Villa Villa

營業中

休息中

一個絕唔起眼嘅位置居然搵到呢間餐廳，真係真多謝open rice，如果唔係一定搵唔到呢間穩世餐廳！ 首先我地係7.15打去book位，員工非常有禮貌話而家暫時有位，咁我地就即刻去啦，之後好快再接到電話話不如遲少少7.30先，以免太熱要我地係門口等，非常細心嘅員工👍🏻十個讚！去到當然即時有位啦，唔洗等！我地兩個人叫左巴馬火腿意粉，水牛芝士Pizza，黃金薯條，三個都超好食，由其係黃金薯條真係必食之選！ 每人都會有一個沙律及一件蒜蓉包送架，其實餐牌好多選擇，下次真係要食埋其他再寫多啲食評讚下先得！ 有啲顧住食唔記得影相，飲品都要試下呀，每杯都會有個大泡泡係上面架！

尼間店每到午飯時間都滿滿人流不過佢勝在可以book位上次食完再次番來食過因爲真心好好味佢既招牌雙層芝士墨魚🦑汁底pizza🍕 脆夾薄介仲要即做加自家製特別惹味午餐🥣仲要好抵食$88加兩個配菜就30仲包飲品沙律🥗同蒜蓉包🍕pizza比想像中大有8片所以係2人份量上一次加左煙三文魚同腸仔 今次只加左火煎菜一樣咁惹味保持到水準上次仲加左個意粉set lunch尼個野菌香草🌿超好味香草仲要自家配製好香今次終於食到佢招牌黃金薯條🍟用鹹蛋炒炒超好食中西合璧既感覺似食緊大排檔炒黃金鮮魷一樣惹味夠火喉價錢不貴$58仲好多最後必點蛋糕🍰尼款蛋糕食左2次都咁正濃濃朱古力有口感又不會太甜跟set lunch仲有8折啊

朋友推介黎呢間小店，位於一個唔起眼既小橫街，短短既小橫街但原來成條街仔全部都係餐廳小店！到左門口放左個放滿精美蛋糕既雪櫃，我覺得甜品除左要好食首先就要外觀吸引到我！前菜沙律呢個飯好好食，帶子真係好難煎既一樣食材，唔會過熟又有金黃色效果汁好creamy，意大利飯乎合港人口味硬度岩岩好，不會好硬黃金炸薯條🍟好食推介魔鬼食物雖然超肥，但一定要食，撈左咸蛋黃既薯條，要襯熱食，好香口，食左一條就停唔到口！玫瑰乳酸特飲 女仔一定會鍾意呢杯飲品，上面其實係泡泡再加啲玫瑰花瓣醉，飲落味道都係正常最後就係要打開第二個胃迎接既甜品燉蛋芝士蛋糕 我個人偏好硬身焗過既芝士蛋糕，合我心水，究竟係燉蛋定芝士蛋糕呢？整體味道合理價錢，下次會再黎

作為一個熱愛食野既肥佬，之前因爲病左而清淡左一輪。病好當然即刻去搵好野食。因為之前已經有留意這餐廳了，今次決定去‘一親芳澤’先來感到一鼓隱世高手的感覺入到去了先介紹一下環境，感覺舒適。午餐餐牌我點了雙重芝士墨魚汁pizza再加火箭菜同辣肉腸同馳名的‘邪惡’黃金薯條。黃金薯條分量：8/10（大份）味道：8/10（好香口，忍不住一條接一條咁食）外觀：8/10（名符其實黃金色）分量：7/10（正常大小）味道：8/10（茄味同芝士味好夾）外觀：8/10（見到都想食）總結：一間性價比十分高的餐廳，已經bookmark左

