Villa Villa

營業中

休息中

原本諗住同朋友嗌到會set但見到open rice有得book枱又好好彩有位到餐廳食應該好食d既餐廳位置好近地鐵站，唔難搵但餐廳面積比較細位唔多，所以book定位就最好啦我地食六點鐘 紅日都唔算多人 可能我地太早食掛Service 都唔錯，一坐底就俾湯同竹炭餐飽已經好好食我地三個女仔，嗌左三樣野：黃金炸薯條🍟雙重芝士Pizza🍕肉醬千層麵必必必必食推介：黃金炸薯條🍟係鹹蛋黃醬炒薯條超級無敵好食雖然怕熱氣 但都真係忍唔到口 食左好多雙重芝士pizza 芝士粒濃又有芝士粒又薄脆底都好食千層麵係fd嗌既 我個人無特別喜愛😂三個女仔，我地黎之食有食tea同留肚食甜品所以嗌得三樣野，每人唔駛$100CP值非常高！我會再次光臨！

次次中午去到北角呢條黃店街都見到VillaVilla排曬隊，趕時間驚食唔切所以一直都冇試過，而家終於開番晚市，可以喺夜晚食，慢慢嘆。由於臨時興起約嘅晚飯，所以冇訂枱，咁我得閒就一早去定walkin等位，六點開始就陸續多人嚟等位，我係第一個到，所以一人齊就有得入去。呢度晚市全部飲品買一送一，而且7:30前埋單仲有額外全單88折。打開餐牌，設計超級精緻，所有食物都好吸引，又揀咗我好耐🌝🌝見佢有熱門食物推介，叫咗黃金炸薯條。上菜時發現原來每一張枱都有呢碟餸，真係名副其實招牌菜😂😂😂黃金嘅意思係鹹蛋黃咁解。嚟到完全唔會失望，炸得好香脆，而且鹹蛋黃嘅味勁香，但就算食晒成碟都完全唔覺得滯住或者好流。另一個係因為見到個樣太靚，所以試嘅薄餅。特別之處係呢度所有薄餅底都用咗墨魚汁，所以係黑色嘅。餅底係少少脆嘅薄餅底型，識落唔覺有墨味味，但係質地都唔錯。鮮蝦意粉正常發揮，番茄汁好新鮮，好清新❤️

北角黃店街長期都要排隊既西餐廳！最近俾政府封街，解封之後當然要支持下雙重芝士pizza. 8/10黑色既餅底用墨魚汁整，好薄、脆！好鍾意尼類餅底😘雙重芝士食落唔會太膩，lunch時間兩個人share食啱啱好！黃金炸薯條。 7/10份量好大，外脆內軟，炸得幾好～唯一不足係我唔鍾意食蛋黃炸既薯條🍟其實menu有寫係蛋黃炸，不過我冇睇清楚🙈蘑菇忌廉餐湯。 8/10有粒粒蘑菇既口感，好味，唔似用忌廉湯粉開既荔枝玫瑰花熱茶。 8/10可以無限續杯就係無敵！cp值高！

參與罷市, 派發文宣, 店裏周圍都係pepe裝飾卡邦尼意粉 ($69): 麵條既軟硬度適中又唔算太creamy, 唔會有好漏既感覺, 唔錯唔錯！蒜香磨茹雞肉意大利飯 ($83): 個汁幾清香同啲飯幾夾, 個人認為啲飯有少少生得濟, 但口味因人而異黃金炸薯條 ($68): 炸漿份量剛剛好, 食落都幾脆口, 咸蛋又唔會蓋過左薯條味, 份量仲要都幾多

