🥲不過佢原本諗住就咁收返我個個同人換就算，完全冇諗過我係咪食過🥶🥶另外，原本我同朋友都係細細聲傾計，之後佢開左音樂，太大聲，大家唔好預傾到計鹽酥雞肉燥飯D雞幾好食，肉操有少少咸，佢唔係成堆肥豬肉嘅個款肉燥，不過食得多都會濟🤧珍珠奶茶加$8就有珍珠奶茶，覺得價錢都合理🧋但d珍珠就林左少少啦，中意珍珠嘅我表示最後淨返哂珍珠🤔

尖沙咀依d 旺區，想搵位食飯唔易。一個人想快快手食完又唔想食快餐，可以試下依間台灣餐廳。係厚福街，十分易去，食完坐車走好近。門口唔太起眼，入面唔係太多位。我6點幾都要坐左5~10分鐘先有位menu 唔花巧，一眼睇哂。其實好多野都想試，可惜一個人食唔到幾多野。小麥胚芽奶茶跟餐+$8正宗台灣味道，唔太甜。有d小麥胚芽，感覺健康d鹽酥雞肉燥飯$60尖沙咀黎講，唔算貴。正宗台灣貨色。坐我對面果個台灣人都會黎依到食。份量可以再多d, 不過味道一流。

厚福街一向多嘢食今次試左對正馬路既台式小店😗野食高汁但係價錢貼地不過地方有啲細 想食嘅朋友記得要早啲去排隊啦=== === === === === === === ===1️⃣ 🍜香辣牛肉麵【$60】牛肉牛筋炆到超腍 肥瘦均勻 一啲渣都冇入口有化開嘅感覺🌸 咬兩下就feel到d骨膠黏住牙🦷湯汁食得出有花椒八角 蘿蔔索哂湯汁 好正🤩食唔到十小辣既都可以一戰成碗麵超級足料 絕無欺場 值回票價🤣2️⃣🍗鹽酥雞肉燥飯【$60】肉燥飯配4大舊鹽酥雞同半隻滷水蛋肉燥既調味唔會死咸 撈飯食真係一流總會有人食鹽酥雞嫌人哋炸到好乾唔使驚 因為小店既肉燥鋪滿成盒飯嘅三分之二即管用啲肉燥同佢沖涼啦😛3️⃣ 🧂椒鹽豆腐【跟餐$26 單價$36】6粒炸到靚靚仔仔既豆腐面頭輕輕撒咗少少椒鹽,甜豉油同埋油蔥酥(定好似炸蒜）4️⃣ 🐥香炸雞翼【跟餐$31 單價$37】表皮酥脆唔厚 緊緊鎖住肉汁每啖落去都卜卜脆 熱辣辣就算擺到最後食都冇問題 表示很滿足😌5️⃣ 🧋珍珠奶茶/小麥胚芽奶茶【跟餐$8 單價$21】係咪傻左 跟餐加$8咁平😂😂仲要d珍珠同胚芽都幾重手下不過珍珠奶茶就偏甜少少 下次叫返少甜

今日食咗台式小店做dinner味道同服務質素都唔錯cp值都幾高🐱炸豬扒冷麵（$60）豬扒炸到外脆內軟，非常juicy冷麵以日本麻醬、蟹柳、青瓜絲作為撘配🐱鹽酥雞肉燥飯（$60）肉燥入味不會太鹹，好配飯鹽酥雞份量充足，好飽肚🐱小食－甜不辣（$26）、茄子（$26）小食跟餐有優惠甜不辣係台灣魚糕，夠煙韌最惹味係茄子，廚師炸到好似天婦羅咁，配肉燥嘅同時又唔會淋，好有口感，又多汁，係推薦嘅小食🐱飲品加8蚊就得，推薦奶綠二人埋單$188

尖沙咀厚福街出名多美食 今次又與友人出動覓食 在街口已經看到這台灣店 店舖不大 約分成6枱12個坐位 幸好 看完電影才晚上六時 仍有坐位每枱亦貼有安心出行二維碼 不用熱辣辣在門外弄一輪才能入座台灣美食當然聯想到肉燥飯 必試 而朋友揀選比較少見的台式冷麵 除此之外更有牛肉麵及肉燥拌麵 留待下次再嚐嚐看《鹽酥雞肉燥飯》雖然只有4件鹽酥雞 但件件炸皮都十分酥脆肉質鮮嫩 又多汁😋正 吃光這4件又滋味又滿足 再加上有肉燥撈飯 更可吃多幾口台式飲料當然亦少不了 跟餐只需加$8 便能享有《小麥胚芽茉香奶綠》😍有時唔想咁飽肚 會選擇胚芽 好香又有口感 飲到底都仲有胚芽 足料👍🏻還點了《芝士肉鬆蛋餅》與友人分享 四件熱騰騰蛋餅用煎pan上枱 夾起即看到芝士拉絲😋加上肉鬆 無得輸最後人均$90 又鹽酥雞 又奶綠 又蛋餅 滿足的一餐台菜

