麻辣串串香 (已結業)

粉嶺夜麻麻真係得幾間鋪頭開，所以就試下呢間串燒當宵夜啦 直接嚟個麻辣燙先啦，叫咗牛腩、豬腩肉、菲菜。 牛腩夠淋，豬腩肉都夠肥 不過不失 麻辣都香嘅 36蚊算係咁啦然後再叫咗燒菠蘿、 燒原條茄子再加雞中翼。 食串燒一定要食茄子架啦， 茄子啲蒜味勁香，成粒蒜放落去燒。蒜友一定要試架啦。 燒菠蘿本身見到35蚊睇到眼都突，但係原來分量都唔少。 燒完又冇渣，多汁又甜。 35蚊算係交到功課啦。雞中翼正正常常啦 都重椒鹽粉味嘅 鐘意食都可以叫 夜麻麻諗唔到食咩 可以一戰

之前食過祥華街市入面嘅麻辣串串香,佢嘅麻辣燙做得唔錯~因為知道聯和墟呢間有埋燒物,所以一直都好想試~叫返次次都點嘅麻辣燙,但呢間店唔太好食...個湯底比較淡,而且紅薯粉有點太腍...香蒜焗金菇就係正常嘢~金菇唔會焗到太乾,都仍然幾飽滿有水份~蒜蓉落得足,所以好香口~然後就到一堆燒物~其實燒得唔太香,而且無乜調味~個人覺得個雞翼串係唔錯,燒粟米同一口甜薯都正正常常~不過個翠玉瓜唔太夠熟,而個墨魚丸亦很一般...試過今次應該都唔會再嚟~下次都係食返祥華哥間嘅麻辣燙算了~

呢間麻辣串串香係聯和墟都開左好耐了，成日搭車經過都想試下，終於試了。先講環境，抱歉冇影相，店內好細間，只坐到十幾人，但店外都可以開兩三張摺枱，秋天冬天唔熱坐出面都ok. 食物方面，叫左d 串燒、一碗麻辣燙、麻辣豬耳冷盤。可能店太小，有好幾樣想食既食物都冇貨，本來叫左麻辣豬手冷盤，冇貨先叫豬耳而麻辣燙就每個餸$5起，最低要叫夠$30，有d 餸都多既，例如豆卜、豬血、蘿蔔呢d. 雲吞就相對少d, $9 得兩粒。串燒方面，個蒜蓉燒茄子就麻麻地，其他串燒就好食d，但每串份量比較少，過下口癮是不錯的，但要食飽就要預食百幾蚊了

朋友好鐘意食酸酸辣辣既野,佢話聯和墟有間食麻辣燙&串燒既小店好想去試,今日就陪佢去試燒大扇貝,真係超級大隻,有手掌咁大,好厚肉,又爽口鮮甜,上面鋪滿蒜蓉,更加鮮味,我超級鐘意食.秋刀露筍卷,好創新,燒秋刀魚好有油香,加上爽脆既燒露筍,口感好豐富,好好食.燒通菜,燒完依然好翠綠,口感都爽,唔會韌,上面有孜然粉,好野味,看似好普通,原來咁香.燒原條茄子,係好巨型茄子,成條茄子都鋪滿蒜容,茄子又好多汁,吸收晒蒜容味,好香茄子肉可一絲絲咁食,真係好野味.酸辣粉配紅薯粉,有好多辣度任君選擇,我叫左少辣,酸辣度好岩我酸酸辣辣咁,紅薯粉完全吸收晒酸辣汁,又彈牙,好好味.麻辣燙~有魚蛋,豬皮,魚皮餃,牛腩,蘿蔔,豬紅,墨魚丸,咁豐富都係$38,超級抵,汁做到麻辣既感覺,成個口都好麻脾,食得好過癮.魚蛋彈牙, 豬紅好滑, 豬皮同蘿蔔超級入味,魚皮餃,牛腩都好好味,另外再加左金菇,水魷魚,牛柏葉,真係大滿足,好岩一邊飲啤酒,一邊嘆.