東園酒家宴會廳 (已結業)

東園酒家宴會廳係灣仔區內經濟嘅酒家，飲茶幾抵。偶然見到附近有個廣告牌推廣黃油蟹，價錢幾抵，今日一於同朋友嚟試吓。點左茶後侍應就擺低左碟前菜小食。前菜小食$15涼拌貢菜 - 望落去似青椒，食落去味道似曾相識，一問之下原來係貢菜嚟。第一次喺香港食到貢菜，好驚喜。出差時曾經喺大陸食過幾次貢菜，大陸同事異口同聲話貢菜營養價值高，又可以抗癌，要多食。因為貢菜係外省食物，一般喺街市都好難見到，自己喺屋企附近個街市亦從未見過，慢慢都已經唔記得左貢菜嘅味道。呢個涼拌貢菜，顏色青翠，入口非常爽脆，鹹甜適宜，雖然加入左辣椒絲，但一啲都唔辣。凉拌菜式，好啱用嚟做餐前小食!士多啤梨骨＄88 - 酸酸甜甜，幾醒胃，入口仲帶少少士多啤梨果香。雖然叫「骨」，但係骨嘅比例好少，入口啖啖肉，肥瘦適中。黃油蟹＄288一隻，唔算好大隻。眼突突，好新鮮咁。仲有至尊黃油蟹，$388一隻，先食$288呢款先。黃油同紅色蟹膏各半，非全部黃油，但蟹膏軟滑、甘香味濃，蟹肉鮮味。除左食蟹用具，仲提供膠手套，用手食最方便。竹笙羅漢鼎湖上素＄98，面層有好多竹笙，底層係菜芯。裏面全部都係菇菌，口味清淡，呢個菜式特別健康，但味道一般。杏汁花膠

這間位於灣仔熙華大廈的＂東園酒家＂位置就腳方便，而且光猛寬敞，侍應換骨碟勤快殷勤，全場爆滿也不是很嘈吵，朋友介紹食黃油蟹一定要來東園，隻隻爆膏😎真係要試過先知🤗黃油蟹果然爆膏見到都興奮黃油蟹 - 黃油蟹色澤金黃，軟滑濃稠的蟹膏充塞全身，蟹膏甘醇鮮香，吸啜滿布蟹油的蟹膏在口腔有如吃奶油般令人一試難忘，蟹肉細緻嫩鮮，無得頂欖梅砵仔骨 - 味道甜滋滋，外層酥脆鬆化，肉質煙韌彈牙鹽香脆米雞 半隻 - 雞皮占滿米通炸得脆卜卜，很特別！炸得剛剛熟肉質一點也不老很嫩滑。黑松露抄龍躉球 - 黑松露味較清淡，龍躉肉質嫩滑清甜，魚皮很有膠質，而且份量十足，配料蜜豆，蓮藕片爽脆夠火喉👏🏻送糖水(陳皮紅豆沙) - 晚飯後送的陳皮紅豆沙一點也不馬虎，大大粒紅豆，香醇的陳皮香味，令人滿足非常！