唐閣

性價比超高! 朗廷酒店「零房價」Staycation米芝蓮三星體驗對於我地呢種普通既打工仔，要係香港staycation住超過$1000以上，都真係需要有極大吸引力先得。今次朗廷酒店既「零房價」Staycation，顧名思義，就係預訂房間既價錢金額，可以全數用係酒店消費。我地既$1600消費額就用左係入住當晚既晚餐，係米芝蓮三星既中菜餐廳—唐閣食飯，前幾日係online book左夜晚8點半 (已經無其他時間揀，建議想食既朋友仔要早啲book位)。個陣我地都已經開始肚餓，不過都係跟番價錢去嗌野食，如果唔夠飽就打算疊埋心水再落去買宵夜。我地最後嗌左一人份量既Tasting menu($1280)，再另加餐廳好出名既唐閣寶盒飯($160)，同埋蓮蓉焗西米布甸($65)。嗌左野食之後，雖然我地係叫左一人份量既Tasting menu，餐廳都比左2份前菜我地。係新鮮炸起仲好熱既炸蝦球，同埋涼拌木耳同青瓜。 可能8點半食飯既人都唔多，上菜時間都好快，但餐廳係會等你食完一道菜先再上下一道菜。釀焗鮮蟹蓋，啖啖都係蟹肉! 海味雞煲官燕，好足料，濃稠度岩岩好黃金焗開邊龍蝦，好香蛋黃味，惟食落D蛋黃會跌哂

今次就黎到朗廷staycation，最主要原因就係一定係佢餐免費既三星米芝蓮，因為住套房，都有成$3500 dining credit可以用，係入住之前，我都曾經糾結過，將dinning credit一炮過用晒落唐閣，定分開兩間餐廳用好呢，後尾都決定係揀左第二日食埋bostonian個sunday brnuch，個價錢就大約千五蚊，所以今晚係唐閣即係可以拎兩千蚊黎食飯，不過講真頭先係lounge都食左d野，兩千蚊就已經係夠做。唐閣位於酒店一樓，坐升降機一出lift轉左就係，不過門口接待員見我地影相，就話係另一邊扶手電梯有個招牌可以打卡影相。一入門口就見到龍景軒無放出黎既米芝蓮獎狀，咁唐閣曾經都只係米芝蓮二星餐廳，得到左三星拎出黎哂下我覺得可以接受。獎狀格離擺左一車茶葉，不過唐閣好似係無侍茶師既，硬係覺得樣樣都好似被龍景軒比下去咁。門口邊仲放左一排筷子，感覺都算係走比較宮廷古典式既設計。唐閣有兩層，我地坐下層，上層無去過就唔知咩環境了。我地果位就係下層既最入面果張檯，望落去呢邊兩張檯應該可以獨立成一個私人空間，頭頂既燈飾都係出面無既。六點九原來都算早，外面都只係得一兩檯客，靜得可怕，我本

香港一共有7間米芝蓮三星餐廳，喺朗廷酒店入面嘅唐閣係其中之一，一個月前我哋就訂定枱同屋企人食晚餐。🥢餐廳環境同裝修都頗有氣派，侍應帶咗我哋上二樓嘅大房，同隔離枱距離都唔近。由於我哋未嚟過，所以就選擇咗呢度嘅tasting menu，可以一次過試晒佢嘅6款招牌菜。👇🦀釀焗鮮蟹蓋蟹蓋外層炸過後又脆又香，而且炸粉十分之薄，釀入嘅蟹肉肉質細嫩鮮甜，再加埋洋蔥爽脆嘅口感增加層次，呢道鎮店佳作為我哋嘅晚餐揭開序幕。🍲海味雞煲官燕用料上承，食材熬煮過後嘅鮮甜全部融入湯頭，每一啖都食到燕窩，海參，魚肚，口感豐富。🦞黃金焗開邊龍蝦龍蝦肉質肥美結實，配上處理過嘅咸蛋黃，幼、嫩、沙、油，令人回味萬千。🐂燒汁茭筍日本和牛粒和牛入口即溶，牛肉香氣除除滲落舌尖上，煎嘅時間一秒不差。茭筍無渣，鮮甜，解膩剛好。🍝鮑汁吉濱鮮鮑炆麵原隻鮑魚有嚼勁，齒頰留香，粗麵汁帶有香菇嘅鮮味更顯心思，吃畢全碟都冇口渴嘅感覺。🍮木糠忌廉凍豆腐布甸本來的中菜餐廳嘅甜品不感期待，但呢個係我食過最好味嘅木糠布甸，甜嘅忌廉配上底層豆味濃郁嘅豆腐布甸，係全新嘅食覺享受。總括而言，唐閣嘅菜式除咗食到大師級嘅調味，亦不失食物本身嘅原味道。💯