北角前排報導有一個餐廳他們的麵包蛋糕全部自家製，是很少有的，報導之吸引令我一早就想去試一試。餐廳雖少但五臟俱全，行多兩步更會發現原來它木是有兩個鋪位的啦。所以過來食lunch都不怕找不到座。坐下第一樣最吸引我的是它的黃金炸薯條，所以一開始就點了一份。薯條來之前職員就端來沙津，麵包好軟綿，師傅自家製果然不同凡響。黃金炸薯條$58這個黃金炸薯條的份量真是好多，一大碟，薯條的外層全是金黃色，因為用上鹹蛋黃撈在薯條的外面，所以薯條除了香脆外，還有陣陣的蛋黃香，令人慾罷不能，完全是吃完一條又一條。山葵冷烏冬 $75雖然天氣轉涼，但都無阻我們吃烏冬的興致，我們一來就點了這個冷烏冬,完全大快人心。涼涼的烏冬入口有陣陣山葵香，少少辣但好開胃，麻香味十足！令人一食上癮。雙重芝士薄餅$138選兩個材料的薄餅都只是$138，薄餅的餅皮是黑色的，原來加了墨魚汁，令到薄皮更有咬口更香脆！用上幾款芝士，味道層次更分明。整佃薄餅都無可挑剔，味道口感香氣全俱備。我們分別點了兩杯乳酸，面頭的泡泡好有趣，玩味足。兩杯分別是提子和玫瑰味，乳酸味清新，不太甜，玫瑰味出，花香四溢。提子味的那杯就比較甜，但提子味什香濃！兩杯飲品

今天帶著一個小朋友到北角覓食, 呢個小朋友嘅口味大概都是麥記, 係時候教下佢什麼是 真正的食物 😉午餐附送沙律和 focaccia, 麵包有蒜香烤得脆, 沙律油醋偏甜, 小朋友很喜歡呀😋😋😋。雙重芝士pizza， 是墨魚汁 餅底， 餅底有點鹹 蕃茄醬的鮮味很搭， 用了cream cheese 微酸， 再灑上乾的雜香草， 飢詩覺得這個有點懶惰， 乾香草的 oregano 味太重, 新鮮的香草可能會比較夾 😅黃金薯條來了, 每條都沾滿了鹹蛋黃, 炒得好所以不會 覺得油膩, 而且薯條入面唔會淋別別 😍士多啤梨乳酸， 上面有一堆泡泡 ( 吸引唔到我 😂)， 這個乳酸入面加了一些士多啤梨果肉令味道不會太假 😌Villa Villa 的午市是十分繁忙的, 座位編排有點密， 以前工作地點在附近，見證他又一間小舖變成兩個舖位， 希望你們可以更上一層樓 💪💪💪飢point : 8/10#hungermarch #非飢詩

今日難得放日假所以同左屋企人去北角呢邊買啲雜貨，買完之後經過書局街見到嗰度有一排嘅餐廳 ，而因為我之前都試過呢一區嘅餐廳 覺得大部分水準都唔錯咁今次就決定不如就試吓呢一間嘅西餐廳 呢間餐廳個名叫Villa Villa 係外邊睇你會覺得呢一間餐廳唔會係太出眾所以我哋都抱住一個平常心入去～ 但係如果你試咗佢啲嘢食之後你一定會對佢另眼相看，佢地既食物真係有驚喜！入到去之後餐廳環境好舒服，細細的，而店員亦都好主動咁樣同我地介紹返餐牌上面嘅食物，最後我哋兩個叫咗set lunch set, 1.墨魚汁pizza$88+($30 加一款配料) 2.帶子risotto $138 再加埋黃金薯條 $58 同王牌法國朱古力蛋糕$48 午餐會跟一個蒜蓉包沙律同埋餐飲我最想同大家推薦呢個跟餐蒜蓉包 , 因為呢舊蒜蓉包真係好鬆脆 而且有香濃蒜香味 重點係熱辣辣架 好正!!睇得出係手心機整 另外我再加＄15轉左杯士多啤梨乳酸特飲 特飲上面會打入份子泡泡 影相就幾有gimmick 喇~ 兩個主菜終於都黎到啦帶子意大利飯黑松露味好香而且帶子用上刺身級 食落去外面烤香而帶子好口肉非常好味，意大利飯都煮得外軟內硬好有口

