彩興來來火鍋 (已結業)

自從男朋友搬番黎將軍澳之後 我地都好落力發掘呢頭有咩好野食 今日就黎左朋友介紹既呢間火鍋店Menu餐具原來一早已經整齊咁放左係枱上面 我地睇唔到 竟然仲想問職員拎餐具添黃金雞湯 ($188)一坐低就叫左朋友介紹我地試既黃金雞湯底 真係有成半隻雞咁多店員首先用水幫我地洗鑊 之後就開火 用蒜頭爆香個鑊 再放入鮮雞件.花膠.蟲草花同鮮淮山一齊炒 全程有店員幫手 我地就坐定定等食炒到咁上下 店員就倒埋雞湯落個鑊煲左陣 滾左之後就裝左碗雞湯黎飲 感覺好滋補 花膠鮮甜 雞肉都夠嫩滑 d雞食到七七八八之後就開始打邊爐了即炸響鈴 ($48)響鈴一向都係打邊爐必點既 呢度仲係即叫即炸架添 用筷子夾實 然後放落湯度淥一淥 一口咬落真係好酥脆美國肥牛 ($98)一塊塊機切既肥牛排得好靚上碟 比一般既肥牛厚切同大份蟹籽墨魚滑 ($88)墨魚滑打得好靚 望落晶瑩剔透 但係無想像中咁爽口彈牙蔬菜拼盤 ($88)我地好中意食菜 所以特登叫左個蔬菜拼盤 但係真係無諗過有咁大份 有蕃茄.娃娃菜.唐生菜.金菇.薯仔同粟米 蔬菜好新鮮 簡直就係四人份量 好抵食薏米柚子冰 ($68)唔會太甜 好清涼又開胃消滯 岩晒打邊爐飲

今晚有朋友係將運澳住話有間新開打邊爐係pop corn商場行過去大概10分鐘左右我們早去都唔太多人，到了8點左右開始有人，都差不多滿座，十分熱鬧！黃金雞湯（半隻）點左黃金雞湯，首先落左蒜頭和薑炒香，再落半隻鮮雞去爆香之後就加入湯再加埋花膠，待滾左之後就可以飲十分鮮甜美味頂級安格斯牛頸脊份量都好足夠我地4個share食，牛肉很鮮味又林而家十分入味！芝士響鈴芝心的響鈴都是第一次食，是即叫即炸！炸得都唔會好油都唔錯，帶有芝士味都幾特別黑松露鮮蝦餃鮮蝦餃都很大粒，才料都很足夠，配上黑松露的味道，好香濃白蘿蔔白蘿蔔都很大片，吸收湯的精華，十分鮮甜美味

M佬：生鐵鑊可以用嚟做咩？A姐：炒菜炒餸囉！M佬：啱一半啦！A姐：仲可以用嚟做咩呀？M佬：咪就係打邊爐！傳說中用生鐵鑊打邊爐嘅就係呢間位於將軍澳嘅彩興來來火鍋，一入到去就見到每枱都有一個生鐵鑊，真係無花假！黃金雞湯店員會先用蒜頭爆鑊，發出陣陣蒜香，好吸引。等生鐵鑊夠熱，再放鮮雞件，略略煎香就再加入花膠、蟲草花同鮮淮山，最後倒埋雞湯煲10分鐘。滾好之後唔係即刻用嚟打邊爐，先飲雞湯。味道清香，有淡淡嘅雞味，感覺滋補。花膠好大舊，非常鮮甜，正！飲完嗰湯，就可以正式打邊爐。日本黑豚五花腩五花腩肉質嫩滑，豬味濃郁，加埋少少油脂香，正。欣賞佢唔係切到好薄，口感豐富。即炸響鈴呢到嘅響鈴係餐廳新鮮炸起，所以嚟到仲係熱辣辣。我哋強烈建議大家趁熱食，放落嗰湯浸一陣，就食得。醬爆四色丸4款丸包括柚子墨魚丸、芥茉芝心鮮蝦丸、黑松露蘑菇牛丸同花膠粒北茹肉丸，粒粒都非常足料，特別鍾意柚子墨魚丸，無諗過清新嘅柚子醬同墨魚丸咁夾。鯇魚腩鯇魚新鮮，魚肉嫩滑，入口鮮甜，啖啖肉！（記住Like同Share畀朋友）By A姐M佬 玩樂日記