天氣開始炎熱起來，或多或少都會影響了食慾。所以如果要吃，會想吃一些較為"涼快"的食物~就像冷麵之類。於是發現 臺坊 有且還是一段時間沒吃過的台灣料理便有興趣囉店內的座位並不多，而且都是面牆位置來看完餐牌後自行去收銀處下單付款~再等上餐那樣子除了我有興趣的冷麵外，還有飯、牛肉麵、肉燥拌麵和台式小食!!✦ 麻辣雞絲冷麵 ($54) - 說是雞絲，我覺得不像是"絲" ~ 倒是青瓜那些才是吧!?雞肉很嫩滑，麻辣的味道頗濃，會是偏辣一些。不論是醬料還是配料也很足，吃起來亦很涼透心的喇 ✦ 鹽酥雞肉燥飯 ($57) - 朋友選的這個肉燥飯看起來都很足料！飲品跟餐的價錢比起單點真是好吸引✦ 蜂蜜柚子茶 (+$6) - 這杯不能走冰，只能少冰。柚子味尚算濃，不會很清淡 ✦ 清甜冬瓜茶 (+$6) - 這杯倒是可以走冰。之後看別人寫的食評說蛋餅不錯，那下次如果經過又覺得餓可以再考慮一下呢在街角的舖位其實都幾顯眼

又到Happy Friday! 🥳星期五晚最好就係約埋朋友食個飯傾下計今次我地黎左尖沙咀覓食🤓原來近住厚福街呢頭除左甜品店 仲有好抵食嘅台灣菜食🤤.呢度仲有得自助落單.🌟鹽酥雞肉燥飯 （$57）呢個肉燥飯嘅份量比想像中多🍚而且鹽酥雞仲要炸得又脆又juicy
調味亦都好夾仲有半隻好靚嘅鹵水蛋🥚.🌟紅燒牛肉麵 （$56）唔好睇個碗咁細 入面真係裝到好滿好足料牛肉湯底煮得入味香濃仲有大大件紅蘿蔔🥕同白蘿蔔而且仲有好多又腍又厚肉嘅牛肉同牛筋真係好飽好抵食🍜.🌟黃金芋圓波 （+$25）做左成日野想獎勵自己🤪所以就同朋友叫多個小食share 呢個芋圓波比想像中好食好多！😋外面炸到脆卜卜中間仲有軟糯香甜嘅芋蓉 真係超好食 跟餐仲只係加$25咋
.🌟珍珠苿香奶綠 （+$6）食台灣野當然加埋杯台式飲品就更加正珍珠好有嚼勁 仲有香濃嘅綠茶味🧋.🌟小麥胚芽奶茶 （+$6）奶茶加埋小麥胚芽就更加有口感 係健康之選😙.餐廳仲好好咁係枱面同收銀處放左香口膠俾客人飯後食而且地段方便 下次等天氣熱d都想試下佢嘅冷麵😌

新開的這間臺坊，雖然地方細細，只得數個座位，但餐牌選擇都頗多，主打冷麵，肉燥飯，肉燥拌麵，台式牛肉麵及一系列的台式小食及飲品，價錢在尖沙咀中是平價吧。今晚我就外賣了冷麵，肉燥飯及椒鹽豆腐回家。別看外賣盒細細，但飯餸都裝得滿滿，食完都很飽肚。四四方方的椒鹽豆腐返到屋企沒有變得濕同淋身，還是脆脆的，不油膩，不需沾醬都很夠味道。鹽酥雞肉燥飯，鹽酥雞沒有厚厚的粉漿，炸得外脆内嫩，有酥脆的口感。我鐘意他們的肉燥飯不會有太多的肥肉，醬汁濃而不膩，配上菜脯及滷蛋，送飯一流。冷麵舖上滿滿的青瓜絲，蟹柳絲及雞絲，十分豐富，撈上微辣的麻辣醬汁，十分開胃惹味，開適合夏天食。