BUZZ STAND / SUGI BEE GARDEN

營業中

休息中

將軍澳這間【Sugi Bee Garden】(杉養蜂園) 經過幾次，今日終於品嚐一下。舖面設計開揚並以日式木系設計風格為主。不過小編的認知，蜜糖是紐西蘭出產的 Maruka 比較出名。原來日本都有出口 Maruka，「杉養蜂園」在日本都有70多年歷史，今次在將軍澳經營一間以日本天然蜂蜜作為原材料的茶飲店。但是入去店內，名字又變成【BUZZ STAND】，究竟係兩間公司合作還是一間公司？再看看這個介紹，小編估計這是「杉養蜂園」經營的茶飲店。Buzz = 蜜蜂嗡嗡聲STAND = 日本的立飲茶店店中央更設玻璃房製作區，可觀賞店員展示及切割蜂巢。不過展示時間不詳，看似製作區不太經常運作。【BUZZ STAND】除了有不同的蜂蜜飲品，還有「杉養蜂園」出產的蜜糖、漬物、營養飲品...等售賣。新店推出多款特色飲品系列，包括以麥盧卡蜂蜜作主打系列、清涼無酒精雞尾酒系列以及自選果汁蜜配梳打水系列。【BUZZ STAND】的茶全部都用上「杉養蜂園」蜜糖製作，棄用一般果味糖漿，天然健康。另外，部分飲品都寫上功效，例如香蕉麥盧卡有高營養及腸道健康功效、純蜜金桔紅茶有防感冒功效、青森蘋果藍莓蜜茶有明目護眼功效

喺屋企居家抗疫左幾日，今日周末終於頂唔順要放一日假，山長水遠去左將軍澳Popcorn，下午茶經過呢間杉養蜂園，見佢有雪糕又有窩夫，不如就試吓。呢度主打蜂蜜飲品，用來自日本嘅天然蜂蜜。麥盧卡蜂蜜香蕉沙冰 $52麥盧卡蜂蜜香蕉沙冰用天然嘅麥盧卡蜂蜜加新鮮香蕉製成，份量大大杯，香蕉味濃，沙冰打得好滑，上面加左質感有啲似caramel嘅痴牙蜂蜜，仲有兩片香蕉，都好飲嘅，當然呢個價錢唔平。抹茶窩夫 $15飲品加$15可配窩夫。窩夫有3款口味，包括原味，朱古力同抹茶。可加配可可醬或蜂巢蜜。我揀左抹茶味。窩夫即叫即整。窩夫呈蜂巢狀，上面加左少少蜂蜜，味道帶少少抹茶味。非常薄身又唔夠脆，只係微暖。唔推介。杉養蜂園蜂蜜雪糕 $28杉養蜂園蜂蜜雪糕係杯裝，可加配威化餅，蜂巢或果汁蜜，個人覺得加配好貴。牛奶軟雪糕係質感非常冰感而味道欠缺牛奶味，上面加左都係有啲似caramel嘅痴牙蜂蜜，味道唔會過甜。我就嫌雪糕唔夠軟滑，太冰感。拎完食物可以企喺度食，唔洗另外揾位。總括而言，食物質素普通，只係以加左日本天然蜂蜜作招來，咁樣好難再次幫襯。