CAFÉ LANDMARK

營業中

休息中

响中環返工，相信大家都會有機會經過Lankmark，都會知道呢間 Cafe Landmark，經常有高官、明星、公司高層黎呢度食lunch 和 high tea。今晚有幸同個朋友黎食個晚餐。呢度出名係個龍蝦意大利麵，龍蝦湯，所以我都係點左呢2樣。呢度每張枱都有提供免費麵包，仲可以refill，當然飲湯時沾些湯食，更加好味。個龍蝦湯很香濃，每啖也有鮮甜龍蝦味，而d蝦肉彈牙爽口，証明係新鮮龍蝦，絕不欺場。呢度食龍蝦意大利麵，有個好得意現象，就係你可以叫waiter一份分2碟，因為一份都幾大碟，分成2碟後都食得好飽。由於分成了2碟，所以仲有少少胃口，可以試下d甜品，我就點左個士多啤梨 Tart，大大舊的士多啤梨，我懷疑係用上日本士多啤梨。總結，價錢當然不便宜，但用材新鮮，環境超寧靜，响鬧市中，呢個價錢其實唔算貴，我覺得算適中。而且AE信用卡有半價，折後可以話係超值！

朋友一直都盛讚這裡的龍蝦天使麵，難得夾到時間，就一起去吃。麵包：免費送的，有兩款，味道一般。龍蝦湯：湯味又鮮又濃，湯內有半隻龍蝦尾。龍蝦尾用油泡過，肉汁鎖在肉內。有得飲又有得食，一流！龍蝦天使麵：朋友要求將意粉改成天使麵，為的是增加麵的表面面積，食的時候可以吸收多一點汁，那就更加美味。汁有忌廉味，亦有很重的龍蝦味，加上蝦膏，為天使麵增添不少色彩。麵內有半隻龍蝦，全部已經起了肉，食的時候相當方便。有機會真想再去吃呢！