8鍋臭臭鍋 (謝斐道) (已結業)

喺冬天的季節當然要食反啲應節食品----打邊爐～暖一暖下依次係我第二次尼食，之前試左招牌臭臭鍋，而今次我就揀左食芝士牛奶鍋！wow 店員遞上牛奶鍋時，心裏已暗爽中🤭白雪雪好有冬日feel~ 而且用料唔差，我個人十分喜愛鍋中的白豚肉👍👍冇諗過咁好食😋就算放在鍋中一段時間，肉質都夠嫩！份量亦唔少。仲有豆皮蝦卷、貢丸、沙白（蜆）、麻吉燒、蛋餃、一小塊的公仔麵、小量蔬菜等等～我覺得最特別係麻吉燒，第一次食，內有麻糬，外有魚漿內圍住，煙韌得尼又爽脆🤣所以材料連芝士湯底配搭一起進食，真係令人好滿足🥰極力推介大家食午餐，真係抵食，$90（已連加一服務費）就可以打到邊爐啦！！仲包一杯紅茶/綠茶😋

呢晚去嘅8鍋臭臭鍋位於銅鑼灣謝斐道，主打台式一人一鍋，有成九種唔同嘅湯底，實有一款啱你。鍋物$112一鍋，味道唔錯，材料好豐富，一定食得飽。跟餐配飯／粉絲，亦可以加$12改配滷肉飯，大碗、好食！另外呢到亦有一般嘅台灣飲品，大概$30一杯🥤火鍋少不了就係豉油，呢到建議客人可以用三匙豆瓣醬/沙茶醬、兩匙豉油、一匙蒜蓉，用呢個完美比例調配出醬汁。跟住佢咁溝，的確又幾惹味！唯一一個比較煩嘅位就係佢哋嘅蠟膏比較快燒晒，成日都要侍應過嚟補，好彩嘅係侍應反應都好快😋芝士牛奶鍋（$112）娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃個人覺得自己食嘅呢個芝士牛奶鍋味道好香濃，配料亦都係我鍾意嘅！尤其是麻吉燒！沙茶牛肉鍋（$112）娃娃菜、牛肉片、米血糕、牛丸、心型魚豆腐、沙白、粟米、金針菇、炸枝竹、粉絲、鳴門卷、花枝丸、番茄、甜不辣、青豆角香蒜牛肉鍋（$112）娃娃菜、牛肉片、蟹籽丸、米血糕、甜不辣、牛丸、凍豆腐、粟米、金針菇、炸枝竹、粉絲、沙白、鳴門卷、翡翠魚豆腐、番茄粉絲／滷肉飯（跟餐）（滷肉飯 +$12）古法秘製臭豆腐（

星期六去銅鑼灣食lunch，我提議去食臭臭鍋 上個月食過一次，可能因為係後巷既緣故，人唔算多，lunch hour 都唔使等位 ，岩哂冇耐性怕人多要等位既我硏究左餐牌一陣，諗緊要唔要叫番上次既芝士牛奶鍋，但今次又想試下新野，所以決定今次叫蕃茄鍋同朋友一樣叫左茉香奶綠，要贊一贊杯野飲，好香茉香味唔係普通餐廳既hea hea飲品上次一個芝士牛奶鍋兩個女仔都食唔哂，廢事浪廢，所以今次都係兩個人share一個鍋，仲要冇食早餐，叫多份心型魚腐同麻吉燒，心型魚腐好正麻吉燒都唔錯  蕃茄味好濃，唔錯朋友差唔多飲哂個湯咁濟，蕃茄酸酸甜甜幾開胃，唔會太膩 真係值得一試自己較sauce下次再黎都可能叫番呢個蕃茄鍋，總之呢度係食lunch 既好地方，可以share lunch set ，地方又坐得舒服唔使人逼人 

食厭左連鎖個啲火鍋店，所以就決定搞搞新意思試新野👻-中午黎到既時候，人流唔算多，唔使點等就有位，環境都幾舒服😆-有啲驚喜既係有好多款唔同鍋選擇，直情可以黎幾次試唔同既口味🤪 同行既朋友都掙扎左一輪先揀到，而我就揀左個清清地既芝士牛奶鍋🤤-個鍋望起上黎已經夠豐富，食落真係好足料又好新鮮，真係有足哂menu上面既材料🍲 個鍋滾起左之後溶左芝士，香噴噴仲起泡，未食都流哂口水🤤🧀 不過個火唔知係唔係唔夠強勁，啲芝士攪左一輪先溶到🤣-個鍋本身已經夠豐富，但係跟個鍋都會附送飯或者粉絲，我自己覺得粉絲份量啱啱好，而朋友升級叫咗滷肉飯，個size都幾大，又好多肉係上面，啱哂一啲大食啲既朋友😆-我哋落單嘅時候冇諗過個鍋咁大，已經急不及待嗌定多啲野食，結果真係飽到差啲食唔落🤣 推介好嫩滑既安格斯牛肉🥩-另外仲有叫到凍豆腐同麻吉燒🤪 幾特別係佢地原來都係熱食🤣 麻吉燒大大舊好煙韌，而豆腐係有啲口感，唔係稔既質感😋-仲有兩款小食都值得大家試下🤓 鹽酥雞同台灣腸雖然望落去好多油，但食落唔算鹹，反而幾開胃，大大份啱4個人share✨-飲品方面，叫左杯芒果冰沙涼一涼🍧 抵讚既係唔會甜到打冷震，而且大大杯，唔怕食食下

今日同朋友嚟到銅鑼灣食午餐，我哋都好肚餓，經過見到呢間臭臭鍋，有位朋友想食好耐，所以都決定午餐唔介意黎個火鍋。😆餐廳座位寬敞，燈光通明，坐得好舒服，帶點文清嘅感覺，台灣feel😂 有9款特色臭臭鍋可以選擇，而且入邊材料好多組合，可以根據個人口味，每人自己食一個。朋友叫咗芝士牛奶鍋，入邊有娃娃菜，白豚肉，日本南瓜，心形魚豆腐，沙白，蟹柳，金針菇，炸枝竹，烏冬，蛋餃等等🤤 個湯底同啲材料好夾，我哋先將生雞蛋同埋芝士一片慢慢滾熟，令到成個湯底好鮮味，特別係菜同埋豬肉都吸收晒湯底嘅牛奶，食落有淡淡的牛奶味。😭💕👍🏻入邊已經有烏冬，再另外送埋粉絲，成個鍋都好飽好抵食。藥膳羊肉鍋 呢個係我叫嘅，想補一補，可以一上枱，成浸藥材味就撲鼻而來，夾埋羊肉，成個鍋好補身。🤤 另外加咗$12要咗個肉操飯，呢個肉操飯超好食，肉味濃郁，肥瘦均勻，好食過我之前喺台灣食嘅。另外，我哋都叫咗安格斯牛肉，有肉味濃郁，肥瘦均勻，而且肉質厚實，高質😆呢個麻吉燒， 上枱熱辣辣，外皮炸得好香脆，內裏煙韌軟腍🤤再叫埋個台灣腸小食，感覺有D似臘腸，而且蜜糖撈得均勻，烤肉得好香。飲品方面，叫了芒果沙冰，芒果味剛剛好，唔會太甜又或者冇味