哈豆

營業中

休息中

我間中就會去觀塘成業街攞集運，有時放工嚟攞完集運之後好想搵啲嘢食，但呢條街好多餐廳都唔做晚市，今日終於俾我意外地發現呢一間哈豆係營業至晚上9:00 ，於是今日嚟攞完貨之後，就上去食埋晚飯先返屋企。地方不大，但環境亦舒適，讓我可以靜靜地食番餐一個人的晚餐。以小店來講選擇都算幾多，台式小食令我可以懷念一下以往的台灣之旅。麻辣丸子三兄弟分別係花枝丸同埋貢丸，食得出兩款丸子都係來自台灣嘅貨色，麻辣醬唔算太辣所以覺得好好味。主食就揀咗排骨肉燥乾拌麵，拌麵亦有加入蘿蔔粒、半隻滷水蛋、蔬菜等等，撈勻食味道唔錯。酥炸排骨炸得非常香脆，而且超大塊，大件到其實我都食唔晒，真係好抵食。補少少錢就有呢杯百香果綠茶QQ，揀咗少甜少冰果然唔係太甜，入面有好多珍珠同椰果，Q彈有口感，值得推介！

呢間工廈台式餐廳o既裝修相對簡單，感覺都幾homey。Menu 提到原來餐廳係由台灣人開的！咁我expectation 會更大。佢d 飯麵o既餸有好多組合選擇，可以左拼右拼，我試o左一個鹹酥雞拼香腸麻辣乾拌麵(跟餐$62)。不過因為我唔係幾食得辣，驚佢成個麵辣得濟，所以我走o左辣先~餸同麵係分開上的。特別想講o個隻香腸真係超好食，5 粒星，層皮係搽o左蜜糖去燒o個隻甜脆，然後裡面實淨有咬口，又油潤感十足，成條腸味道都十分甜。佢另外瀋上o左少許香蒜碎，再填上一點嗆口感，巧巧吃~個乾拌麵o既醬汁除o左用上蔥油同台式肉燥，仲加o左榨菜，令佢食起上o黎多o左份鹹香。附上半隻蛋，但同一般o既滷水蛋不同，唔講仲以為係茶葉蛋o黎……可能多o左花椒八角之類o既氣息，層次好豐富！另外少少地仲點多一串丸o黎食。個麻辣丸子三兄弟($18) 本來我都想走埋辣，不過侍應哥哥話可以分開，都想我試下，咁我話好啦。有兩粒花枝一粒貢丸，兩款都係真材實料，同埋淋上一隻甜甜地o既醬汁，就咁食已經幾惹味；再點埋少少麻辣醬，辣辣地更過癮。頭先個乾拌麵已包飲品，basic o既免費，靚d o既就補錢。試o左推介之一o既黑糖鮮奶茶

好友放半天假約我一齊午餐，觀塘成業街19號成業工業大廈2樓29室，餐廳裝修簡單，價錢合理，更不收加一服務費，真超值抵食。我們點左台灣牛肉湯麵🍜配紅茶豆漿$60，牛𦟌腍滑很入味，麵質很滑，湯底香濃，真美味秘製牛肉沙茶乾拌麵配綠茶凍豆漿$60，沙茶醬很香，牛肉味非常濃郁，非常好食😋麻辣丸子三兄弟$18，有牛肉丸、豬肉丸、墨魚丸🦑加辣汁更惹味。台灣滷水拼盤$42，有雞翼、豆腐、牛𦟌、 滷水蛋、豬腳，全部都很入味又夠腍，真美味又好食。

◾️今次要介紹嘅係位於觀塘嘅哈豆，主打台式小食。哈豆位於工業大廈內，喺觀塘有兩間分店，而兩間分店嘅餐牌係唔同，敬請留意。Doctor Beans is located in Kwun Tong's industrial building, specializes in Taiwanese snacks. Please be aware that there are two branches of Doctor Beans in Kwun Tong with different menus. ◽️香酥腐皮蝦仁卷 (Crispy Shrimp Roll) $32外皮酥脆，蝦仁彈牙。整體味道帶鹹，蝦仁嘅味道突出。依碟係最推薦嘅小食。The skin is crispy, while the inner part is bouncy. The overall taste is slightly salty, with an outstanding flavour of shrimp. This is our most recommended snacks.◾️山賊燒雞翅 (Grilled Chick