度小月 (時代廣場) (已搬遷) 新店位置

仲有個半鐘先入場睇戲，咁搵間唔需要慢慢嘆的餐廳，行到去時代廣場的度小月人唔多，唔使等位，試試無妨。地方簡潔，餐具乾淨，第一關合格祖傳肉燥飯：細細碗三口飯，係有肉香味，但飯無香味擔仔粿條：則係河粉喇，上檯暖的，份量如我拳頭，兩口包你食哂，雖然只是$28，但比較份量就好貴囉，而且味道完全不像我在台灣吃的花生豬腳：花生同豬腳都炆得好淋，但無咩味黃金蝦捲：算係最好食嘅一碟，蝦捲熱辣辣、香脆可口、炸粉唔算厚，加埋芥末醬油都幾好食老實講一啲台灣風味都無，銀碼雖然細但份量仲細，所以算貴，而且唔好食，我都係去台灣先至再食度小月了😓

「度小月」早在之前去台灣旅行時已久聞其大名但不知為何，每次去台灣總是因各種原因而吃不到還好他們終於來到香港開分店了！！招牌「祖傳肉燥飯」當然一定要試了肉燥很香，配上濃濃的肉燥汁，一個人KO一碗真的不是問題甚至有點意猶未盡，不過還是留肚吃其他美食吧排骨湯是特別推介湯品，沒有放在固定的菜單上味道很香濃，排骨煮得爛溶，非常滋補又惹味「紹興酒香雞」酒味很香，但吃進口酒味卻不會太濃就連是平時不喝酒的朋友也吃了好幾塊滷水豆腐很容易做，但要做到入味卻是很有難度的「古早味滷豆腐」卻是極為入味細滑的豆腐，加入香濃的滷水味，真的是無敵啊！！「黃金蝦捲」外表炸得香脆內裡的蝦肉則很鮮味彈牙，非常值得一試個人最最喜愛的是這個「台南芋糕」芋頭味非常香濃，芋糕是一絲絲的，更能吃出芋頭的質感喜愛芋頭的朋友一定要試試用上新鮮的百香果，味道濃郁，好飲！！

台灣度小月我細細個跟團就食過，香港度小月都係第一次食，尖沙咀店既評價好壞參半，今晚等我試下銅鑼灣店先首先上枱既係豆腐，個汁都幾咸，似蠔油。豆腐實淨唔易散D胚芽本身十分脆既，但痴住d冰好難吸。整體味道偏淡，唔算甜。而且成杯都係冰，過多冰要扣分。麵質ok唔冧，湯底少咸，配上少量肥豬肉，整體份量太少，多少少會更好。D飯幾好咬口，細細粒，煙煙韌韌肥豬肉切得好細，同飯粒差不多大，混合起泥食，好夾外層炸得又脆又硬入面係蝦肉加豬肉，幾好味炸粉算薄，幾脆下，有輕微椒鹽味，整體味道都係偏淡，可以再重口味少少。最後附上大家期待已久既餐牌！如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️