一番風味 (已結業)

之前來過食午餐，已經給他們的招牌羔蟹粥吸引著，今晚就再來試一下吧。簡單的中式餐館佈置，地方都頗大，座位闊落。餐牌選擇多，以海鮮居多，仲有多款一番推介。今晚就來一個海鮮餐吧!今晚是為了招牌羔蟹粥而來，當然先來一窩吧，份量足夠5-6人進食，所以2個人足足可以分到飯每人3-4碗，十分滿足。整煲蟹粥都是橙黃色的，應該是用了好多蟹膏煲成的，食到蟹膏的鮮香，粥內有一隻大膏蟹，蟹拑亦算大隻，啖啖肉，吃得出蟹膏蟹肉的鮮味。粥底很鮮甜，煲得綿綿的而又濃郁。另外點了黃金蝦，肉質彈牙爽口，外層炸皮顏色金黃，每隻蝦都被鹹香可口的鹹蛋黃包圍著，帶有香濃的蛋黃香，非常邪惡，最好的是蝦身已脫殼，所以食起上來十分方便。還點了2 隻蒜蓉粉絲蒸蟶子($68只)，新鮮的蟶子用來蒸會很鮮甜嫩滑，蟶子清洗得乾淨無沙，加埋超級惹味嘅蒜蓉，粉絲亦吸收所有食材的鮮味，正!

一月中下旬星期二，天氣寒冷。這星期天氣驟降，友人跟我都想要吃點暖胃的，經過這家餐廳看到有蟹粥，就進去試試看。裡面格局挺大，可以容納幾張大桌，東西也整齊。被安排在卡位坐下後我們都逼不及待先點菜。先點小菜開開胃，最先上的是黃金蝦，這是我第三次吃黃金蝦，三家的做法都不一樣，這裡的蝦子是可以連殻吃，就算涼了一點也不會變硬，可以原隻咬嚼，而且蝦子本人是有調過味，不像其他以為有咸蛋黃就是有味道，很出色。然後有蒜蓉粉絲蒸蟶子，我們點了一人一隻，蟶子王當然大隻，粉絲鋪滿整隻蟶子王，很爽口，從粉絲就可以看到大廚非常注意每個細節。重頭戲招牌蟹粥糕蟹上桌，服務生細心幫我們分好一碗，可以看到瓦煲裡的粥還在翻騰，蟹蓋足有手掌大我最愛吃蟹蓋，把裡面的蟹膏混進清甜的粥裡面，蟹膏的鮮香在口裡回甘，蟹肉很嫩，我們不知不覺已經全吃光。這裡的蟹粥的粥底很鮮美，一問之下原來師傅會先用小蝦小蟹還有蟹膏跟粥一起煮，確保粥入味，而且米粒有跟珍珠米混合在一起，所以粥體綿密。我們都為今晚找到這家小菜高水準，蟹粥回味無窮的餐廳覺得非常滿足。寒冬來一碗熱騰騰的蟹粥，是一種小確幸。

今日係灣仔放工，同班同事想搵D中菜食但又唔想食大排檔同洒樓，就上網搵左呢間一番風味，8點鐘入到黎唔洗等位，坐底一打開個餐牌就已經被第一頁吸引既菜式吸引住，就係招牌蟹粥，其後我地重叫左黃金蝦、脆皮牛腩、欖菜蒸班球、上湯時菜.......黃金蝦先打頭陣，蝦連頭一齊炸，再加上鹹蛋黃漿，入口一D都唔粉，連蝦頭都食得，之後重頭戲就黎啦，糕蟹蟹粥，一開蓋撲鼻而來好香既蟹味，個粥不但好足料，用足一隻糕蟹煮，侍應幫我地分個陣，每一碗都有蟹糕，成碗粥有好有蟹味，值得反食繼而黎左味班球，魚都係新鮮，食唔到有腥味，之後個牛腩好有驚喜，我未試過咁樣食牛腩，外脆內軟既感覺真係好正，無幾何食牛腩會有呢種感覺，最後既時菜可以清一清腸胃，上湯一D都咸，食完都唔覺口渴！