晚上8點左右到，餐廳差不多全坐滿，不過前一天已經訂位了，等他們把桌子收拾好，就可以進去坐。坐下來不久，還沒有點餐，就先送來了蘑菇湯和麵包。蘑菇湯很香濃幼滑，可以吃到一顆顆蘑菇丁。麵包表面烤得很香脆，裡面很鬆軟，很好吃。我吃完喝完，我的朋友還沒到，員工很細心主動說因爲怕湯會變冷，先收起來，待會我的朋友到了再送來。最後我們點了黃金炸薯條，自家製特選美國牛肉漢堡配沙拉和薯條。黃金炸薯條每一條薯條都佔有鹹蛋黃，而且炸得十分香脆。自家製特選美國牛肉漢堡配沙拉和薯條牛肉漢堡很juicy ，麵包很香脆，配上流心荷包蛋，很好吃。飲料有買一送一的優惠，包括酒精類，所以我們點了紅酒。蛋糕堂食有八折的優惠，不過我們都挺飽的，所以沒有點。另外因為點了小食，所以送了一瓶寶礦力水得。餐廳推出很多不同的優惠，用心煮食物，員工服務態度好，值得多多支持。

啱啱轉嚟北角返工嗰陣，已經有同事介紹呢間villavilla，今次朋友嚟搵我食晏，當然要帶佢哋嚟試下喇！雖然係內街，但一樣要等位T_T，想嚟食晏嘅朋友道要早啲啲嚟搵位先喇～三個人揀咗兩個set同一個小食，份量絕對夠食！#明太子鮮蝦意粉 Mentaiko Spaghetti $76以蒜香炒嘅意粉，配搭爽口彈牙嘅鮮蝦，混入大量明太子，口感豐富得嚟，更帶有少少微辣！#雙重芝士薄餅 Double Cheese Pizza $98芝士控必食！雖然豬太郎唔係，但朋友仔勁受芝士！每拎起一塊都會有拉絲效果，香味軟滑！#黃金炸薯條 $68呢幾年大熱嘅咸蛋乜乜乜，呢度都有，Villavilla嘅炸薯條非常熱辣，每條都沾到咸香嘅咸蛋黃，呢個時候飲返一大杯汽水/啤酒就一流喇

呢間餐廳上星期五爆哂位，搞到我走鬼咗去食茶記。今日特燈遲半個錯去，咁岩又落微微雨，今次實冇死啦。去到，個然得幾抬客。叫咗番薯肉丸意大利飯，凍檸茶。唔洗十分鐘，杯餐飲就到。梗係啦，冇人仲唔快咩。跟手又上沙律同蒜容包，個包比較軟熟而唔係脆嘅，沙律醋味搶咗菜嘅味。又唔夠十分鐘，個飯就上咗。賣相：
老實講，麻麻地，好似就咁舀上碟然後放啲香草上去咁。
整體上都唔錯嘅。味道：
番茄味冇想像中咁濃郁，可能平時都係落忌廉所以感覺有差別。飯粒唔太硬，基本上全熟。個人比較喜歡咁樣好過裏面有啲生生地。肉丸比較咸，但質感唔錯。飯裏面有香葉係入面，雖然細但係成塊葉，如果咁啱舀埋飯一齊食的話，就變左食緊塊葉，感覺十分奇怪。別外，叫咗個黃金炸薯條，招牌菜嚟，即叫即製。十分鐘左右。因為時間所限，所以只好外賣。對於炸物嚟講，係有啲唔公平，但冇計。其實拎著走嘅時候，隔著個袋都聞到咸蛋黃嘅香味。大約十五分鐘路程。食落都已經唔脆，但的確每條薯條都沾晒咸蛋黃。食得多都比較咸。其他都冇乜特別，可能近期都好多食物都用類似方法去做所謂創新。但其實都只係聽落新奇，食落無奇。總結：不過不失，價錢偏貴。如果唔趕時間，又想hea下吹下水，都

