餃掂手工餃子雲吞專門店

聽聞太子一家餃子店提供松茸豬肉餃子，味道非常出色，店內有多款不同特色的餃子，全都是人手包製。原來灣仔也有一家分店，跟友人到灣仔辦年貨後經過，正好可吃一頓餃子了。當然要點松茸豬肉餃（12隻 $105)，又想試狀元九鼎湯，就點灼餃吧。那再點一味煎餃，就點另一特色，元貝豬肉煎餃 （10隻 $64）。店子也提供多款小食，黃金皮蛋 $28，早利亞只在私房菜吃過，這兒的蛋白比較有質感，配酸辣醬油也頗醒胃，惹味唐芹伴豆荀 $32 樣子不辣，但入口方知辣味多層次，味道香辣但口感清爽，不禁一口接一口。不久，店員送上至尊松茸豬肉餃，先來一口狀元九鼎湯，粉葛、鯪魚、鰂魚、扁豆、赤小豆、排骨等多種材料煲成，入口鮮甜，沒有味精感覺，像飲家常湯，少鹽少油，很舒服，店子指此湯溫腎益氣、養顏保健，那真的要飲多兩啖。而用上雲南野生松茸及新鮮豬肉的餃子，松茸獨特味道芳香濃郁，餃皮厚薄剛好，有咬口而不過厚，美味可口。煎餃賣相相當吸引，金黃脆身，充滿肉汁，很有水準。最後四川涼麵$30，先拌勻碟上的香麻醬，喜歡的可加芝麻醬，若果喜歡辣的朋友亦可加枱上提供的自家製四川辣椒醬，更加惹味。感覺味蕾刺激，不妨點一杯自家製山楂雪梨水 $

今日約了好友行寵物展，行完大家都一袋二袋咁，超級攰，在會展附近搵咗呢間餃子店，事先打電話問用不用訂位，店員話就咁到就可以，去到燈泡門面好亮麗，去到8成滿，唔使等位比咗4人枱，淺木桌椅，枱面已有晒調味料及餐具！餐牌以餃子為主，餃子係中式，加啲前菜麵食，款式唔算多，好快揀好落單！黃金原味皮蛋（$28）賣相靚，不過味道係鹹蛋黃，加皮蛋蛋白，蛋白彈牙，鹹蛋黃沙沙鹹鹹，特別但我未適應！鹹豉油酸酸鹹鹹，幾好粟米豬肉餃（跟湯）（$39/7隻中碗）上嘅時候見湯嘅顏色唔似平時嘅上湯，飲落先知係粉葛赤小荳湯（狀元九鼎湯）第一次見用老火湯去配餃子🥟但自己覺得唔夾（唔知北方人係唔係咁配搭）湯清爽（隔了渣）不過我都係𢳂起啲餃子點黑醋食食，餃子皮好掂，又薄又彈牙，入面粟米大大粒好甜，豬肉好多肉汁，肉嫩滑，好味！食晒餃子再飲老火湯，好味野生松茸素餃（$55/10隻大碗）朋友食素，所以食素餃，佢仲食得出係清水淥，食咗一隻，皮薄身彈牙，入面食唔出松茸味，反而係濃濃嘅薺菜+木耳味，味道清爽好味四川涼麵（$28/小辣）配麻醬，麻醬另碗仔上，可自己控制份量（減肥中嘅我好欣賞呢點）黃麵條彈牙，灑上炒香花生碎，青蔥花，撈埋碟底嘅

今日午餐，突然口痕好想食餃子，就行到嚟灣仔莊士敦道呢度餃掂手工餃子專門店。之前已經聽過同事食過話味道不錯，餃子真材實料，所以今日都黎試吓。果然午餐來到人龍多到排隊，真係好旺。想必應該味道不錯。等左一會兒，我們就有位坐了。環境光猛，空間感都足夠，不過真係人多，午餐時候真的要搭枱。我和朋友就一人要咗一款餃子，一個要湯餃，一個煎餃，互相分享試下。我和朋友先上來一點小食。蜜餞雞翼$30有超濃郁的蜜糖味，雞翼夠腍，容易離骨。不過略嫌甜左少少，如果鍾意超濃蜜糖味的就一定喜歡。黃金原味皮蛋$20金黃色的皮蛋像花一般打開，很漂亮。蛋黃很甘香，而且q彈。配上帶有花椒味的醬油，非常香口。元貝豬肉餃$60元貝豬肉餃配上的湯底是狀元九鼎湯！原來就是所謂的粉葛湯。粉葛湯完全不覺得味精，是媽咪煲的味道，感覺能夠降熱氣。十兩豬肉比五兩元貝，完美比例，讓口感非常豐富。餃子皮薄，而且餡多，入口香滑，味道清甜，算是不錯。$60的價錢會有10隻餃子。龍鳳松茸雙煎餃 $85一碟有八隻，分別是四隻白松露口味，四隻黑松露口味。餃子需時都要大約20至30分鐘，所以都等了一段時間。餃子煎得香口，有濃郁的豬肉香甜和淡淡清新的松露香，味

