Wagyu Ya (已結業)

要食靚和牛唔一定要飛鹿兒島，去尖沙咀就食到！呢間新餐廳好用心製作，我仲好欣賞佢嘅食字，Why argue when you have wagyu 😆Carnivore $888 一嚟到時大家都雙眼發光，拼盤有A5和牛西冷、A5和牛肉眼、牛舌、牛舌薄切、牛小排、牛柳條、牛肩胛，師傅建議先食牛小排、牛柳條、牛肩胛，呢幾款油脂無咁多，可以單純享受吓肉香先😋 牛舌薄切我個人覺得太薄太細塊，但厚嗰款真係不得了，輕輕燒過後，嫩到不得了，入口就化開咁☺️，同行朋友係個單身漢，都忍唔住同條牛舌交纏咗一陣。到壓軸A5和牛，肉眼油脂豐富，望落已經好吸引，食落真係好似大拖拿咁，只溶喺口🤤 西冷就帶有濃濃肉味，肉質軟稔，油花平均，食落都有溶化嘅感覺。黑松露和牛他他 $98 老實講，我同朋友都食唔出有黑松露，可能餐廳未finalize個食譜 (?)，但取而代之，個芝麻香將成個和牛他他都昇華咗，滑溜嘅口感加埋外層少少炙過嘅油香，配埋底下嘅沙律菜，好清新。Wagyu Ya和牛三文治 $388 師傅調味調得好好食，炸衣唔知點解帶有酸酸甜甜嘅味道，所以食落外脆內嫩，而且酸甜中和咗和牛嘅油膩感，唔會好膩，好好食。和牛鵝肝丼

今晚同男朋友黎到尖沙咀食日式燒肉，想食好少少，所以揀左新開既Wagyu Ya食晚餐。餐牌選擇唔多，侍應話餐牌係暫時既，以後可能會作出改動。除左燒肉，亦都有熟食提供。最終我地揀左黑松露和牛他他，豚肉同牛more拼盤。黑松露和牛他他有輕微燒過，帶出少少油脂，咬落唔會韌，好食。和牛他他用沙律菜墊住，沙律菜好爽甜，都好好食。跟住開始燒豚肉，原來係豬腩肉。我唔好豬腩肉，但都覺得好食。燒完唔會乾身，好好咬，帶點甜味。點埋佢個三款醬汁：燒汁，酸汁同岩鹽，味道更佳。牛more拼盤有牛肩脊，三角，牛小排同厚切牛脷，每款各三塊。樣樣個樣都好靚仔，燒出黎都冇失望，油脂豐富，完全唔韌，鎖住肉汁，有牛味。我地對呢餐都相對滿意。

尖沙咀多野食就係人都知，自問無肉不歡，不但喜愛吃和牛，更愈食愈咀叼，鍾意食勻牛的不同部位。近日就比我發現金馬倫道，開了間日式燒肉店，而且更有我最愛的A5和牛拼盤，當然要即時入內試試。進店後會發現一排吧枱坐，再往內走，會發現不少卡位，而且每個位置都有抽風位，值得抵讚。黑松露和牛他他和牛入口極富牛香，馥郁香濃，他們加入了獨特的柚子醬汁及Wasabi 芝麻為味蕾帶來極大的驚喜！入到來這裡，點可以唔叫鹿兒島和牛，下單後，師傅即叫即切，見到每一款和牛都脂肪纖細、比例均一，絕對是上佳的極品！！牛More拼盤拼盤中有：和牛西冷、和牛肉眼、牛舌、牛舌薄切、牛小排、牛柳條、牛肩胛。鹿兒島和牛油脂非常豐富，嫩紅色鹿兒島和牛上，充滿豐富的雪白油花。鹿兒島和牛其脂肪俱低溶點的特性，輕輕一燒一反，油脂香氣四溢、肉質軟嫩腍滑，入口即溶化在口腔之中，超濃厚的牛香，甘甜可口，肉質豐富，一食難忘。黑松露海老天婦羅天婦羅炸粉超薄，薄至見到材料的顏色及紋理，而且脆身不油膩，雖然經過油炸，但仍然能保留食材原有的鮮味。當中天婦羅炸蝦相當大隻，而且咬口彈牙，外脆內軟，正！慢煮和牛三文治 慢煮的方式烹調，半生熟的狀態上枱，而且和牛

在尖沙咀金馬倫道發現這間新餐廳Wagyu Ya，招牌上的紅色招紙仍未完全拆除，原來開業不久正在試業期間，顧名思義主打和牛。雖然店面面積不算太大但簡潔高雅，店員亦招呼周到且殷勤有禮，為我們奉上熱茶和介紹食物等。坐在吧桌前能夠親眼目睹師傅即場切割牛肉，所用的和牛均由日本鹿兒島直送，而桌上均放有網爐供食客自行燒肉。黑松露和牛他他將和牛略加炙燒，中心部分保持粉嫩，油花分布有如大理石一樣均稱，主要以油香為重，加上適量黑松露濃而不烈更添香氣。脆皮炸雞每件份量十足，外皮酥脆厚薄適中，雞肉保持嫩滑多汁。和牛三文治以兩片塗上牛油烘至薄脆的方包夾著吉列牛扒，以金箔點綴更顯矜貴，外脆內軟之餘肉汁與油分均相當豐富，配上自家製醬汁微微帶甜，唯一美中不足的是和牛扒中帶筋較難咬開。開始燒肉前店員為我們送上三款醬汁，由左至右分別為岩鹽、酸汁和燒汁。由左至右分別為日本A4和牛肩脊、厚切牛舌及豚肉。日本A4和牛肩脊油花豐富，略燒至半熟逼出油份，入口油潤細嫩又不失肉味和質感，配上少量岩鹽更能提升層次，而酸汁則比較清爽能夠中和油膩感。厚切牛舌同樣油脂豐腴，質感爽嫩多汁。豚肉預先以京汁醃製帶點鹹香，故無需另加調味已經香氣十足，