影片
更多
2014-10-23
12103 瀏覽
為在要於OpenSnap與「亞洲萬里通」合辦之手機食先有里賞活動中賺取更多分數，活動期間XO仔專登約埋表妹同哥哥過海，去一間亞洲萬里通夥伴餐廳Al Molo Ristorante Italiano度食意大利菜。細佬出名精打細算，訂座當然係不忘透過Tablemap預約，增加累積分數以換取禮卷啦 ！Al Molo位於碼頭附近，對於居港島區而且容易暈船o既小肥就不太方便。小肥當晚選擇咗搭地鐡，始終少過海，人生路不熟，要靠問路先搵到間餐廳，其間更被商場職員老點 ，行咗不少冤枉路，最後食飽飯決定跟隨表妹同哥哥坐船返屋企。位於海旁o既Al Molo當然係唔會嘥咗個靚景啦，近海位置更設有室外座位，極受吸煙人士歡迎，有景睇，又可享受海風，頗為寫意。餐廳室內燈光較暗，餐桌上只有蠟燭照明，情侶拍拖最為合適。我地三人被安排入座梳化式卡位，有皮櫈坐，樓面夠高，雜聲唔多，感覺闊落舒適。入座後分別有三位黑面神姐姐為我地斟水、加酒、落單及傳菜。三位笑容欠奉，毫無對答交流，就連容忍度極高o既哥哥都覺得佢地服務態度欠佳，餐廳食物再美味都絕對唔會再黎貼錢買難受 ！我地三老表食飯，冇長輩在場，氣氛較平時輕鬆，喺諗食乜
Al Molo位於碼頭附近，對於居港島區而且容易暈船o既小肥就不太方便。小肥當晚選擇咗搭地鐡，始終少過海，人生路不熟，要靠問路先搵到間餐廳，其間更被商場職員老點 ，行咗不少冤枉路，最後食飽飯決定跟隨表妹同哥哥坐船返屋企。
位於海旁o既Al Molo當然係唔會嘥咗個靚景啦，近海位置更設有室外座位，極受吸煙人士歡迎，有景睇，又可享受海風，頗為寫意。餐廳室內燈光較暗，餐桌上只有蠟燭照明，情侶拍拖最為合適。我地三人被安排入座梳化式卡位，有皮櫈坐，樓面夠高，雜聲唔多，感覺闊落舒適。
入座後分別有三位黑面神姐姐為我地斟水、加酒、落單及傳菜。三位笑容欠奉，毫無對答交流，就連容忍度極高o既哥哥都覺得佢地服務態度欠佳，餐廳食物再美味都絕對唔會再黎貼錢買難受 ！我地三老表食飯，冇長輩在場，氣氛較平時輕鬆，喺諗食乜野之前當然係要叫返枝酒飲啦！落單後，催促咗兩次，黑面神姐姐十五分鐘後先為我地送上冰凍o既酒杯及香檳，莫非佢地係即叫即雪，所以要咁耐？！
當晚全店滿座，但眼見落單後過咗十五分鐘都未有麵包或小食送酒，哥哥都忍唔住向黑面神姐姐提問及餐廳是否不提供麵包 。姐姐冇正面回答，不過隔一陣就攞咗客麵包比我地。麵包屬和暖，外層乾得黎包身又好似好油咁，唔係好啱小肥口味囉。
見到黑面神三女，大家都已經成肚氣，胃口頓減，所以就揀選咗一客頭盤，一客意粉，一個pizza，及一個主菜黎分，唔夠飽先叫甜品。
頭盤之Tartare di Filetto - Marinated Raw Beef, Shallots, Cornichons, Trio of Condiments（$158）：生牛肉香而不膩，麵包鬆脆如曲奇，以混醬形式塗上伴碟o既三款醬汁，整體非常香滑，唯一係牛肉醃得唔夠濃，如果可以咸返少少就更美滿。
意粉之Tagliatelle - Ribbon Pasta, Bolognese Sauce, Parmigiano（$178）：絲帶形意粉帶腍，應乃煮得過熟所致，不過要讚o既係個肉醬汁調校得非常美味，唔會過甜或過酸，肉碎及芝士份量恰到好處，食後一啲都唔覺溜。如果意粉質感可煮達煙煙韌韌，依味絕可能成為推介菜式 ！
Pizza 之Cotto & Funghi Pizza – Pomodoro, Mozzarella, Cooked Ham, Mushroom（$178）：薄薄o既pizza好夠香脆，而且唔會食到成口油，芝士份量剛剛好，唔滯口，如果火腿及蘑菇可以多返少少就更加好。
主菜之Osso Buco - Braised Veal Shank, Bone Marrow, Saffron Risotto, Sauteed Spinach （$298）：Osso Buco肉質唔夠腍，且嚡口，味道過酸，又唔夠香，伴碟o既Risotto同樣帶酸，菠菜腍pat pat，係成餐飯最唔掂o既一味 ！
甜品之Bianco Mangiare - Almond Milk, Kiwi & Pineapple Brunoise, Pinacolada Sorbet & Almond Gelato, Caramel Topping（$88）：我地三口同聲地形容甜品o既味道似雞尾酒「Piña colada」，清香少甜消滯，不錯之選。
甜品之Affogato - Vanilla Gelato, Freshly Brewed Espresso, Averna Amaro（$88）：雪糕有冰杯承載，能保持冰凍，食客可自行加上適量o既espresso調味。個人覺得雲尼拿雪糕味道過甜，唔夠香滑，加哂成杯espresso都沖淡唔到，飲落反覺嚡口 。
一間成功o既餐廳除咗要食物美味，最重要就係要令到客人開心用膳，就算地點幾隔涉，如果能夠做到以上兩點，都會好容易就客似雲來。Al Molo食物水準頗高，環境不俗，無奈服務生全為黑面神 ，食客未嚐美食已大減雅興及食慾，價格偏高卻未能享受應有之服務，大感不受歡迎之際，食材再高質都冇可能令人覺得抵食，就連家中脾氣最好o既哥哥都話不能接受，可想而知我地三人有多不快！
正當大家懷著不滿o既心情離開餐廳，表妹指出商場旁邊有多個Snoopy展品，提議行近拍照，睇真啲先知原來係為現正進行o既展覽宣傳。多得可愛o既Snoopy為我地帶來「歡、笑、福、氣」 ，心情先得以平服，輕鬆回家。
張貼