今日放假倍媽媽吃午餐，媽媽想吃些健康午餐。 記起朋友之前介紹過＂餃掂＂手工餃子店，它是全用上優質食材來烹調。 到達灣仔店時，門口更有幅蔡瀾推介報導。 再看餐牌知道餐廳用優質材料來提升味道，真的既可調理身體又可滿足食慾。調味料齊備，樽身及匙也乾淨冇黏手菜脯豆豉醬菜脯切功幼細，味道帶層次感，大家也要試試，不要錯過這醬料美味。黃金皮蛋晶瑩透徹黃金皮蛋，加蛋黃溏心，一見已令人心動。蜜餞雞翼雞翼煮得十分入味。元貝豬肉餃味道比想像中更鮮甜，薄薄餃皮，滿滿元貝餡料，包餃摺工整齊美觀，每一粒也有滑入口中感覺。至尊松茸煎餃，更跟有一碗狀元九鼎湯，餡內有很多松茸，煎餃保留松茸香味在餃子內，每一口也超美味又可增強免疫力。豆漿大大杯，豆味香濃又唔甜，

這間餃子店面積不大，所以人多時坐得有點擠迫，最喜歡它有自家醃製的白蘿蔔和辣椒。黃金皮蛋 和平時吃的皮蛋不同，顏色很靚幾特別。麻辣松花皮蛋 溏心皮蛋吃時有點麻辣，幾特別的。手拍青瓜 青瓜爽口，但比較濃味，適合重口味的客人。蜜餞雞翼(五隻) 雞翼很入味，做得也不錯。龍鳳松露雙灼餃跟湯(八隻) 餡皮夠薄身，黑松露和白松露份量頗多，松露很香濃加上新鮮的豬肉，真的很好吃。 軟心芝士煎餃(十隻) 豬肉餃加上濃濃的芝士和很多粟米粒很特別，但略嫌煎得不夠香脆。狀元九鼎湯 用古法煲製的老火湯，味道較清淡，可自行添加幼鹽。材料有鯪魚、鰂魚、排骨、扁豆、赤小豆、粉葛、紅蘿蔔和陳皮，能溫腎益氣和滋潤腸胃，我們三人喝了一碗覺得沒有味精，所以我們每人再叫了一碗。山楂雪梨水 用雪梨、山楂片、甘草和麥芽煮成，少少酸，喝起來很開胃。酸辣雲耳 雲耳爽口，但可能醃製太久，所以味道有點鹹。

因為西DorSi既介紹而黎食餃子入到去坐低，台面筷子桶痴立立，印象較差，但裝修不錯。我地叫左2款餃子，湯黑白松露餃同煎椰菜豬肉餃，仲叫左黃金皮蛋，同埋雪梨茶。我地等左15分鐘，旁邊既人都到2晒食緊，先發現漏單，再次失望。黃金皮蛋一般，無咩驚喜，可以唔需要試，因為比出面既鋪頭略為差。煎餃煎得好靚，剛剛好，而且黑白松露2種味道都非常好食同夠味。本人就好鍾意食黑松露，所以黑松露愛好者可以一試，而白松露較淡味，但都好香好有松露味道。椰菜豬肉餃佢地會配碗粉葛湯，無味精，唔錯! 講番隻餃，材料新鮮，但唔夠juice，不過整體都很滿意。個雪梨茶都唔錯，好有媽媽煲既味道!!因為d餃黎遲左甘多，原本一心最早入去變最遲有得食，仲無啦啦入多左個豆漿，好彩有check單。見到佢地出野好亂，出多又問其他客要唔要....仲有...完全無同我地講過一句sorry....所以最後未夠飽都無再翻叫....有待改善

灣仔食肆滿街都是，某條街上滿是高級食店，但一街之隔又可找到平民美食這天在灣仔街頭遊走，苦惱著吃甚麼的時候，就見到了「餃掂」，全場滿座，門外有好幾個人在排隊，又放了跟名人的合照，好奇之下也排一排，一探究竟比起一般的粉麵店或茶餐廳，這𥚃來得比較新潮和整潔。枱上放有酸蘿蔔和四川辣椒醬、菜莆豆豉醬等調味料。作為餃子專門店，有不少口味的餃子可供選擇，但説到招牌餃子就應該是松茸餃了各式餃子都可選中碗或大碗、湯或煎，某些系列可點雙拼～另外還有一些小食。我們點了龍鳳松茸雙灼餃和一碟雙拼煎餃，還點了一些小食和涼麵黃金皮蛋 ($28，上)、手拍青瓜($20，下)：黑色的皮蛋吃過很多，金黃色的則是第一次。黃金皮蛋有著晶瑩剔透的外層，味道較黑色的淡，但蛋黃香超濃郁手拍青瓜酸酸的，帶微辣，是很好的開胃小菜龍鳳松茸雙灼餃 ($82)：餃子隻隻都大粒而飽滿，皮薄而有靭性，而且很滑一半的餃子加入了黑松露，另一半加入了白松露。兩者都有松茸在內，一咬下去便散發出陣陣香味兩者都好味，要選的話，我比較喜歡黑松露松茸餃這𥚃的灼餃所附上的湯是標榜無味精的狀元九鼎湯，味道天然，不會搶去餃子的味道大白菜豬肉煎餃、韮菜豬肉煎餃雙拼 (