行開灣仔做完運動，同埋啲朋友仔一齊食飯，朋友推介依間嘅水蟹粥好好食，所以我地試吓先，叫咗個招牌水蟹粥，四個人每人可以有兩碗，一黎到見到個水蟹粥顏色已經好吸引，仲好大隻糕蟹，蟹粥好鮮味，非常多蟹膏，整整一隻糕蟹去煮，個粥索晒糕蟹嘅精華，另一個，叫左脆皮牛腩，炸得好香脆，牛腩鬆軟吾so，黃金蝦，炸得好香脆，連嗰啲皮都食得，勁香鹹蛋味，正到爆，回味無窮，欖菜蒸斑球，魚鮮甜，吾腥，斑球大件冇骨，配上欖菜一絕，上湯菜心，菜心爽口，正，而且服務很好👍🏻

與家人相聚吃飯，想起早前吃過的一番風味很不錯，決定再訪。黃金蝦每枱必叫的黃金蝦沒有令人失望，鹹蛋黃包裹著肥美大蝦，大蝦隻隻肥美飽滿，外皮炸得香脆甘香，十分惹味，送飯一流！果然是每桌必點的菜式！蒜香炒龍躉爸爸最愛食龍躉，龍躉件頭很大，皮厚肉香，滿滿的份量，配上青綠西芹可以解膩。避風塘炒蟹滿滿的鋪著大肉蟹，蟹肉豐滿鲜甜，炸蒜炸得很香，味道融入蟹肉之中，單是炸蒜本身也可以吃上幾碗白飯，每次來都再三回味！

今晚下班到附近灣仔食晚飯。好友説想吃蟹粥，所以我們就上網找一下有沒有好吃的蟹粥店。見到這間餐廳的comments也不錯，所以就來到試試。一入餐廳，會有種懷舊香港風情，也許因為有些以前香港的黑白照，幾有feel。菜譜有很多不同的選擇，也有很多不同的海鮮菜式。我特別喜歡吃海鮮，所以很開心。這裏的食物很新鮮，而烹調得好吃。下次會再來試試其他海鮮菜式。我們叫了以下的食物吃，感覺滿意滿足。招牌蟹粥（糕蟹）$388一熱啦啦，剛㷛起就上枱。真係又香又好吃。非常真材實料，好多蟹膏，蟹味濃，蟹肉結實鮮甜。粥是綿綿粥，而且入味，不會太水，食完會有飽肚的感覺。黃金蝦$118-炸漿脆鬆化，脆炸漿上又有金香的咸蛋黃味，蝦肉彈牙，而且很鮮。非常好味。蒜茸粉絲蒸扇貝$116-扇貝很新鮮，粉絲吸了蒜茸的香味和扇貝的鮮甜味加上特別調過的鼓油汁，真的相當美味。

大約一年前黎食過一年後今日再黎水準果然保持到決定打編食評讚下拒餐廳主要食Fusion 既中菜、同埋海鮮今晚又係一班老朋友食飯一於食中菜圓枱可以傾下計啦😌Book 左7:30 pm 有d朋友要OT 決定叫住d野食 邊食邊等點知一叫就叫哂😂同員工講慢慢一樣一樣上就得架喇 姐姐都笑我地😆我就食過兩次，有朋友都食過但第一次食既人都讚，環境企理 乾淨野食新鮮除左有一個哥哥對拒講野要大聲d外😆其他都好好服務啊一次會再帶朋友黎試海鮮🐠🐟

放工之後，我地就急急腳去左搵食，搵到呢間灣仔地道老字號，又係食海鮮,就入左去！一黎到d姐姐就推介哂我地食咩，我地問左係咪新鮮之後就叫左野食！首先黎到既係呢味避風塘炒蟹，斬唔知幾耐無食過呢一味菜。呢道菜最緊要係蟹夠新鮮，同埋蒜要炒得夠香，呢個菜兩方面都做到！之後，就到呢一味蒜蓉蒸粉絲，呢個菜只要夠新鮮就好正，唔好話我唔提你，最好食係粉絲！最後就係呢一道黃金蝦，即係咸蛋黃炸蝦，咸蛋黃炸梗係又香又好食，而且蝦係炸到就咁食都得，所以超級推介！

