北料南麵 (已結業)

深水埗確係多美食，今日試一間食重慶小麵既小店！餐廳內外裝修企理乾淨，光線充足，座位都唔算太密集，唔怕食辣野岀汗覺得辛苦唔舒服。餐牌小碗$27都有交易，價錢夠親民，主打麻辣湯，但都可叫無辣，仲有多款小食，特價小食仲$10就食到。麻辣狂牛麵 $59只有大碗Size，包括秘製牛腩、秘製牛展、肥牛片、牛柏葉、時菜，揀左小辣。一望落去真係好大碗！料十分多，除左牛展，每款都起碼有5件，以麻辣湯底黎講唔算好紅，偏深色，湯底好惹味，小小辣，辣唔係辛苦辣，而係香口同食落帶甜甜地，食完唔會覺得唔舒服，牛腩肥牛正常、牛展入味有咬口、牛柏葉比較韌，麵掛到少少湯，如果食得辣之人不妨再嗌高少少辣度。麻辣牛展麵 $49呢碗就嗌左微辣，同樣只供應大碗size，淨牛展有5-6塊，份量足夠，朋友唔係好食辣都指微辣好岩佢食，好惹味。麻辣手撕雞 $26(細份)揀左微辣，有用辣椒粉、花椒油，再灑白芝麻係面，辣椒粉好香，入味，食完一口接一口。麻辣海哲 $18(細份)同樣揀微辣，對我黎講就辣度欠奉，正正常常。自家製豆漿/凍奶茶  各$6(跟餐)$6跟餐價抵飲，豆漿唔太甜，佐食辣野一流！每人$80左右，抵食～～Remark！尤其是我

今晚行開深水埗，又突然想食辣野，男朋友search到間都算多好評的北料南麵，於是去try下啦。如果喜歡食辣，北料南麵可以滿足到你。麻辣牛展麵（中辣）這裡辣度選擇有微辣、小辣、中辣、大辣、超辣，因為第一次來食，所以保守d揀左中辣試試先（利申我同男朋友都算食得辣，平時譚仔食大辣）。這裡的中辣，比想中辣！雖然好辣好麻，食到個嘴巴都麻麻地，但個湯底唔會太油膩。牛展同平時食開個樣唔同，平時係一片片的，這裡是一粒粒的，放入口又有另一番感覺，夠入味又有𡁻口，一點都不韌。麵條好滑身，同個湯底好配合。口水雞（中辣）雞件份量都多，比牛展麵再辣d，肉質嫩滑，可惜雞身有點肥，肥膏部分比較多，這就有點扣分。麻辣海蜇（中辣）海蜇本身就冇乜味，依家吸收左麻辣汁，幾好味，而且口感好爽滑。食店有挑戰活動，20分鐘內食哂指定碗麵同湯，就唔洗俾錢，下次有機會挑戰下先。