本來是有人介紹這間餐廳訂購蛋糕，佢地可以製作你心意的圖像，有不同款式選擇。在OpenRice 睇下食評，都算不錯，所以順便在這裏吃生日晚飯。蛋糕方面，你只要比一幅圖像，他便製作在一片朱古力上，果然十足一模一樣的啱晒cosplay 迷今次吃了真店之寶「黃金炸薯條」、煙燻芝士帆立貝意大利雲吞、白酒煮藍青口、鵝肝多士、一口炸芝士、吉列炸蝦、大阪燒薄餅、還有很特別的果酸特飲雖然店舖細小，但食物都尚算可以，服務也貼心

之前男朋友食過呢間餐廳一次 估個薯條我應該鍾意食 所以今日就帶我嚟試吓啦☺️☺️💋 最鍾意男朋友咁樣記住我嘅喜好😚我哋就叫番呢個黃金炸薯條🙋‍♀️ 其實係用蛋黃醬包住啲薯條攞去炸 定炸完啲薯條攞蛋黃醬包住呢🤔🤔 總之就每一條薯條都沾滿晒蛋黃醬 味道調得唔會好咸 而大部分薯條係脆口既😛😛好邪惡但又好香🙆‍♂️🙆‍♂️不過食咗一大半已經開始覺得漏lu🙈🙈唔係講笑哦🙈🙈佢個Pizza先係王道！！！我未食過一個咁啱我口味嘅Pizza 係真係超好食阿！！一來佢薄底都做到個厚度嘅口感出嚟 唔會俾人感覺冇乜材料 兩啖食完！因為佢用既芝士係舖得好厚㗎！用足料！佢用左雙重芝士 味道冇咁單調💁‍♀️💁‍♀️粒粒嗰啲似係乳酪cheese 食落口好易溶🤤🤤帶少少酸嘅感覺 成件事冇咁漏😋😋 依個薄餅底都焗得好脆！成個Pizza唔單止賣相靚 味道都💯💯💯 真心推介俾大家！不過餐廳嘅座位唔算好多 但都坐得舒服 靜靜地 都係傾計嘅好地方😛男朋友下次再帶我黎食Pizza唄😚

附近好幾間食肆都幾吸引，還有一直都想去試試的古月，但這天約好了吃西餐。午市時間全場滿座。自家製蒜蓉牛油麵包配野菜沙律麵包質地有趣。很輕很鬆，稍一用力，只分成兩塊。咬下去先是脆，然後是咬空氣般輕，但塗了蒜蓉的那面，卻似未熟的麵團的濕而實。蒜蓉幾香，頗喜歡它的味道，沒有一般蒜蓉包過份的牛油，幾清香。黃金炸薯條男友見到隔離枱的薯條，常嫌我點菜熱氣的他，竟然說想吃薯條。從來只有我反駁他的「熱氣論」，那有甚麼熱氣不熱氣，鬼佬日日吃炸魚薯條，還是很健康，韓國人吃那麼多炸雞，皮膚仍然白滑。突如其來的選擇殺我一個措手不及，當然，點了。原來黃金炸薯條的「黃金」，不是取其好聽，而是黃金蝦的黃金，即鹹蛋黃。看著眼前堆成一座小山，包滿鹹蛋黃的薯條，內心充滿矛盾。不幼，少少粗的薯條，熱辣辣，新鮮炸好，炸得十分香脆。每一條都包著薄薄一層鹹蛋黃，鹹香、油炸的可口、薯肉的清新，混在一起，滋味無窮。享受過後，遺下罪疚。不怕熱氣，但增磅不少的我，實在應該注意一下攝取的卡路里。到目前為止，還沒有一次成節制自己，更何況美食當前？鯛魚柳扁意粉-香草蕃茄汁中央豎起一條香草，為平凡賣相的意粉添上幾分得意。扁意粉硬度不錯，都幾彈，還