今次又來到灣仔一番風味因為上一次跟媽媽吃過覺得他們的海鮮真的很有品質保證! 今次來到～發現他們有新款菜式 我們當然要立即試一下他們的新蟹煲吧! 這個金榜醬蟹煲$298(另跟法包) 是他們推介的新菜式 當中金榜醬其實就是有一點像架央的味道甜甜的並不辣～看看蟹鉗肉質很厚！吃過蟹肉就當然要用法包把汁吸盡～法包超惹味的～我覺得一定要再加白飯 這個汁拌飯一流～另外我們又試了黃金蝦 ($118)賣相精美 而且很有咸香味 但就有點油 可以弄得更乾身～份量很足 蝦肉厚身 最後還有兩隻風沙鮑魚($96) 脆脆炸粒加上腍腍鮑魚肉 絕配如果可以再加炸蒜粒的話 這就更加惹味了!!

朋友在灣仔放工，說常常經過看到門口好吸引的「蟹粥」貼左門口，所以今晚決定一試！在大街上都很容易找到，入到去牆壁上都貼上昔日的香港照片，很有香港情懷。7點到步，時間尚早都很快店員就安排坐位，底下看看餐牌，我們點左以下幾道菜：1）招牌羔蟹粥2）黃金蝦3）蒜香炒龍躉球黃金蝦香脆可口，鮮味十足而且很入味，蝦身已經係除左殼先炸令味道更鮮甜更加入味👍🏻金黃色的粥底外觀非常吸引，而且香濃鮮味，蟹糕豐富蟹肉新鮮甜美😍粥的口感又綿又香💓岩晒喜歡海鮮的朋友蒜香炒龍躉球，外觀看似一般般，但食了肉質滑嫩可口，非常細滑，而且很新鮮。整體餐廳服務很好，環境舒適，是個聚會的好選擇。會選擇再光顧的餐廳。

老公轉左去灣仔返工後，兩公婆好多時都會去灣仔食晚飯後才回家，兩個人返去煮又麻煩，又要買又要整，其實同外出食飯價錢又不會差太遠。今次見openrice有幾多好評，所以試下這間一番風味。離灣仔站5分鐘路程，不算太遠，餐廳地方都幾大，乾淨企理。店內有多張以前香港的相片。啫啫通菜煲有蝦米、瑤柱、肉碎及薑爆香後，加上咸蝦醬一起炒通菜，通菜爽脆，有咸鮮香味，非常惹味但比較咸，送白飯就一流。黃金蝦色澤呈金黃色，外層包滿著咸蛋黃，香味十足，蝦肉新鮮爽口，蝦殻炸得香脆，口腔內充滿啖啖蝦肉及咸蛋香，而且一碟有八隻，兩個人夠食有餘。膏蟹粥蟹粥非常大煲，一鍋約有四人份量，共有一隻膏蟹，蟹粥呈黃色，還有少許米粒狀，每啖粥都充滿蟹膏，鮮甜無比，而且完全無落味精，食完返到屋企都唔覺口渴。總括而言，蟹粥鮮味十足，是必食之一，同老公兩個人一人食左三碗，飽到上心口。

今天到灣仔看完展覽，同事提議到這家位於灣仔道的一番風味 。從門外看入去以為地方不大，卻想不到原來內有乾坤，座位是頗舒適闊落的。服務周到有禮的侍應，更為我們推介食物 。黃金蝦 $168 蝦殼脆香，蝦肉鮮爽，帶著濃濃的炒蛋黃香氣。星洲炒辣蟹 $288點了少辣，以原隻大蟹加辣椒爆炒，鮮甜肉厚， 蟹蓋像手掌般大，最愛把附在蟹蓋的蟹膏混入白飯同吃，是絶配。金銀蛋莧菜 $68 嫩綠的覓菜很有菜香。菠蘿咕嚕肉 $68 以肉片做的咕嚕肉，稔滑有肉香，青紅椒新鮮，醬汁調味適中，不會過酸或過甜。菜牌的食品種類選擇不少，也有非一般的菜式，價錢豐儉由人。