四季良晨 (新都城中心) (已結業)

今日同屋企人去新都城行街，見到四季良辰有好多人等位，於是我地都一嘗佢既下午茶。下午茶好抵食！價錢$19起。我地點左好多樣黎食😬1.芝士醬酥排骨吐司，吐司烘到表面脆脆地，酥排骨脆香，加上芝士醬，好味！😋2.芝士肉鬆蛋餅配地瓜薯條，蛋餅入面非常之足料，餅皮煙韌。平時好少食到地瓜薯條，每條都好粗，有地瓜甜甜地既味！👍🏻3.煎餃子配桂花雞翼，餃子煎得剛剛好！雞翼炸得好香脆，有一小碟香甜既桂花醬去比雞翼點黎食，好夾！👍🏻4.紅燒鹽酥雞扒麵，鹽酥雞扒皮脆肉嫩👍🏻可惜可能因為我擺得太耐，麵有點冧。5.麻辣紅油水餃，正常表現。6.紫薯薏米黑糖冰仙草，好足料，有好多綠豆、薏米、紫薯，軟硬度適中；仙草同黑糖冰，甜度剛好！😋7.熱紅豆豆乳，唔會好甜，又有我既至愛-紅豆！😋8.芝士奶蓋桂花烏龍茶，芝士奶蓋好香濃，加埋茶一齊飲，唔會覺得飽濟👍🏻總括黎講，樣樣都好好味！性價比極高！推薦👍🏻

見呢間餐廳有下午茶，幾抵食，所以就禁飛等位食。原來餐廳會先安排客人入座，之後客人要去收銀櫃檯落order俾錢，再等職員上菜。紅燒腱心牛肉麵 $51紅燒牛肉湯底濃郁，另外會帶少少辣味，又鹹又香，麵條掛到湯汁，所以淨係食湯麵都幾好。紅燒牛肉麵除咗有牛肉之外，另外有兩舊蘿蔔，紅蘿蔔同白蘿蔔都炆都好冧，入夠味。至於腱心牛肉就有三片(下午茶餐)，肉質又爽又冧，紋理都幾靚。紅燒鹽酥雞扒麵 $39呢個麵有幾個湯底可以揀，都係揀咗紅燒牛肉湯，因為佢辣辣地好開胃🤤呢個餐最正係有鹽酥雞食🐔鹽酥雞好夠味，又唔會太硬。而且佢又唔會有好多粉，啖啖肉😋鹽酥雞又有另一種食法，會將佢擺入啲湯到浸一浸佢，會有另一番滋味。雖然啲皮會有少少淋，但係都仲有啲脆，同埋有少少辣，好好味😋紅燒牛肉水餃 $28/4顧名思義，呢個水餃嘅湯底同紅燒牛肉麵嘅湯底一樣，都係帶啲辣辣地。水餃係豬肉餡，餡料飽滿，撈埋湯底一齊食，味道更佳。不過要趁熱食，要唔係水餃皮會浸冧晒。麻辣紅油水餃 $28/4因為我自己好鍾意食餃子，所以再叫多客水餃。餐廳用咗台式嗰種麻辣油，鹹鹹香香，又有花椒香味，辣油都幾辣。水餃都係豬肉餡。拉絲芝士蛋餅(肉鬆配地瓜薯條)

《 台灣野永遠都食唔厭 》自從帶左朋友入台灣菜嘅坑之後，每次見面都係食台灣野。但又真係無論食幾多次都唔會厭。🐮 三盛紅燒牛肉麵 $69三盛分別有牛腩，牛展同牛丸。紅燒湯 湯頭清甜但後勁帶辣。牛肉嘅份量比得較為大方，牛腩同牛展都煮得入味，入口軟爛牛味濃郁～ 麵底係台灣麵。🐥 鹽酥雞排滷肉飯 $59鹽酥雞排香味撲鼻。雞扒外皮好脆，不過有小小硬。滷肉飯新鮮出爐熱辣辣，另有加香菇係滷肉之中，入口淡淡菇味有助降低滷肉嘅油膩感。而最特別係肉燥入面有加蔥油，哩個係香港食咁耐第一次見，肉燥嘅香味亦都大大提升。🥟 麻辣紅油水餃 $28就咁睇以為平平無奇，但麻辣紅油絕對能令你驚豔。入口已經覺得辣味突出，麻辣後勁亦都不容忽視，自問都喜愛食麻辣。喜歡挑戰食麻辣嘅朋友唔好錯過。🌼 桂花雞翼 $26哩個組合非常新奇，係鹽酥雞翼，另外配上桂花糖漿俾你點雞翼。雞翼鮮嫩有肉汁，加上糖漿之後，味道鹹鹹甜甜，都幾有趣。🧋 鐵觀音珍珠鮮奶茶 $23鐵觀音配上濃濃的奶蓋，入口淡淡茶香，珍珠甜度合宜又大粒。🧋 黑白配珍珠豆乳 $19豆乳係固定甜度，加上珍珠亦都唔會過甜，豆乳味道同珍珠配合。而且珍珠份量都幾多，飲完豆乳仲有珍珠淨

好耐無旅行，突然好想食台灣菜，經過見到呢間台式餐廳，裝修以木屋風為主，最岩走文青嘅我嚟打卡😆🌠腱心牛肉麵(清雞湯)食台灣菜點小得牛肉麵牛腱心本身肉質結實，脂肪較小，而且較濃郁鮮美，配清湯最為適合😜可以品嚐Q嫩嘅牛腱心嘅鮮味😆🌠酸菜魚米線酸菜魚熱潮竟然連台式餐廳會有酸菜魚食，當然要試下啦~呢度既酸菜魚一定無川菜餐廳既甘濃味，魚夠滑又大片，最重要嘅係無骨，食個陣唔洗就住就住😆酸菜好爽口，味道都夠酸，反而辣就麻麻地，唔食辣或未試過酸菜魚既朋友仔可以一試！🌠椒鹽花枝丸花枝丸好大粒，而且炸得好脆，但略嚴唔夠椒鹽，多D椒鹽就更惹味啦!🌠桂花雞翼睇個名就好靚，原來係炸雞翼！雞翼炸得非常脆，配上桂花蜜，帶點甜香，中和咗炸雞翼嘅油膩😜🌠麻辣紅油水餃無辣不歡嘅我當然一女試下，每隻水餃都吸滿麻辣醬，夠麻夠辣，皮薄餡靚~配牛肉麵的確唔錯！🌠香芋奶茶揭開杯蓋，係好靚既紫色~聞落已經好濃香芋味，飲個陣就好似食緊香芋雪糕，較偏甜，怕甜嘅朋友記得叫少甜😆🌠 茉莉珍珠奶綠茉莉味非常濃，奶綠清新與濃醇好滋味😜珍珠量多，Q軟彈牙！