晌北角返工，成日都見到呢間意大利野，以為唔多人食但幾次walkin都無位，今次遲左食lunch, 黎碰一碰運氣睇下食唔食到。估唔到過左lunch的peak hour, 我地1:30pm左右到，有位喎，太好了！晌出面等佢執好枱其間睇下佢個雪櫃的cake, 唔算好平，都$30-40/件，但身為甜品控又心思思想試下入到去，個裝修都好舒服見到人comment過唔夠冷氣，咁大熱天時烈日當空咁去到，坐低都的確仲熱，但當個人定左落黎，又覺得剛剛好，唔會好似雪櫃咁凍親。肚餓了，好快叫左兩個lunch set，好快就上前菜。晌夏天咁熱食個加左醋的沙律菜真令人心擴神怡，加上微暖仲脆脆地的蒜蓉包，好開胃。我地叫左個勁多人推介的黃金炸薯條。 真係無介紹錯，薯條都好平均咁蘸上咸蛋黃，好好味set lunch 1: 北海道帆立貝意大利飯是日沒有龍蝦汁，轉左黑松露汁，簡直正中我favour。 店員上菜時細心咁提我地，擺一陣會出水(我估係冷縮熱脹所以將d水份逼返出黎？), 所以食之前要再mix一下。晌mix的時候d黑松露香味飄出黎，食落飯的軟硬度適中，不錯。set lunch 2: 山葵冷烏冬討厭wasab

朋友仔在北角工作，於是約了在附近食好西～佢話成日行過呢條街都冇試過呢度Ｄ餐廳～尋日得閒就試試了～老實說，我地是被店面吸引到的，好似外國Ｄ小店咁～環境望落幾舒服午市ＳＥＴ都幾平民價錢～門面仲有Ｄ好精美的ＣＡＫＥ～（最後我地是飽到叫唔到ＣＡＫＥ的。。。）我地都成２點先黎到，都ＦＵＬＬ　ＨＯＵＳＥ，一坐低見到ＭＥＮＵ　ＦＥＡＴＵＲＥ薯條，　就點左個黃金炸薯條來試～首先來的是ＳＡＬＡＤ前菜～有條熱辣辣的ＧＡＲＬＩＣ　ＢＲＥＡＤ～好香～然後好快就上左我勁期待的黃金薯條了～～ＷＯＷ～～真係用咸蛋黃炒的，心心眼～～熱辣辣，　一陣咸蛋黃的香氣，幾熱氣都要食埋佢呀！！！脆到卜卜聲呢個一大舊泡泡的，是ＹＯＧＵＲＴ　ＤＲＩＮＫ～可自選幾種水果味～我和朋友揀左ＰＥＡＣＨ同ＳＴＲＡＷＢＥＲＲＹ～～還有我最愛的鵝肝多士~$48~抵食呀~鵝肝又厚又大件，煎到剛剛熟，面頭有D黑醋汁, 味道超夾~咬落去有溶化的感覺，人間極品，如果唔係怕肥, 食多幾件都仲得!!!必點的!!!我朋友杯白桃YOGURT仲有一份SET是鯛魚蕃茄意粉，賣相一流，茄汁味好味, 不會太酸或太甜~~但是個魚有點腥~ 唔計個魚, 呢碟粉都有4星~~呢個

第二次再食 上次冇機會食炸薯條今次就點埋個炸薯條由於呢間係小本經營 會唔好意思就咁點一個set lunch同一個炸薯條 所以另外點多一個set lunch 分別點左帶子risotto 同carbonara每個set lunch都會跟一個沙律 青菜沙律兩粒蕃茄仔同埋一個熱辣辣嘅蒜蓉包蒜蓉包熱辣辣有蒜蓉味同埋好脆卜卜好好食番茄都好鮮甜可惜啲菜好似有啲苦不過可能係我嘅問題姐我男朋友唔覺得係黃金炸薯條所謂黃金炸薯條就啫係好多鹹蛋黃同炸薯條溝埋一齊其他嘅組合大家可能食過係黃金炸蝦球黃金炒勝瓜等 所有黃金嘅嘢都好好食呢個亦都唔例外但淨係得兩個人食有啲離譜。 不過我哋都不惜一切食晒佢 每條薯條都有鹹蛋黃包住佢 所以係極之肥膩極之邪惡但係係極之好食就咁兩個人食一碟薯條已經可以抵擋到一個set lunch喇 黑松露帶子意大利飯-好似價錢好似係138或158總之就係值佢個價錢亦都唔貴帶子seared 得好好 亦都好入味Risotto 裏便加左啲黑松露汁唔係太濃 亦都同啲意大利飯夾得好好呢三樣嘢夾埋簡直絕頂Carbonara -大家都見到頭果兩碟餸都係非常之膩。根本就唔想再食 無奈carbonara真係好鬼