有朋友住帝景灣先知呢度有間真材實料的火鍋店.已經Book好台,所以唔洗等位.當日我地點左黃金雞湯(有花膠,蟲草花) , 鮮鯇魚湯, 一次試哂兩個湯底兩個湯底都好足料...等到個湯底滾起, 就先喝湯,魚湯真係十分夠味,唔會有腥味!! 雞湯吸收哂所有的精華,一啖花膠一啖雞,女仕補補身咁凍的天氣打邊爐. 喝完成個人都暖立立呀呢度係自選火鍋,,唔係任食, 有便有貴, 一分錢一分貨呀呢度的醬料亦都相當出色, XO醬好夠料,食到粒粒分明而我地相當喜歡食辣!! 如無辣不歡的你..你都要試下佢的麻辣醬,辣得好過引,食完一啖再添一啖, 好滋味即炸響玲,,好脆!!招牌三併餃, 好大粒好足料牛頸脊, 一試難忘所有食材都好新鮮, 好有水準, 一定會再黎過

朋友搬入將軍澳帝景灣，我們HOUSE WARMING後諗緊晚後食乜好，屋主話帝景灣商場內有間火煱店唔錯可以試下，咁我就跟大隊去打邊爐喇!門口的招牌寫住即叫即煮，初時我還以為係講緊小菜添，朋友話原來湯底係即叫即煮。餐廳裝修簡單，光潔明亮，餐俱有特式，碗係心形。點餐紙共二頁，食物種類多，今次我地特意嚟試該店自家製的食物，聽朋友說水準很高呢!職員先把醬料盤拎來比我地調配，有好多選擇，包羅萬有~接著職員打開鍋蓋為我地準備湯底，一打開蓋先知下面係一個鑊，有別於平日火煱店所用的鍋，好大個呀!黃金雞湯黃金雞湯的材料有雞~蟲草花~花膠~鮮淮山。職員會先將火鍋湯料以薑蒜起鑊，爆炒之後加上雞湯去煲。煲好後香濃的雞湯味撲鼻而來，我們每人一碗立刻品嚐雞湯滋味，湯好甜~不鹹也不油膩，花膠好淋好滑，雞肉彈牙而鮮淮山爽口。由於我們不停地飲，湯已經不夠用來打邊爐，職員為我們添加了上湯。頂級安格斯牛頸脊(大)冰鎮登場的頂級安格斯牛頸脊份量很多，看得出油脂雪花分佈平均，肥瘦比例岩岩好，每塊灼十秒入口，牛味很濃而不羶，肉質嫩滑軟腍。西班牙黑毛豬肉質較有彈性，豬肉味濃。醬爆手打丸醬爆手打丸有: 柚子墨魚丸 / 芥末芝心鮮蝦丸

星期三下午休息，上左老友帝景灣新居打機，屋苑裝修設計好豪華好靚。我地兩個由天光打機一直打到老婆們收工過到黎先開餐，老友提議去佢樓下商場打邊爐，雖然我覺得好奇怪(因為由佢屋企望落去係完全見唔到有商店的)。我地7點半出發經帝景灣後門穿出去，原來真係有一個商場係度，老友提議食呢間彩興來來火鍋係商場1樓，外觀普普通通，望入去亦只得一枱客，感覺唔太靠得住，不過既然係地膽老友推介，我同老婆都冇建議食其他。我地坐左係一張四人枱，餐廳裝修簡約燈光明亮，座位寬闊，環境唔錯。由於只得兩枱客人，店員可以慢慢介紹餐廳菜色。菜單好簡單，只有兩頁，我地揀左$188的黃金雞湯底，因為呢個湯底有兩個女士都好鍾意嘅花膠。彩興的火鍋方式好特別，店員會先將火鍋湯料以薑蒜起鑊，之後炒香火鍋湯料再加入煲好的雞湯去熬。我地揀呢款黃金雞湯材料非常豐富，除左有半隻鮮雞之外，仲有花膠、蟲草花同鮮淮山。湯底超香濃，雞肉好嫩滑，花膠我地就上繳哂俾老婆們享用。 花膠雞湯我地每人飲左兩、三碗差唔多飲清先加湯打邊爐。我同老友都係牛肉控，打邊爐必點大量肥牛，難得小店都有提供頂級安格斯牛頸脊提供，我地當然唔會錯過啦。 大份同例牌相差$60，我地揀左