上海榮華川菜館

因為屋企人喺呢度附近住，就約喺呢間鋪頭度食午飯。因為想試多少少野，就叫咗個二人套餐，加多$25有其他嘅湯轉成雲吞雞湯。屋企人叫嘅麻婆豆腐好快入到，因為佢係上海同埋川菜館，雖然叫咗小辣但係麻婆豆腐都係好辣，裏面都是到少少花椒味。食落都OK但係我醬汁對我來講有啲辣同埋啲汁有啲太重口味。醉雞都好快到，好鍾意佢個汁，覺得糖同埋啲花雕酒好平衡，唔會好似一啲酒樓整嘅醉雞咁甜。啲雞都好入味同埋好香，雞肉煮得啱啱好唔會太老。最鍾意佢菜式應該係個雲吞雞湯。雲吞應該係用白菜而唔係用韭菜整嘅，所以裏便啲肉汁嘅味道唔會好似食其他雲吞咁樣比韭菜嘅味道掩蓋左。雞湯用雞肉熬製嘅所以雞湯有非常濃郁嘅雞味，遠遠都聞到雞湯嘅味道，再加一d娃娃菜變得好甘甜。食完啲嘢之後八寶茶就到啦，裏面有八種唔同嘅中藥，好甘甜同埋清熱下火所以都唔錯。總括而言係一間唔錯嘅老店，特別推介佢嘅雲吞雞湯因為足料又好飲又好食。…查看更多

朋友介紹觀塘崇仁街上有一間傳統的上海菜館「上海榮華川菜館」，這晚特意來一試。小店充滿懷舊風格，晚市提供二人套餐，價格相宜。二人套餐有以下兩種選擇：1. 湯一款配小菜兩款 $2062. 小點一款配小菜一款$183📍糖醋排骨甜酸配搭得宜，酸酸甜甜的排骨，開胃。📍麻婆豆腐色香味濃，是下飯菜。📍雲吞雞（晚市套餐需加$25）小砂鍋內有兩件雞腿肉和四顆雲吞，並配有津白，份量不少。📍八寶茶(晚市套餐餐飲)甜甜的八寶茶相當解膩，清心潤喉。…查看更多

呢間上海川菜館係我細細個嘅時候已經係觀塘立足, 就算過左咁多年, 都仲係度, 證明佢地係幾好食。今日又同一家大細過黎撐枱腳啦入到裡面, 舊式熱水煲, 舊式枱凳, 令人覺得返左去以前年代。最搞笑係牆訂呢張雲吞雞嘅圖😳😂😂😂天啊！笑死啦！圖片只供參考啊😆因為人多嘅關係, 我地叫左個4人餐之餘再叫多幾樣餸套餐先黎個粟米羹, 味道好好, 份量又足夠不過佢裡面竟然有青豆, 紅蘿蔔, 配搭有少少奇怪。咕嚕魚塊好夠火喉😆甜酸味非常開胃, 洋蔥等配菜都好香口。小籠包同紅油炒手係我地另外嗌, 雖然叫紅油炒手, 不過唔會辣, 就算唔食辣都食得😋小籠包蒸到出黎熱辣辣😍而且皮薄汁多!麻婆豆腐就送飯一流, 而且仲有少少麻嘅 feeling而我地最估唔到係個宮保雞丁, 辣等非常惹味而且炒得好香口, 雞肉配合其他配菜唔會太濃, 又係送飯之選。咸肉津白就相對地普通, 而且太過水汪汪, 如果個汁打返杰 D 就會好好多。我地另外將個飯改左做擔擔麵, 實在太好食除左好足份量之外, 上面嘅花生醬同花生粒都唔少, 麵又夠彈牙。最後叫左個甜品豆沙鍋餅, 皮好脆口, 而且豆沙蓉又係好多, 非常足料跟餐連左4杯八寶茶, 用好傳統嘅茶杯飲, 而裡而又係好足料, 有菊花, 紅棗, 柚皮, 杞子等等 (識唔晒8樣😂😂😂😂) 男女老少都岩飲啊, 去到底部有微微冰糖味, 實在太滿足啦！而且仲可以無限沖水 tim😆總結: 4個大人1個小朋友我地 total 食左 HKD600 左右。係香港已經好難搵到一間咁傳統又有人情味嘅上海餐廳, 大家一定要去幫襯老店啊！…查看更多