昨晚與朋友在北角的Villa Villa，吃了極滿意的一餐意大利菜。店子不大，但卻有一種歐洲小餐館的醉人氣氛。小食的黃金薯條已先聲奮人。炸薯條加了咸蛋黃去炒，中西混合，邪惡卻美味，令人把卡路里及膽固醇等置諸不理。至於加了墨魚汁在餅皮的double cheese pizza夠晒脆，帆立貝意大利雲吞夠晒鮮味。不過我同朋友最like是那個三文魚寬條蛋麵，那種帶點硬的口感一定是自家製手作意粉才有此效果！最後吃了個賣相甚佳的tiramisu，來完結美味的一餐。價錢方面算合理吧，至少比大餐廳便宜呢！

聽說這是一間開業不久的小店, 今晚要一嚐功架嚕~~北角站一出, 過馬路就見到Villa Villa的展牌, 往內街一看, 已經見到餐廳本尊.店員說這裡幾乎所有澱粉類食物都是自家製!首先是前菜沙律配配的面包, 很軟熟, 很香~不錯。網上看見很多人都極力推薦［黃金薯條］，我也不錯過點了一份，很多咸蛋黃碎沾滿所有薯條, 吃一口超燙口，既有薯條本身的香口+脆, 加上咸蛋黃的咸香粉粉的感覺，真是很完美又邪惡啊！！就算放了一會再吃，沒有熱騰騰的感覺，　薯條依然很香口吸引！主菜點了［巴馬火腿薄餅］和［煙燻芝士帆立貝意大利雲吞］巴馬火腿薄餅舖了很厚的芝士，厚得薄餅底也受不住軟下來，味道可以，火腿很多，吃了一塊半已經很飽，要投降留肚試下一味。濃郁的芝士汁包裹整顆手工意大利雲吞，咬下厚度剛好，煙韌有咬勁，味道也很對，再沾點芝士汁，更加可口，忍不住再吃一顆，而帆立貝也是毫不吝嗇，十分大顆，煎得輕帶金黃，很是吸引。我已經飽到不行了，同行友人還非要吃甜點［蘋果金寶］，即焗的自家搓製外皮很脆，內裡是炒過的日本富士蘋果，朋友不停咀可惜我不太愛甜品又是一個飽到不行的晚上...

lee 晚我地team 一齊食個年尾飯，阿頭做東，佢話朋友新開餐廳，一於去試la。位置可以由北角站B1 出口書局街ge 空隙入去，果度以前係車房，依家新開幾間餐廳，事不宜遲，即刻睇下食mei la, 我地已經問左招牌菜tim, 結果有4個set, 一個小食，兩個甜品帆立貝意大利雲吞: 原來廚師曾經跟米芝蓮廚師學習，果然係招牌菜，意大利雲吞雖然入面無餡，但皮唔會過厚，咬落煙韌，白汁有茄汁同菠菜，好夾，而帶子又煮得好食煙三文魚蛋黃闊麵: 入面有煙三文魚碎，唔會令人覺得食左好大塊魚肉，有時煙三文魚會有d 腥味，lee 個加左白汁或其他汁煮處理左，同埋有雜菌，好食好多雙層芝士x墨魚汁pizza: 欣賞佢薄餅底，而且好特別因為底層用墨魚汁染成黑色，另外唔會太重芝士味，非常好食烤雞雜菌意大利飯: 個飯用咖喱煮，鍾意佢辣辣地，本身加左茄汁，帶酸酸地唔錯ga黃金薯條: 用咸蛋黃炸薯條，幾特別，鍾意蛋黃咸香ge 朋友會覺得好好食意大利芝士杯: 用手指餅做底，上面有葉，朱古力做樹枝裝飾，有一粒粒似魚子醬，其實係似份子料理將芝士打成粒粒，食落唔錯，唔會過甜法式75度朱古力岩漿配雪糕: 上菜時碟野好似一幅畫，