今日係筲箕灣有嘢做，附近又搵唔到嘢食，於是就坐地鐵出去附近既北角，搵好嘢食。最近睇openrice，搵到呢間有好多個好評嘅coffee Shop ，諗住食餐好嘅。我哋好夜先入到去，職員都仲好好咁招呼我哋，一入到去環境暗暗地，地方較細，坐既位置唔算寬躺，唔緊要啦，嚟到都係為咗食嘢姐！上網睇到佢啲相已經好想試，因為個樣都幾吸引。點完餐之後，前菜就送到黎啦，麵包冇乜味道，但係個沙律幾好味，加左啲調味都幾香口。主食我哋就叫左呢個北海道帆立貝意大利飯配黑松露忌廉汁，盛惠＄138，貴得有道理。一睇相就知道呢個好足料，帆立貝大大粒，又juicy，而且咬落去肉質非常鮮嫩，意大利飯既質感唔太軟又唔太硬，岩岩好既，而且個醬調得幾好味，少少creamy既，亦散發住幾香濃既黑松露味，色香味俱全！雙重芝士脆薄餅（墨魚汁薄餅底），餅底好脆，但係味道就冇乜，配合着上面超多嘅芝士，芝士控必定不能錯過，同埋中間夾住嘅蕃茄，都幾惹味！呢個黃金炸薯條都係一流，即刻炸出嚟，非常香口，咬落去係熱辣辣嘅薯仔肉，上面配左啲芝士粉同埋香草，食極都食唔停！Rose yoghurt，單睇個賣相已經好吸引，乳酪上面有大大個泡泡，加上好多玫

睇完cctvb有介紹過villa villa, 見到黃金薯條好吸引, 所以bookmark左離間餐廳北角B4出口，過對面馬路轉右再轉左入條巷仔。去到響門口等左十分鐘左右，坐低一叫左兩個lunch set 配沙律，麵包同飲品，加多個炸薯條1. 沙律同香草麵包- 個沙律就好多油，重手左- 麵包點黑醋好好味2. 黑松露北海道帆立貝意大利飯上菜見到個樣好吸引， 筆落去好似泡飯甘，有水響個底部🤔因為未試過意大利飯有水，以為有啲咩特別或者係有啲唔好嘅嘢，點知食落去超級好味啲水慢慢會同啲飯溶埋一齊，好甜好鮮，同時充滿黑松露嘅味道，好好味。3. 墨魚汁雙重芝士薄餅($88) 加煙三文魚(加一個topping $30; 兩個topping $50)薄餅好足料，但缺乏墨魚汁味道。餅底嘅味道似梳打餅，夠脆口。喜歡食芝士嘅人可以一試，但冇乜特別。4. 黃金炸薯條上枱即刻食，好熱好好味，雖然係鹹蛋整出嚟嘅薯條，但食完之後隻碟都唔係太油，推薦。5. 玫瑰乳酸同有機咖啡因為有promotion，食黃金炸薯條加＄10可以飲玫瑰乳酸，或者其他味道嘅乳酸，所以叫咗一杯乳酸同埋兩杯有機咖啡(跟set)。玫瑰乳酸上面有啲泡泡