101臺灣品味館 (已結業)

💮懶懶熊即興約熊妹食個下午茶，喺旺角街頭遊蕩，喺西洋菜南街見到呢間台灣餐廳《101臺灣品味館》，又真係好耐冇食過台灣野啦，真係好掛住‪台灣夜市‬，係咪開始有旅行幻覺啊？🤯📌店舖細細的，有幾張四人枱，主打都係快來快去。‪📌下午五點‬都仲係下午茶時間，下午茶餐都幾抵食喎！📌台式下午茶精選三重奏A+B+C，A款揀一款主食，B款揀三款小食，C款揀一款飲品，都係$38起，堅係好抵食喎！📌另外有台灣特產蛋餅同埋吐司，仲可以加$18再加多款台灣小食🥡，真係全部都想試盡去。台式下午茶，$38大食懶懶熊主食揀咗滷肉飯，小食揀咗最愛嘅小香腸、花枝丸同埋蝦卷。滷肉飯味道正常，滷肉汁濃味，飯粒就普通白米飯🍚，食落淋身，整體味道唔算突出。小食有三款，份量都唔少有原整一條，唔係切碎一片片咁無誠意。台灣熱狗腸真係幾好味甜甜哋又好有咬口，咬落去入邊啲油脂會咇出嚟，同西式腸仔真係好唔同。花枝丸同蝦卷就冇咩特別，炸得幾彈牙，落咗椒鹽粉鹹鹹地。芋泥肉鬆蛋餅，$36偏愛食小食嘅熊妹就當然睇中蛋餅或者吐司，見到芋泥都心心眼😍，配搭埋懶懶熊好想食嘅肉鬆就Perfect match啦。唔錯喎，芋泥做得好好，質感冇渣又好軟綿綿，肉鬆

經過連續多日在「將軍澳」「富康花園」商店街，光顧美式燒烤食品店遇上摸門釘之後，我決定在星期一晚上最後一次拜訪「富康花園」，如果美式燒烤店仍未開門營業的話，就決定放棄。在光顧「富康花園」美式燒烤店之前，我在黃昏時間光顧「旺角」的台灣菜餐廳「101臺灣台味館」，食少許滷肉飯、鹽酥雞和水蜜桃紅茶飲品的下午茶打底。「101臺灣品味館」舖位實際位置雖然是在旺角「西洋菜南街」，但是「西洋菜南街」其實也有偏近「銀城廣場」和「油麻地」區域，還有近着「旺角中心」和「太子」區域，「101臺灣品味館」則屬於後者。我上門光顧「101臺灣品味館」當日，餐廳裡面的食客實際數目不算很多，所以感覺餐廳樓面空間頗為闊落，我一個人就算坐一張餐檯，也沒有遇過「搭檯」的問題出現。雖然「101臺灣品味館」餐牌裡面也有提供「牛肉麵」食品，可惜「101臺灣品味館」「下午茶」餐牌裡面偏偏沒有提供「牛肉麵」，註定想食下午茶的我，與「101臺灣品味館」的「牛肉麵」緣慳一面。相反「101臺灣品味館」下午茶茶餐裡面的食品主要角色，是配上甜味滷水汁的「小碗滷肉飯」。我個人對豬肉興趣一般，所以即時滷水汁裡面的甜味濃厚，還是始終無法令我愛上「小碗

新開左間台灣野，當然要食返碗紅燒牛肉麵，一解台灣相思之苦，牛肉煮得入味，湯味濃郁，份量都唔少。再點左一杯珍珠奶茶，大大杯好抵飲。除左牛肉麵之外，要推介炸地瓜(蕃薯), 灑左類似既梅粉係面，一d都唔覺油膩。另外有個鹽酥雞，啖啖肉，雖然食左好多炸物，好彩唔覺有太多味精。