友義氣‧酸菜魚 (已結業)

▫️白飯$10@碗▫️免加一 （真係好抵）☑️ 鮮果咕嚕肉 - $88一拎上黎就好吸晴，店家用鮮菠蘿更顯誠意。菠蘿面頭有炙燒過嘅效果，香甜多汁。咕嚕肉份量吾少，而且炸得脆口，熱辣辣脆卜卜時最好食，加上超黏酸甜汁，每一啖都甜酸十足，十分開胃，食到停吾到口。配菜洋蔥同三色椒同樣炒得香，而且火喉剛好，吾會過淋。☑️ 鹹魚雞粒豆腐煲 - $88用煲仔上菜好熱，豆腐同雞粒分別炸過/煎香過，仲要完全冇燶，證明火喉剛剛好，再連埋鹹魚同調味料炒，真係粒粒都好入味、鹹香惹味好好食，撈飯一流。☑️黃金軟殼蟹 - $115雖然表面上冇咩流沙，但其實每一啖都食到濃濃嘅鹹蛋黃味，軟殼蟹炸得十分香脆，外脆內軟，冇腥味，口感味道都一流，而且大件得黎份量都吾少，另有沙律菜同生菜絲墊底，雖然有d熱氣，但絕對值得一試。☑️大檸樂 - $22雖然有熱水免費提供，但都係會忍唔住叫凍飲，於是叫左杯大檸樂2個人飲，真係好大杯。

Hello,又係我由於太多野想食，2星期食第3次啦今次同男朋友仔星期四放工黎食夜晚。叫左2個小菜加白飯同一杯大檸樂。麻婆豆腐: 完全估吾到用有火燒住ge鍋仔上啊！可以keep住熱，佢豆腐好滑，都多肉碎同多汁，撈飯一流，都有d辣黃金軟殼蟹: 椒鹽，避風塘，同黃金我都試過曬啦， 我覺得最好味係黃金， 好香鹹蛋黃味又吾辣😆超正， 軟殼蟹大大份，有肉汁又有鹹蛋味 ，最緊要係唔使剝殼， 一啖咬落去就得xdd小店吾洗加一，200幾蚊就食飽飽我仲會再黎嫁❤

開左2-3星期既小店，小清新風格，乾淨舒適。有個客仔比錢搵散銀，店員下次先比啦，人情味真係小店先有。🥢酸菜魚🥢 $188 標準 絕對係色香味俱全 ！個盤大大隻字寫住「魚好吃湯更好喝」無理由唔飲個湯，個湯鮮而不腥，且順清不太油膩，泡飯食好正，魚就柔嫩滑溜，唔知係咪我叫左BB辣，泡椒味輕手左，係差在呢個點上，完全可媲美內地食既，仲要健康D。🥢黃金軟嗀蟹🥢 $115睇得出大廚好有經驗好有技巧，炸到好乾身香脆，出面好多黃金乜乜，一味追求多唔多黃金，仲要搞到好油膩。呢到我最驚嘆就係佢個炸野，鹹蛋黃好似mix入左炸漿咁，乾身不滴油，就咁睇就唔係好多鹹蛋黃，但係鹹蛋黃味愈嚼愈起勁，愈嚼愈香口，最重要完全唔油瀝同埋應覺到佢地猛火熱油，好熱氣但好正！🥢雞絲粉皮🥢 $58無話特別驚豔，不過天氣熱熱地好岩食同埋食左咁多重口味野要食返清新D既野，粉皮涼涼地加埋青瓜幾清爽，加埋胡麻醬好開胃。