兩日一夜嘅staycation，有dining credits，一定係揀米芝蓮三星嘅唐閣啦！🤩 餐廳有兩層，沿着樓梯行上2樓，整個餐廳主要用紅金兩色作裝潢，濃濃嘅中式古典味道，奢華得來唔庸俗，淨係佢個天花都好夠貴氣。由於下晝我哋已經食咗好多嘢，喺飽飽地嘅情況之下，我哋兩個人就選擇咗一人客餐($1,680)share再加兩隻蟹蓋($210/each)。我見上網好多人都選擇Tasting Menu，原因係好自然比佢隻蟹蓋吸引咗，但我哋發覺一人客餐都有唔少佢地出名嘅菜式！我哋落單時問侍應幫我哋分嗰一人客餐，佢非常之細心，每次分之前都會俾我哋影一影相先(無事先要求架)，而且碟碟餸都分得好平均，仲擺返靚靚咁上，一啲都唔馬虎！👍🏻❤️開胃小菜落完單後上咗個開胃小菜，酸醋青瓜雲耳配炸蝦，青瓜雲耳好入味而且酸味啱啱好，炸蝦好彈牙，唔洗點任何汁都好好味！好食度：⭐️⭐️⭐️⭐️(4/5)❤️唐閣特色拼盤 - 海紅葉涼拌螺片，蜜汁鱈魚，蜜汁叉燒呢度上菜時睇得出侍應細心位，佢有留意到我食開胃小菜時用左手夾菜，所以我同朋友淡到濃嘅擺盤方向係唔同架！加分！🥰螺片大大塊非常之爽口！

適逢朗廷酒店做緊住房優惠，我哋緊係將住房credit用嚟試下米芝連三星餐廳唐閣好好彩係前一日打去試下睇下book唔book到，都仲可以安排11點入座（因為早一星期打嗰陣話無位）11點去到無咩客人，環境都好有中式格調，牆上亦有唔少畫比客人欣賞，見到隔離枱客人都喺度打卡第一次嚟，唔知叫咩食好，就試試tasting menu，侍應服務態度ok，定時定候都有人嚟幫你斟下茶釀焗鮮蟹蓋好似薯餅嘅外表，略嫌入面沙律醬同洋蔥太多，搶咗啲蟹肉嘅鮮味海味雞煲官燕足料黃金焗開邊龍蝦最鍾意食啖啖肉，加番咸蛋黃喺龍蝦上面，夠邪惡燒汁茭筍日本和牛粒正，和牛入口接近入口即融嘅境界，肉汁豐滿，好惹味，份量三舊啱啱好，再多就太漏鮑汁吉濱鮮鮑炆麵無咩評價比到木糠忌廉凍豆腐布甸配精美甜點今日甜點有桂花糕同外型似梨嘅紅豆酥，覺得個甜品好驚喜，唔太甜，又唔會漏，好似幫成個餐點綴咗咁，特別係紅豆酥，食完都唔覺乾真真食物用料睇得出有用心配搭，不過就無想像中米芝連三星餐廳嗰種驚艷有紀念日等等想豪食嘅日子可以一試