火鍋撚 (日富里百好大廈) (已結業)

放工約咗個好耐無見嘅舊朋友食飯😽身為火鍋愛好者嘅我哋異口同聲想打邊爐🍲諗起上次同公司同事食過「火鍋撚」覺得幾正🙌🏻今次決定帶埋呢位舊朋友再次回味🍻朋友第一次食嚟到餐廳覺得環境幾有武林風嘅感覺由其呢間西環分店我哋揀咗個位牆身畫上鷹爪好似想搶我哋嗌咗嘅美食咁haha😆🤍Nice!又一間用QR code落單嘅餐廳怕羞唔想同職員講嘢嘅我真係好欣賞呢啲餐廳肯用QR code📱界面易用又唔洗掂餐廳油淋淋嘅餐牌用返自己手機點餐真係方便好多👍🏻👍🏻🤍我哋嗌咗個鴛鴦湯底🔥祖傳秘製麻辣鍋+蜂巢豆腐白湯鍋🔥極品安格斯肥牛（大）🔥肥美鮮鵝腸🔥蜂巢牛肚（半份）🔥流心鹹蛋黄豬肉丸（半份）🔥黑松露墨魚滑（半份）🔥黄金蛋黄炸魚皮（半份）🔥杞子龍眼菊花蜜（一渣）🔥本地生菜（一份）埋單兩個人1000左右除咗湯底之外最欣賞係有好多鹹蛋黃系列嘅小食/餸菜選擇對於鹹蛋黃星人嘅我哋🧡最愛個流心鹹蛋黄豬肉丸🧡出面真係好少見丸類係有鹹蛋黃餡料☺️幾乎所有菜式都有得揀半份 好細心鵝腸、牛肚、生菜都好新鮮當日星期四仲有得免費任添我哋最愛嘅鴨血+蜂巢豆腐我地前後都加咗3次食完勁飽🤰🏻🤰🏻無諗過本身我哋兩個女仔入嚟之前都話唔太肚餓食食下竟然愈

趁放假，相約細妹去一間想食好耐的火鍋店，因為店名很得意所以特別想去試吓。好彩我哋早去到仲有位，到六點零已經座無虛席。一坐低我哋馬上揀咗個媽媽滋補老火湯湯底。係打邊爐急不及待飲左幾啖湯香濃冇味精，好正！我哋叫左一碟黑豚肉，一碟骰子牛肉粒，一碟6粒蟹子手打蝦丸，一個手打蝦滑，同埋一碟黃金蛋黃炸魚皮。碟黑豚肉超好食，肥瘦均勻，淥一淥軟淋有肉味，十分推介。骰子牛肉粒都唔錯，一粒粒口感比一片片有咬口，整體偏肥，烚耐咗都唔會硬，勁有牛肉味。蟹子手打蝦丸同埋手打蝦滑食落味道差唔多，都非常爽口彈牙，不過建議只係叫其中一樣，咁就可以留肚試更加多其他嘢。黃金蛋黃炸魚皮好香鹹蛋黃，鬆脆香口，非常值得試吓。最後佢每位會送一個甜品，可以揀腐竹糖水或者芋圓糖水。我哋兩個人各叫咗一款。佢嘅盛器好可愛，好有古代風，可以攞嚟打下卡。腐竹糖水係類似豆腐味沙冰，好香豆味，唔會太甜。芋圓糖水入邊有紅豆，珍珠，仙草，小丸子同埋芋圓，珍珠和芋圓都好有咬口，而小丸子就似湯丸咁。本身諗住火鍋店做甜品唔會太出色，但佢嘅甜品絕對比到我哋驚喜！

今日假期同班fd岀遠d食返餐晚飯先，當然打邊爐係一個大家喜歡的選擇補一補 order 左個媽媽滋補老燒湯鍋只需 $118，有雞、粟米同肉，幾豐富我地繼續咸蛋黃熱潮，黃金蛋黃炸魚皮 炸岀來熱辣辣好脆，帶有咸蛋黃味，一碟幾個人分唔會好邪惡見到秘製黃金鮮魷 係店舖推介，當然要試下啦，鮮魷唔會un，令我越食越想食食完前小食，點左碟火鍋撚御用手切肥牛(大) 唔洗 $300，牛肉淥幾秒食得，入口很香牛味又嫩滑，禁不住食多左幾塊鮮牛黃喉(限量)唔係周圍有得食，很爽口呢度仲有烏龍茶飲，食多幾次火鍋撚都無所謂火鍋紙上有很多款人氣推介，簡直花多眼亂今次我地個湯底好多材料仲有小菜食

今日遲了放學，大家練舞都很累；不約而同地話齊齊晚飯吹水直落。有人提議打邊爐，既可一面食嘢一面傾計又可以坐得耐些。於是上網睇睇，找到附近有間自認火煱了得的食肆，勾起我們好奇心於是就去試一試。內裏佈置很特別，有中華特色但又溶入些東洋味道，花了唔少心思。環境寬闊，毫無擠迫和嘈吵感。媽媽滋補老火湯煱有瘦肉、猴頭菇、粟米、紅罗白、 杞子和蜜棗等等，用料十足好有自家湯感覺。清甜滋潤，健康之選。日本特級帆立貝好大隻的帆立貝肉質精瑩通透，放在冰雪上面由職員奉上；其品質之要求可想而知。黃金蛋黃炸魚皮黃金鹹蛋魚皮係佢嘅皇牌, 金黃色一片片。新鮮卽炸，脆卜卜又惹味；認真好食!👍生猛蟶子皇很大隻又厚肉，淥一陣離殼卽熟；肥美鮮甜肉質幼嫩。👍安格斯肥牛(大)擺盤精美，牛肉掛在竹上。一片一片充滿油脂的牛肉，肉味濃郁而色澤鮮紅；不需加任何配料已經美味無窮。鴨血以$22價錢份量確實唔少，食落嫩滑。鴛鴦滑滑拼盤黑松露墨魚滑D黑松露味十分濃郁，令人喜出望外。蝦滑爽口彈牙可以用木棒分割成小塊。鮮榨西瓜汁啤酒

今晚朋友帶我去西環打邊爐，朋友話果邊有間火鍋撚幾出名當然要試下啦！餐廳怖置幾特別，一入門口見到有一個兵馬俑人像系度，隔離仲有白飯任裝，餐廳坐位舒適又有大大個卡位。黃金蛋黃炸魚皮，啖啖咸蛋黃包住魚皮，魚皮好鬆脆又香口。媽媽滋補老火湯鍋，有半隻雞，粟米，蜜棗，猴頭菇等。真是好足料湯又鮮甜美味可口。御用手切肥牛（大），牛味香濃，油脂平均分怖，肉質嫩滑，仲溫馨提示灼8秒。手打雙重芝心丸，好彈牙里面仲有啖啖芝士好香濃。蟹籽手打蝦丸，蝦丸好爽口彈牙好好味。生猛聖子皇，大大隻又鮮甜又好新鮮。最後免費送糖水我選芋圓糖水，因芋圓和小丸子是我的至愛，芋圓又煙煙韌韌好美味。