盛八食堂 (已結業)

之前都上網見到話呢間食蛋包飯都唔錯，好似都幾吸引咁。見到佢做團購現金券優惠，就決定去盛八食堂試下佢既蛋包飯啦！我叫咗黑松露地雞磨菇蛋包飯($98)，賣相幾好，黑松露都幾多。不過呢個都唔係正宗蛋包飯，睇完成個menu得兒童餐有西炒飯底+茄醬既蛋包飯，講真實在有啲失望，好想食正宗蛋包飯呀！但係呢個都唔差既，係雞唔夠滑，而且食落都幾濟下，而且好多味精，食完好口渴，一般啦。朋友叫左芝士野菌赤豚漢堡蛋包飯($98)，睇落都覺得好濃！同埋個蛋包飯一黎到就係咁既樣，個蛋包根本就爛左，好心就唔好拎出黎俾客啦！啲飯跌晒出黎核核突突咁，講真呢度食個蛋包飯又唔係平，真係應該再整過。赤豚漢堡好食係好食，但係真係好重味精，食完飲左2杯水都唔得，麻麻地。呢度最好食既竟然唔係蛋包飯而係小食。吉列盛合3點($53)，有洋蔥圈、雞粒同埋薯角。送黎既時候仲係熱辣辣，正！洋蔥圈同薯角都唔錯，係個雞粒有啲韌，都OK啦。今次黎完真係令我有啲失望，唔知係自己唔識叫定點，又或者可能香港真係冇正宗蛋包飯食得到，完全食唔返日本食到既味道。所以呢度即使用左團購優惠我都覺得麻麻地唔太抵食。

十月二十一日 (星期日)自從日本回來後，一直也未曾吃過蛋包飯是日跟友人行完，還未到看戲的時候，先來這裡補給一下位於百德新街附近的名店坊，就彷如置身日本的超級市場在超市入口的右邊有兩家食店，分別是味吉與盛八食堂愛蛋的朋友們亳不猶豫地走進了盛八食堂，此分店雖然開業不久，但我倆也幫襯過，而午餐時段倒是第一次光顧午飯時段人多，店員似乎經驗不夠，有點手忙腳亂，著店員落單也等了好一會，使我們這群餓蛋有點不耐煩幸好上菜速度算快，可補回印象分!香草醬再加入黑松露醬入口散發清香，配以來自日本的走地雞雞肉肉質煙韌且嫩滑，水準不俗黑豚漢堡質地軟腍，味道絕對不比別的兩家差芝士味道香濃，配上那帶酸味的醬汁混合來吃，感覺不太漏記得上次來吃下午茶時點過這款蛋包飯四粒雞球比上次的鮮味，外層更加香脆咖喱味甜而不辣，蛋皮亦做得厚而軟熟另外，同行的友人亦吃了兩款人氣的蛋包飯他們說味道不俗，下次待我倆試過再與各位報告!